ଇଣ୍ଡିଆନ୍ ପ୍ରିମିୟର ଲିଗର ୨୦୨୪ ସଂସ୍କରଣ ଆରମ୍ଭ ପୂର୍ବରୁ ୫ ଥର ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସକୁ ଏକ ବଡ଼ ଝଟକା ଲାଗିଛି। ଯେଉଁ ଖେଳାଳିଙ୍କ ପାଇଁ ମୁମ୍ବାଇ ଇଣ୍ଡିଆନ୍ସ ନିଲାମରେ ବାଜି ଲଗାଇଥିଲା ସେହି ଖେଳାଳି ଦଳ ତଥା ନୂତନ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ପାଇଁ ଅସୁବିଧା ସୃଷ୍ଟି କରିବେ। ଏହି ଖେଳାଳୀଙ୍କ ହେତୁ ଦଳର ପ୍ରଦର୍ଶନ ଉପରେ ବଡ ପ୍ରଭାବ ପଡ଼ିପାରେ। 

ପ୍ରକୃତରେ ଆଇପିଏଲ୍ ୨୦୨୪ ଆରମ୍ଭ ହେବା ପୂର୍ବରୁ ମୁମ୍ବାଇ ଇଣ୍ଡିଆନ୍ସକୁ ଜେରାଲ୍ଡ କୋଟଜିଆଙ୍କ ଆକାରରେ ଏକ ବଡ଼ ଝଟକା ଲାଗିଛି। ଖବର ଅନୁଯାୟୀ, ସେ ଆହତ ହୋଇଛନ୍ତି ଏବଂ ବର୍ତ୍ତମାନ ଆଇପିଏଲରେ ଭାଗ ନେବାକୁ ତାଙ୍କୁ ଫିଟ୍ ଘୋଷଣା କରାଯାଇ ନାହିଁ। ଖବର ଅନୁଯାୟୀ, ସେ ସିଜିନର ପ୍ରଥମ କିଛି ମ୍ୟାଚରୁ ବାଦ୍ ପଡ଼ିପାରନ୍ତି। ସେ ଜଣେ ଭଲ ପେସ୍ ବୋଲର ହେବା ସହିତ,ଲୋୟର୍ ଅର୍ଡ଼ରରେ ଜଣେ ଉପଯୋଗୀ ବ୍ୟାଟ୍ସମ୍ୟାନ୍  ଅଟନ୍ତି ଏବଂ ବଡ଼ ଶଟ୍‌ ମାରିବାର କ୍ଷମତା ମଧ୍ୟ ରଖିଛନ୍ତି। ତେଣୁ ସେ ପ୍ରଥମ କିଛି ମ୍ୟାଚ୍‌ରୁ ବାଦ୍ ପଡିବା ଦଳ ପାଇଁ କ୍ଷତିକାରକ ସାବ୍ୟସ୍ତ ହୋଇପାରେ। ସେ ୨୦୨୩ ବିଶ୍ୱକପ୍‌ରେ ଦକ୍ଷିଣ ଆଫ୍ରିକା ଦଳର ଅଂଶବିଶେଷ ରହିଥିଲେ।  

ଏହି ମେଗା ଟୁର୍ନାମେଣ୍ଟରେ ସେ ତାଙ୍କ ବୋଲିଂ ଏବଂ ବ୍ୟାଟିଂ ମାଧ୍ୟମରେ ସମସ୍ତଙ୍କ ହୃଦୟ ଜିତିଥିଲେ। ସେହି ଦିନଠାରୁ, ଆଶା କରାଯାଉଥିଲା ଯେ ତାଙ୍କ ନାମରେ ଆଇପିଏଲରେ ଏକ ବଡ ବିଡ୍ ରଖାଯିବ। ନିଲାମ ସମୟରେ ମୁମ୍ବାଇ ଇଣ୍ଡିଆନ୍ସ ଏହି ବୋଲିଂ ଅଲରାଉଣ୍ଡରଙ୍କୁ ୫ କୋଟି ଟଙ୍କାରେ ଦଳରେ ସାମିଲ କରିଥିଲା।  ବୁମ୍ରାଙ୍କ ସହ କୋଜିଆ ଦଳର ବୋଲିଂକୁ ମଜବୁତ କରିବେ ବୋଲି ଆଶା କରାଯାଉଥିଲା।

