କ୍ରିକେଟ୍ ଖବର : ଜାନୁଆରୀରେ ହେବାକୁ ଥିବା ଆଇପିଏଲ୍ ୨୦୨୨ ମେଗା ନିଲାମ ପୂର୍ବରୁ, ଗତ ୩୦ ନଭେମ୍ବରରେ, ସମସ୍ତ ୮ ଟି ଦଳ ସେମାନଙ୍କର ରିଟେନ ଖେଳାଳିଙ୍କ ତାଲିକା ପ୍ରକାଶ କରିଛନ୍ତି। ଦିଲ୍ଲୀ, ମୁମ୍ବାଇ, କୋଲକାତା ଏବଂ ସିଏସକେ ନିଜ ଦଳରେ ସର୍ବାଧିକ ୪-୪ ଜଣ ଖେଳାଳିଙ୍କୁ ରିଟେନ କରିଛନ୍ତି। ଆରସିବି, ରାଜସ୍ଥାନ ଏବଂ ହାଇଦ୍ରାବାଦ ପ୍ରତ୍ୟେକ ମାତ୍ର ୩ ଖେଳାଳିଙ୍କୁ ରଖିବାକୁ ନିଷ୍ପତ୍ତି ନେଇଥିବାବେଳେ ପଞ୍ଜାବ କେବଳ ୨ ଜଣ ଖେଳାଳିଙ୍କୁ ରିଟେନ ରଖିବାକୁ ନିଷ୍ପତ୍ତି ନେଇଛି।

ଆଇପିଏଲ୍ କମିଟିର କଠୋର ନିୟମ ଅନୁଯାୟୀ ସମସ୍ତ ଫ୍ରାଞ୍ଚାଇଜ୍ ସର୍ବାଧିକ ୪ ଖେଳାଳିଙ୍କୁ ରିଟେନ ରଖିବାକୁ ଅନୁମତି ଦିଆଯାଇଥିଲା | ଯାହା ଅନୁଯାୟୀ କିଛି ଦଳ ସେମାନଙ୍କ ଅଭିଜ୍ଞ ଖେଳାଳିଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରିଛନ୍ତି। ତେଣୁ କିଛି ଦଳ ସେମାନଙ୍କ ଯୁବ ଖେଳାଳିଙ୍କ ଉପରେ ବିଶ୍ୱାସ କରି ଅଧିକ ଟଙ୍କାରେ କିଣିଛନ୍ତି। ଆଉ ଆଇପିଏଲ୍ କମିଟିର କଠୋର ନିୟମ ଯୋଗୁଁ ରିଟେନ ରରଖାଯାଇଥିବା କେତେକ ଖେଳାଳି ଧନୀ ହୋଇଯାଇଛନ୍ତି।

କିଛି ଖେଳାଳିଙ୍କ ବେତନରେ ଉଲ୍ଲେଖନୀୟ ବୃଦ୍ଧି ଘଟିଛି | ତେବେ ଏହି ଆର୍ଟିକିଲରେ, ଆମେ ଏପରି ୫ ଜଣ ଖେଳାଳିଙ୍କ ବିଷୟରେ କହିବାକୁ ଯାଉଛୁ ଯାହାର ଆଇପିଏଲ ୨୦୨୨ ର ୧୫ ତମ ସିଜନ ପାଇଁ ଦରମା ପୂର୍ବ ଅପେକ୍ଷା ଅଧିକ ବୃଦ୍ଧି ପାଇଛି।

୧) ରବୀନ୍ଦ୍ର ଜାଡେଜା:

