ଦେଖନ୍ତୁ ଭିଡିଓ: ଲାଇଭ୍ ମ୍ୟାଚରେ ଧୋନିଙ୍କ ମଜାକ୍ ଉଡାଇଲେ ନଭଜୋତ୍ ସିଂ ସିଦ୍ଧୁ! କହିଲେ କିଛି ଏପରି ଯେ…..
IPL ୨୦୨୫ର ୧୭ତମ ମ୍ୟାଚ୍ ଚେପକ ଠାରେ ଦିଲ୍ଲୀ କ୍ୟାପିଟାଲ୍ସ ଏବଂ ଚେନ୍ନାଇ ସୁପର କିଙ୍ଗସ ମଧ୍ୟରେ ଖେଳାଯାଇଥିଲା। ଏହି ମ୍ୟାଚ୍ରେ ଦିଲ୍ଲୀ ଚେନ୍ନାଇକୁ ୫୦ ରନ୍ରେ ପରାସ୍ତ କରିଥିଲା। ୧୮୩ ରନର ଟାର୍ଗେଟକୁ ପିଛା କରୁଥିବା ବେଳେ, ସିଏସକେ ଦଳ ପୁଣି ଥରେ ବିଫଳ ହୋଇଛି। ସେହି ସମୟରେ, ୭ ନମ୍ବରରେ ବ୍ୟାଟିଂ କରିବାକୁ ଆସିଥିବା ମହେନ୍ଦ୍ର ସିଂହ ଧୋନି ମଧ୍ୟ କିଛି ବିଶେଷ କରିପାରି ନଥିଲେ। ତାଙ୍କ ବ୍ୟାଟରୁ ମଧ୍ୟ ୨୬ ବଲ୍ରେ ୩୦ ରନ୍ ଆସିଥିଲା।
ତେବେ, ଏହି ମ୍ୟାଚ୍ରେ ଲାଇଭ୍ କମେଣ୍ଟ୍ରି କରିବା ସମୟରେ, ନବଜୋତ ସିଂହ ସିଦ୍ଧୁ ଖୋଲାଖୋଲି ଭାବରେ ଧୋନିଙ୍କର ମଜା ଉଡାଇଥିଲେ। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଶନିବାର ଚେପକରେ, ଦିଲ୍ଲୀ କ୍ୟାପିଟାଲ୍ସ ୨୫ ରନରେ CSKକୁ ପରାସ୍ତ କରି ଟୁର୍ଣ୍ଣାମେଣ୍ଟରେ ବିଜୟର ହ୍ୟାଟ୍ରିକ୍ ରେକର୍ଡ କରିଛି। ଅନ୍ୟପକ୍ଷରେ ଚେନ୍ନାଇ ସୁପର କିଙ୍ଗସ ନିରାଶ କରିଥିଲା। ଏହି ସିଜନରେ ଏହା ସେମାନଙ୍କର କ୍ରମାଗତ ତୃତୀୟ ପରାଜୟ ଅଟେ। ଏହି ମ୍ୟାଚ୍ ସମୟରେ ଧୋନିଙ୍କଠାରୁ ବହୁତ ଆଶା ଥିଲା। କିନ୍ତୁ, ସେ ସେହି ଆଶା ପୂରଣ କରି ପାରିନଥିଲେ। ଏହି ସମୟରେ, ଷ୍ଟାର ସ୍ପୋର୍ଟସ୍ ଚ୍ୟାନେଲରେ ହିନ୍ଦୀ କମେଣ୍ଟ୍ରି କରୁଥିବା ନବଜୋତ ସିଂହ ସିଦ୍ଧୁ କିମ୍ବଦନ୍ତୀ ମହେନ୍ଦ୍ର ସିଂହ ଧୋନିଙ୍କର ମଜାକ ଉଡ଼ାଇଥିଲେ।