ଜେରାଲ୍ଡ କୋଜିଆଙ୍କ ଖେଳିବାର ଶୈଳୀ ଏବଂ ତାଙ୍କର ଅଲରାଉଣ୍ଡ ଦକ୍ଷତା ତାଙ୍କୁ ଟି-୨୦ ଫର୍ମାଟ୍ ପାଇଁ ଉପଯୋଗୀ କରିଥାଏ। କେବଳ ଆଇପିଏଲରେ ନୁହେଁ ବରଂ ବିଶ୍ୱର ଅନ୍ୟ ଟି-୨୦ ଲିଗରେ ମଧ୍ୟ ତାଙ୍କର ବହୁତ ଚାହିଦା ରହିଛି। ଯଦି ଆମେ କୋଜିଆଙ୍କ ଟି-୨୦ କ୍ୟାରିୟର ବିଷୟରେ କହିବା, ତେବେ ସେ ଦକ୍ଷିଣ ଆଫ୍ରିକା ପାଇଁ ୪ ଟି ମ୍ୟାଚରେ ୬ଟି ୱିକେଟ୍ ନେଇଛନ୍ତି। କିନ୍ତୁ ଲିଗ୍ କ୍ରିକେଟରେ ୪୨ ମ୍ୟାଚରେ ସେ ୬୦ ୱିକେଟ୍ ସହିତ ୨୭ ଇନିଂସରେ ୧୯୩ ରନ୍ ସଂଗ୍ରହ କରିଛନ୍ତି। ଏହି ଦକ୍ଷତା ହେତୁ ମୁମ୍ବାଇ ଇଣ୍ଡିଆନ୍ସ ତାଙ୍କ ଉପରେ ଏକ ବଡ ବାଜି ଲଗାଇଛି। ମୁମ୍ବାଇ ଇଣ୍ଡିଆନ୍ସ ଜେରାଲ୍ଡ କୋଜିଆଙ୍କ ଆକାରରେ ସିଜିନର ପ୍ରଥମ ଝଟକା ପାଇନାହିଁ। ଏହା ପୂର୍ବରୁ ସୂର୍ଯ୍ୟକୁମାର ଯାଦବ ମଧ୍ୟ ସିଜିନର ପ୍ରଥମ ୨ଟି ମ୍ୟାଚରୁ ବାଦ ପଡିଛନ୍ତି।  ଖବର ଅନୁଯାୟୀ, ଅପରେସନ୍ ପରେ ସୂର୍ଯ୍ୟକୁମାର ଯାଦବ ସମ୍ପୂର୍ଣ୍ଣ ଭାବେ ମ୍ୟାଚ ଫିଟ୍ ହୋଇନାହାଁନ୍ତି।