ଏହି ରିପୋର୍ଟରେ, ଆମେ ପ୍ରଥମେ ରବିନ୍ଦ୍ର ଜାଡେଜାଙ୍କ ବିଷୟରେ ଆଲୋଚନା କରିବା, ଯାହାକୁ ପ୍ରଶଂସକମାନେ ସିଏସକେ ର ପ୍ରଥମ ରିଟେନ ଭାବରେ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି। କାରଣ ସମସ୍ତେ ଭାବୁଥିଲେ ଯେ ଅଧିନାୟକ ଏମଏସ ଧୋନିଙ୍କୁ ଚେନ୍ନାଇ ପ୍ରଥମ ରିଟେନ ଭାବରେ ଚୟନ କରିବ ବୋଲି। କିନ୍ତୁ, ସିଏସକେ ର ଏହି ନିଷ୍ପତ୍ତି ସମସ୍ତଙ୍କୁ ବର୍ତ୍ତମାନ ଆଶ୍ଚର୍ଯ୍ୟ କରିଦେଇଛି।ଅନ୍ୟପଟେ ଚେନ୍ନାଇ ଅଲରାଉଣ୍ଡର ଜାଡୁଙ୍କୁ ରଖିବ ବୋଲି ମଧ୍ୟ ଆଶା କରାଯାଇନଥିଲା, କିନ୍ତୁ ଯେଭଳି ଭାବରେ ଜାଡୁ ଦଳର ପ୍ରତ୍ୟେକ ପରିସ୍ଥିତିରେ ଏକ ବିଶେଷ ଭୂମିକା ଗ୍ରହଣ କରିଛନ୍ତି , ସେଥିପାଇଁ ସାର୍ ଜାଡେଜାଙ୍କୁ ଚେନ୍ନାଇ ରିଟେନ କରିବାକୁ ବାଧ୍ୟ ହୋଇଛି।

କିନ୍ତୁ, ନଭେମ୍ବର ୩୦ ରେ, ସିଏସକେ ର ରିଟେନ ନିଷ୍ପତ୍ତି ରବିନ୍ଦ୍ର ଜାଡେଜାଙ୍କୁ ଧନୀ କରିଦେଇଛି। ଚେନ୍ନାଇ ତାଙ୍କୁ ୧୬ କୋଟି ଟଙ୍କା ମୂଲ୍ୟରେ ୧୫ ତମ ସିଜନ ପାଇଁ ରିଟେନ କରିଛି। ଏହାପୂର୍ବରୁ ସେ ମାତ୍ର ୭ କୋଟି ଟଙ୍କା ଦରମା ଆକାର ଗୋଟିଏ ସିଜନରେ ପାଉଥିଲେ। କିନ୍ତୁ ବର୍ତ୍ତମାନ ଜାଡୁ ଚେନ୍ନାଇ ଏବଂ ଆଇପିଏଲର ସବୁଠାରୁ ଦାମୀ ଖେଳାଳି ହୋଇପାରିଛନ୍ତି। ଭବିଷ୍ୟତରେ ସେ ଚେନ୍ନାଇର ଅଧିନାୟକ ପଦରେ ରହିପାରନ୍ତି ବୋଲି ଚର୍ଚ୍ଚା ହେଉଛି।

୨) ଭେଙ୍କଟେଶ ଆୟର :

ଏହି ତାଲିକାର ଦ୍ୱିତୀୟ ବଡ ନାମ ହେଉଛି କୋଲକାତା ନାଇଟ୍ ରାଇଡର୍ସର ଅଲରାଉଣ୍ଡର ଭେଙ୍କଟେଶ ଆୟର। ଯିଏକି ଆଇପିଏଲ୍ ୨୦୨୧ ର ଦ୍ୱିତୀୟାର୍ଦ୍ଧରେ ଖେଳିବାର ସୁଯୋଗ ପାଇଥିଲେ ଏବଂ ସେହି ସିଜନର ସବୁଠାରୁ ପ୍ରଭାବଶାଳୀ ଖେଳାଳି ତାଲିକାରେ ଅନ୍ତର୍ଭୁକ୍ତ ହୋଇଥିଲେ। ସେ କେବଳ ବ୍ୟାଟିଂ ନୁହେଁ ବରଂ ବଲ ସହିତ ମଧ୍ୟ ପ୍ରଶଂକଙ୍କ ଦୃଷ୍ଟି ଆକର୍ଷଣ କରିଥିଲେ।

