କ୍ରିକେଟ୍ ଖବର: ଚେନ୍ନାଇ ସୁପର କିଙ୍ଗ୍ସ (CSK) ଚଳିତ ସିଜନରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଆଇପିଏଲ୍ 2022 ର 22 ତମ ମ୍ୟାଚ୍ ଖେଳିବାକୁ ଯାଉଛି। ଏପ୍ରିଲ୍ 12 ଅର୍ଥାତ ଆଜି ଚେନ୍ନାଇ ନାଭି ମୁମ୍ବାଇ ପରିସରରେ ବାଙ୍ଗାଲୋରକୁ ଭେଟିବ। କାରଣ ଅଦ୍ୟାବଧି ରବିନ୍ଦ୍ର ଜାଡେଜାଙ୍କ ଅଧିନାୟକତ୍ୱରେ ଏହି ଦଳ ସେମାନଙ୍କ ବିଜୟର ଖାତା ଖୋଲି ନାହିଁ।  ଏଭଳି ପରିସ୍ଥିତିରେ ଚେନ୍ନାଇକୁ ଯେକୌଣସି ଏହି ମ୍ୟାଚକୁ ଜିତିବା ପାଇଁ ଚେଷ୍ଟା କରିବ।

ତେବେ, ପୂର୍ବ ରେକର୍ଡକୁ ଦେଖିଲେ ବର୍ତ୍ତମାନ ପର୍ଯ୍ୟନ୍ତ ଚେନ୍ନାଇ ସୁପର କିଙ୍ଗ୍ସ (CSK) ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଉପରେ ପ୍ରାଧାନ୍ୟ ବିସ୍ତାର କରିଛି। ଆଇପିଏଲ ଇତିହାସରେ ଏହି ଦୁଇ ଦଳ ପରସ୍ପରକୁ 29 ଥର ମୁହାଁମୁହିଁ ହୋଇଛନ୍ତି। ସେଥିମଧ୍ୟରୁ 19 ଥର ଚେନ୍ନାଇ ବାଙ୍ଗାଲୋରକୁ ପରାସ୍ତ କରିଛି। କିନ୍ତୁ IPL 2022 ରେ, ସମୀକରଣଗୁଡ଼ିକ ପରିବର୍ତ୍ତନ ହୋଇଛି। ତେଣୁ କିଛି ବି ହୋଇପାରେ। କାରଣ ଆରସିବି ଏହି ସିଜନରେ 4 ଟି ମ୍ୟାଚ ମଧ୍ୟରୁ 3 ଟି ଜିତି ସାରିଛି। ଏଥି ସହିତ, CSK ସେମାନଙ୍କର ପ୍ରଥମ ବିଜୟ ପାଇଁ  ଲଢେଇ ଜାରି ରଖିଛି। 

ଆଇପିଏଲ୍ 2021 ର ଅରେଞ୍ଜ କ୍ୟାପ୍ ବିଜେତା ରିତୁରାଜ ଗାଇକୱାଡ୍ ଚଳିତ ସିଜନରେ ଏପର୍ଯ୍ୟନ୍ତ ସମ୍ପୂର୍ଣ୍ଣ ଫ୍ଲପ୍ ହୋଇଆସୁଛନ୍ତି। ସେ ଖେଳିଥିବା 4 ଟି ମ୍ୟାଚରେ ନିଜର ଭଲ ଖେଳ ପ୍ରଦର୍ଶନ କରିନାହାନ୍ତି। ସେ ଏପର୍ଯ୍ୟନ୍ତ ମାତ୍ର 16 ରନ୍ ସଂଗ୍ରହ କରିଛନ୍ତି।  ଯାହା ଚେନ୍ନାଇ ସୁପର କିଙ୍ଗ୍ସ ପାଇଁ ବହୁତ ଚିନ୍ତାର ବିଷୟ | 

ତଥାପି, ଏହି ଓପନର୍ ଉପରେ CSK ର ବହୁତ ବିଶ୍ୱାସ ଅଛି। ଏହା ସହ ଚେନ୍ନାଇ (ସିଏସକେ) ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଗାଇକୱାଡକୁ ସମର୍ଥନ କରିବ ଏବଂ ତାଙ୍କୁ 11 ଜଣ ଖେଳାଳିଙ୍କ ମଧ୍ୟରେ ସ୍ଥାନ ଦେବ ବୋଲି ଅନୁମାନ କରାଯାଉଛି। ତେବେ ଟସ ପଡି ମ୍ୟାଚ ଆରମ୍ଭ ହେଲେ ହିଁ ଜଣାପଡିବ ଚଳିତବର୍ଷ ଦୁହିଁଙ୍କ ମଧ୍ୟରେ କିଏ ଶକ୍ତିଶାଳୀ ।  ଆଉ କିଏ ମାରିବ ଜିତ୍ । 

CSK ସମ୍ଭାବିତ ଦଳ:

ରିତୁରାଜ ଗାଇକୱାଡ, ରବିନ୍ ଉଥାପ୍ପା, ମୋଏନ୍ ଅଲି, ଅମ୍ବାତି ରାୟୁଡୁ, ଶିବମ୍ ଦୁବେ, ମହେନ୍ଦ୍ର ସିଂ ଧୋନି (WK), ରବିନ୍ଦ୍ର ଜାଡେଜା(C), ଡୱେନ ବ୍ରାଭୋ, ଡୱେନ ପ୍ରିଟୋରିଅସ, କ୍ରିସ ଜୋର୍ଡାନ ।