ତାଙ୍କୁ ଆଇପିଏଲ ମ୍ୟାଚ୍ ଖେଳିବାକୁ ଅନୁମତି ଦିଆଯାଇ ନାହିଁ ଏବଂ ଏହା ନିଶ୍ଚିତ ଯେ ସେ ଅତି କମରେ ପ୍ରଥମ ଦୁଇଟି ମ୍ୟାଚରୁ ବାହାରେ ରହିବେ। ଦଳ ପାଇଁ ଏହା ଏକ ବଡ ଝଟକା ଅଟେ। ଆଇପିଏଲ୍ ୨୦୨୪ ଆରମ୍ଭ ପୂର୍ବରୁ ମୁମ୍ବାଇ ଇଣ୍ଡିଆନ୍ସ ଏକ ବଡ ନିଷ୍ପତ୍ତି ନେଇଥିଲା। ରୋହିତ ଶର୍ମାଙ୍କ ସ୍ଥାନରେ ଦଳ ହାର୍ଦ୍ଦିକ ପାଣ୍ଡ୍ୟାଙ୍କୁ ଏହାର ନୂତନ ଅଧିନାୟକ ଭାବରେ ଘୋଷଣା କରିଛି। ଏହି ନିଷ୍ପତ୍ତି ଦଳର ଲୋକପ୍ରିୟତା ଉପରେ ଅଧିକ ପ୍ରଭାବ ପକାଇଛି। ଏହା ସହିତ, ଏହି ନିଷ୍ପତ୍ତି ଦଳରେ ବିଭାଜନ ସୃଷ୍ଟି କରିଛି।

ରୋହିତଙ୍କ ଅଧିନାୟକତ୍ୱରେ ସୂର୍ଯ୍ୟକୁମାର ଯାଦବ ଏବଂ ଜସପ୍ରୀତ ବୁମ୍ରାଙ୍କ ଭଳି ବରିଷ୍ଠ ଖେଳାଳିଙ୍କ ସମେତ ଦଳର ସମସ୍ତ ଖେଳାଳି ଏକତ୍ରିତ ହୋଇ ରହିଥିଲେ। ସେହି ସମୟରେ ୱାନ ଟିମ୍ ୱାନ ଫ୍ୟାମିଲିର ସ୍ଲୋଗାନ ଆସୁଥିଲା କିନ୍ତୁ ହାର୍ଦ୍ଦିକଙ୍କୁ ଅଧିନାୟକ କରିବାର ନିଷ୍ପତ୍ତି ଦଳରେ ବିଭାଜନ ସୃଷ୍ଟି କରିଛି। ତାଙ୍କୁ ଅଧିନାୟକ କରିବା ନିଷ୍ପତ୍ତିରେ ଜସପ୍ରୀତ ବୁମ୍ରା ଏବଂ ସୂର୍ଯ୍ୟକୁମାର ଯାଦବ ମଧ୍ୟ ନିରାଶ ହୋଇଛନ୍ତି। ସୋସିଆଲ ମିଡିଆରେ ଫ୍ୟାନ୍ସମାନେ ମଧ୍ୟ ନିଜର ଅସନ୍ତୋଷ ବ୍ୟକ୍ତ କରିଛନ୍ତି।

ଯେତେବେଳେ ହାର୍ଦ୍ଦିକ ମୁମ୍ବାଇ ଇଣ୍ଡିଆନ୍ସ ଛାଡି ଆଇପିଏଲରେ ଗୁଜୁରାଟର ଏକ ଅଂଶ ହୋଇଥିଲେ, ସେତେବେଳେ ଏହି ଦୁଇ ଖେଳାଳି ଆଶା କରିଥିଲେ ଯେ ରୋହିତ ଶର୍ମାଙ୍କ ପରେ ସେମାନଙ୍କ ମଧ୍ୟରୁ ଜଣେ ଦଳର ଅଧିନାୟକତ୍ୱ ପାଇବେ। ଉଭୟେ ଟିମ୍ ଇଣ୍ଡିଆର ଅଧିନାୟକ ମଧ୍ୟ ହୋଇ ସାରିଛନ୍ତି। କିନ୍ତୁ ଏହି ଦୁଇ ଖେଳାଳିଙ୍କୁ ଅଣଦେଖା କରି ମୁମ୍ବାଇ ହାର୍ଦ୍ଦିକଙ୍କୁ ଆଣି ତାଙ୍କୁ ଅଧିନାୟକ କରିଛି। ଯାହାକି ଦଳର ଲୋକପ୍ରିୟତା ଉପରେ ପ୍ରଭାବ ପକାଇଛି।