ଆୟରଙ୍କ କାର୍ଯ୍ୟଦକ୍ଷତାକୁ ଧ୍ୟାନରେ ରଖି କେକେଆର ତାଙ୍କର ପୂର୍ବ ପରିମାଣଠାରୁ ୪୦ ଗୁଣ ବୃଦ୍ଧି ପାଉଣା ଦେଇ ତାଙ୍କୁ ରିଟେନ କରିଛି। ଭେଙ୍କଟେଶ ଆୟରଙ୍କୁ ୨୦୨୧ ରେ ୨୦ ଲକ୍ଷ ଟଙ୍କାରେ କିଣିଥିଲା କେକେଆର। ଯେତେବେଳେ କି ଗୋଟିଏ ବର୍ଷ ପରେ ସେ କେକେଆର୍ ଠାରୁ ୮ କୋଟି ଟଙ୍କା ପାଇବାକୁ ଯାଉଛନ୍ତି। ହଁ, କୋଲକାତା ନାଇଟ୍ ରାଇଡର୍ସ ଆଇପିଏଲ୍ ୨୦୨୨ ପାଇଁ ଭେଙ୍କଟେଶଙ୍କୁ ୮ କୋଟି ଟଙ୍କାରେ ରଖିଛି।

୩) ମୟଙ୍କ ଅଗ୍ରୱାଲ :

ଏହି ତାଲିକାର ତୃତୀୟ ବୃହତ୍ତମ ନାମ ହେଉଛି ଓପନର୍ ମୟଙ୍କ ଅଗ୍ରୱାଲ। ଯିଏକି ଲୋକେଶ ରାହୁଲଙ୍କ ସହ ପଡିଆକୁ ଆସି ପଞ୍ଜାବ ଦଳ ପାଇଁ ଧୂଆଁଧାର ଇନିଂସ ଖେଳିଥାନ୍ତି। ସେ ସର୍ବଦା ଦଳକୁ ଏକ ଭଲ ଆରମ୍ଭ ଦେଇଛନ୍ତି ଏବଂ ବର୍ତ୍ତମାନ ତାଙ୍କୁ ବିପୁଳ ପରିମାଣର ଅର୍ଥ ପ୍ରଦାନ କରାଯାଇଛି। ଅଗ୍ରୱାଲ ଆଇପିଏଲ ଟୁର୍ନାମେଣ୍ଟରେ ବିସ୍ଫୋରକ ଇନିଂସ ପାଇଁ ଜଣାଶୁଣା। ଯେପର୍ଯ୍ୟନ୍ତ ସେ କ୍ରିଜରେ ରହିବେ, ସେତେବେଳେ ବିରୋଧୀ ଦଳଙ୍କର ବୋଲରଙ୍କୁ ନିର୍ଧୁମ ଛେଚିବେ। ଅନ୍ୟପଟେ ପଞ୍ଜାବ କିଙ୍ଗ୍ସ କେବଳ ୨ ଜଣ ଖେଳାଳିଙ୍କୁ ରିଟେନ କରିଛି। ଏଥିରେ ପ୍ରଥମ ନାମ ହେଉଛି ମୟଙ୍କ ଅଗ୍ରୱାଲ। ଫ୍ରାଞ୍ଚାଇଜ୍ ଆଗାମୀ ଆଇପିଏଲ୍ ୨୦୨୨ ପାଇଁ ୧୨ କୋଟି ଟଙ୍କାରେ ତାଙ୍କୁ ଦଳରେ ରିଟେନ କରିଛି। ଯେତେବେଳେ କି ପୂର୍ବ ଆଇପିଏଲରେ ୧କୋଟି ଟଙ୍କା ଦରମା ଆକାରରେ ପାଇଥିଲେ। ଏଥିରୁ ଆପଣ ଅନୁମାନ କରିପାରୁଥିବେ ଯେ, ତାଙ୍କ ବେତନରେ କିଭଳି ବୃଦ୍ଧି ଘଟିଛି।

୪) ପୃଥୀ ଶ’ :

