କ୍ରିକେଟ୍ ଖବର : IPL 2022 ଆରମ୍ଭ ହୋଇଛି। ଗତ ରବିବାର ଦିନ ଖେଳାଯାଇଥିବା ମ୍ୟାଚରେ ଦିଲ୍ଲୀ କ୍ୟାପିଟାଲସ ମୁମ୍ବାଇ ଇଣ୍ଡିଆନ୍ସକୁ ୪ ୱିକେଟରେ ପରାସ୍ତ କରି ପ୍ରଥମ ମ୍ୟାଚରେ ବିଜୟ ସହ ଆରମ୍ଭ କରିଥିଲା। ଦଳ ପାଇଁ ଲଲିତ ଯାଦବ ସର୍ବାଧିକ ରନ୍ ସଂଗ୍ରହ କରିଥିବାବେଳେ ଆକ୍ସର ପଟେଲ 17 ଟି ବଲରେ 38 ରନର ଅପରାଜିତ ଇନିଂସ ଖେଳିଥିଲେ।

ଆକ୍ସର ପଟେଲଙ୍କ ଏହି ଇନିଂସ ଦିଲ୍ଲୀ ପାଇଁ ଏକ ବିଜୟ ବୋଲି ପ୍ରମାଣିତ ହୋଇଛି। ତେବେ ଏହାରି ମଧ୍ୟରେ କ୍ୟାପଟେନ ରିଷଭ ପନ୍ତ ଦୁଇ ଖେଳାଳିଙ୍କୁ ବହୁତ ମିସ୍ କରିଛନ୍ତି। ପୋଷ୍ଟ ମ୍ୟାଚ ପରେ ସେ ଏହି ଦୁଇ ଖେଳାଳିଙ୍କ ବିଷୟରେ କହିଛନ୍ତି।

ଦିଲ୍ଲୀ କ୍ୟାପିଟାଲ୍ସର ଅଧିନାୟକ ରିଷଭ ପନ୍ତ ପୋଷ୍ଟ ମ୍ୟାଚ୍ ଉପସ୍ଥାପନାରେ କହିଛନ୍ତି ଯେ, ୱିକେଟ୍ ହରାଇବା ପରେ ଆମେ ଭାବୁଥିଲୁ ମ୍ୟାଚ୍ ହାରିଯିବୁ, କିନ୍ତୁ ଆମର କେବଳ ବିଶ୍ୱାସ ଥିଲା ଯେ, ଆମେ ମ୍ୟାଚ ଜିତିବୁ। ତେବେ ଆଜିର ମ୍ୟାଚରେ ମୁଁ ଏଠାରେ ମିଚ୍ ମାର୍ଶ ଏବଂ ୱାର୍ଣ୍ଣରଙ୍କୁ ମିସ୍ କରୁଛି । ଦୀର୍ଘ ସମୟ ପରେ ଏହା କୁଲଦୀପ ଯାଦବଙ୍କର ସର୍ବୋତ୍ତମ ପ୍ରଦର୍ଶନ। 

ସୂଚନାଯୋଗ୍ୟ ଯେ ଦିଲ୍ଲୀ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା, ଏହାର ଜବାବରେ ମୁମ୍ବାଇ ଇଣ୍ଡିଆନ୍ସ 20 ଓଭରରେ ଦିଲ୍ଲୀକୁ 178 ରନ୍ ଦେଇଥିଲା।  ଦିଲ୍ଲୀ 18.2 ଓଭରରେ ଏହି ଲକ୍ଷ୍ୟକୁ ହାସଲ କରି ପ୍ରଥମ ମ୍ୟାଚ୍ ଜିତିଥିଲା ​​|