ପ୍ରକୃତରେ, ଦିଲ୍ଲୀ କ୍ୟାପିଟାଲ୍ସର ଦ୍ରୁତ ବୋଲର ମୋହିତ ଶର୍ମା ୧୪ତମ ଓଭରରେ ଏକ ନୋ ବଲ୍ ପକାଇଥିଲେ। ଏହା ପରେ ଅମ୍ପାୟାର ଫ୍ରି ହିଟ୍ ପାଇଁ ସଙ୍କେତ ଦେଇଥିଲେ। କ୍ୟାପଟେନ୍ କୁଲ୍ ଷ୍ଟ୍ରାଇକରେ ଥିଲେ। ଚେପକ ଷ୍ଟାଡିୟମରେ ଶବ୍ଦ ବଢ଼ି ଯାଇଥିଲା। ହିନ୍ଦୀ କମେଣ୍ଟ୍ରି କରୁଥିବା ନବଜୋତ ସିଂହ ସିଦ୍ଧୁ କହିଥିଲେ ଯେ ସେ ଛକା ମାରିବା ପାଇଁ ଯିବେ, ଏବଂ ଯଦି ସେ ଏବେ ଯିବେ ନାହିଁ ତେବେ କେବେ ଯିବେ।
"Ye toh fuss pataaka nikla"
— 𝐇𝐲𝐝𝐫𝐨𝐠𝐞𝐧 𝕏 (@ImHydro45) April 6, 2025
"Khoda pahaad nikli chuhiya"
Dhoni missed the FREE HIT and Sidhu started cooking Dhoni in commentary box.😭🔥
pic.twitter.com/Vz7Kw3XSRr
ମୋହିତ ଏକ ବାଉନ୍ସର ପକାଇଥିଲେ ଏବଂ ଧୋନି ନିଶ୍ଚିତ ଭାବରେ ବଡ଼ ସଟ୍ ଖେଳିବାକୁ ଚେଷ୍ଟା କରିଲେ। କିନ୍ତୁ, ବଲ୍ ତାଙ୍କ ମୁଣ୍ଡ ଉପର ଦେଇ ଚାଲିଗଲା ଏବଂ ସେ ବଲ୍ ଉପରେ ଗୋଟିଏ ବି ରନ୍ କରିପାରିଲେ ନାହିଁ। ଏହି ସମୟରେ ସିଦ୍ଧୁ କହିଥିଲେ - "ଦେଖୋ ଭାଇ, ୟେ ତୋ ଫୁସ୍ ପଟାଖା ନିକଲା। ଖୋଦା ପାହାଡ଼, ନିକଲା ଚୁହିୟା"। ସିଦ୍ଧୁଙ୍କର ଏଭଳି ମତ ଧୋନି ଫ୍ୟାନ୍ସମାନଙ୍କୁ ଆଦୌ ଭଲ ଲାଗିନଥିଲା।
ଏହି ସିଜିନରେ ଏମ୍ ଏସ୍ ଧୋନି ବହୁତ କମ୍ ବ୍ୟାଟିଂ କରିବାକୁ ଆସୁଛନ୍ତି। ଯାହା ଯୋଗୁଁ ତାଙ୍କୁ ସମାଲୋଚନା ମଧ୍ୟ କରାଯାଉଛି। କିନ୍ତୁ (ସିଏସକେ) ମୁଖ୍ୟ ପ୍ରଶିକ୍ଷକ ଷ୍ଟିଫେନ ଫ୍ଲେମିଂ କହିଥିଲେ ଯେ ଧୋନିଙ୍କ ଫିଟନେସ୍ ଆଉ ପୂର୍ବ ପରି ନାହିଁ, ତାଙ୍କ ଆଣ୍ଠୁରେ ସମସ୍ୟା ଅଛି। ଯାହା ଯୋଗୁଁ ସେ ବହୁତ ତଳେ ବ୍ୟାଟିଂ କରିବାକୁ ଆସନ୍ତି। ଆପଣଙ୍କୁ କହି ରଖୁଛୁ ଯେ ଧୋନି ଏପର୍ଯ୍ୟନ୍ତ ୪ଟି ମ୍ୟାଚ୍ ଖେଳି ସାରିଛନ୍ତି। ଏହି ସମୟ ମଧ୍ୟରେ ତାଙ୍କ ବ୍ୟାଟରୁ କୌଣସି ବଡ଼ ଇନିଂସ ଆସିନାହିଁ। ସେ ୦*,୩୦*,୧୬,୩୦ ରନ୍ କରିଛନ୍ତି।