ଏହି ତାଲିକାର ଚତୁର୍ଥ ବଡ ନାମ ହେଉଛି ଦିଲ୍ଲୀ କ୍ୟାପିଟାଲ୍ସ ର ଓପନର୍ ପୃଥୀ ଶ’। ଯିଏ କେବଳ ଏହି ଟୁର୍ନାମେଣ୍ଟରେ ନୁହେଁ ବରଂ ବିସ୍ଫୋରକ ବ୍ୟାଟିଂ ପାଇଁ ଆନ୍ତର୍ଜାତୀୟ ସ୍ତରରେ ମଧ୍ୟ ବିଖ୍ୟାତ। ଯଦିଓ ପୃଥୀ ଆନ୍ତର୍ଜାତୀୟ କ୍ୟାରିଅର୍ କିଛି ସମୟ ହେଲା ଉଭେଇ ଯାଇଛନ୍ତି, କିନ୍ତୁ ଘରୋଇ ମ୍ୟାଚ୍‌ରେ ସେ ନିଜ ବ୍ୟାଟିଂ ସହ ଆତଙ୍କ ସୃଷ୍ଟି କରିଛନ୍ତି। ଅନ୍ୟପଟେ ଦିଲ୍ଲୀ ପୃଥୀ ଶ’ଙ୍କ ସମେତ ଚଳିତ ବର୍ଷ ମୋଟ ୪ ଜଣ ଖେଳାଳିଙ୍କୁ ରଖିଛି। ତାଙ୍କୁ ପୂର୍ବରୁ ଦରମା ହିସାବରେ ୧.୨ କୋଟି ଟଙ୍କା ଦିଆଯାଉଥିଲା। କିନ୍ତୁ, ବର୍ତ୍ତମାନ ତାଙ୍କର ଦରମା ମଧ୍ୟ ଯଥେଷ୍ଟ ବୃଦ୍ଧି ପାଇଛି। ଆଇପିଏଲ୍ ୨୦୨୨ ର ୧୫ ତମ ସିଜନରେ ପୃଥୀ ଶ’ଙ୍କୁ ୭.୫ କୋଟି ଟଙ୍କାରେ ରିଟେନ କରିଛି ଦିଲ୍ଲୀ କ୍ୟାପିଟାଲ୍ସ।

୫) ରୁତୁରାଜ୍ ଗାଇକୱାଡ୍ :

ଏହି ତାଲିକାରେ ପଞ୍ଚମ ଏବଂ ଶେଷ ସ୍ଥାନରେ ଅଛନ୍ତି ଚେନ୍ନାଇ ସୁପର କିଙ୍ଗ୍ସ ଓପନର୍ ରୁତୁରାଜ୍ ଗାଇକୱାଡ୍। ଗତ ବର୍ଷ ସେ ଯେଉଁଭଳି ନିଜର ଖେଳ ପ୍ରଦର୍ଶନ କରିଥିଲେ ତାହା ଅତ୍ୟନ୍ତ ପ୍ରଭାବଶାଳୀ ଥିଲା। ସେ ୧୪ ତମ ସିଜନରେ ଟୁର୍ଣ୍ଣାମେଣ୍ଟରେ ସର୍ବାଧିକ ରନ୍ କରି ଅରେଞ୍ଜ କ୍ୟାପ୍ ଜିତିଥିଲେ। ଜଣେ ଓପନର୍ ଭାବରେ ସେ ୨୦୨୧ ସିଜନରେ ଏକ ଶତକୀୟ ପାଳି ଖେଳିଥିଲେ ଏବଂ ଚତୁର୍ଥ ଥର ପାଇଁ ଦଳକୁ ଚାମ୍ପିଅନ୍ କରାଇବାରେ ଏକ ମହତ୍ତ୍ୱପୂର୍ଣ୍ଣ ଅବଦାନ ଦେଇଥିଲେ। ଏହାର ଫଳସ୍ୱରୂପ, ଫ୍ରାଞ୍ଚାଇଜ୍ ତାଙ୍କୁ ବହୁ ମୂଲ୍ୟରେ ରିଟେନ କରିଛି। ଗତ ବର୍ଷ ତାଙ୍କର ଆଇପିଏଲ ଦରମା ୪୦ ଲକ୍ଷ ଥିଲା। କିନ୍ତୁ, ଆଇପିଏଲ ୨୦୨୨ ରେ, ତାଙ୍କୁ ୬ କୋଟି ଟଙ୍କା ମୂଲ୍ୟରେ ରଖିଛି ଚେନ୍ନାଇ। ଏଥିରୁ ଆପଣ ଅନୁମାନ କରିପାରୁଥିବେ ଯେ, ତାଙ୍କ ବେତନରେ କିଭଳି ବୃଦ୍ଧି ଘଟିଛି।