ଆଇସିସି ODI ବିଶ୍ୱକପ 2023 ରେ ଭାରତ ବିପକ୍ଷରେ ବିସ୍ଫୋରକ ବ୍ୟାଟିଂ କରି ଅଷ୍ଟ୍ରେଲିଆର ସାଂଘାତିକ ଓପନିଂ ବ୍ୟାଟ୍ସମ୍ୟାନ୍ ଟ୍ରାଭିସ୍ ହେଡ୍ ସମସ୍ତଙ୍କ ହୃଦୟରେ ନିଜର ଚିହ୍ନ ରଖିଛନ୍ତି । ସେ ଅହମ୍ମଦାବାଦ ଗ୍ରାଉଣ୍ଡରେ ଏକ ବଡ଼ ଇନିଂସ ଖେଳି କଙ୍ଗାରୁ ଦଳକୁ ଟାଇଟଲ ବିଜୟରେ ଆଗେଇ ନେଇଥିଲେ ।

ଅଷ୍ଟ୍ରେଲିଆ ବିପକ୍ଷରେ ଟସ୍ ହାରିବା ପରେ ବିସ୍ଫୋରକ ଫର୍ମରେ ଥିବା ଭାରତୀୟ ଦଳ ମାତ୍ର 240 ରନ ହାସଲ କରିଥିଲା । 43 ଓଭରରେ ଟ୍ରାଭିସ୍ ହେଡଙ୍କ ଶତକ ଆଧାରରେ କଙ୍ଗାରୁ ଦଳ 4 ୱିକେଟ୍ ହରାଇ ସହଜରେ ଲକ୍ଷ୍ୟ ହାସଲ କରି ଭାରତ ଚାମ୍ପିୟନ ହେବାର ସ୍ୱପ୍ନକୁ ଭାଙ୍ଗି ଦେଇଥିଲା ।

ଏଥି ସହିତ ଟାର୍ଗେଟକୁ ପିଛା କରିବାକୁ ଆସିଥିବା ଅଷ୍ଟ୍ରେଲିଆ ଦଳ ଚମତ୍କାର ବ୍ୟାଟିଂ କରି ମ୍ୟାଚକୁ 6 ୱିକେଟରେ ଜିତି ରେକର୍ଡ ଷଷ୍ଠ ଥର ପାଇଁ ବିଶ୍ୱକପ ଦଖଲ କରିଛି।  ଯେତେବେଳେ କି ଭାରତୀୟ ଦଳର ବିଶ୍ୱକପ ଜିତିବାର ସ୍ୱପ୍ନ ପୁଣି ଥରେ ଧ୍ୱଂସ ହୋଇଯାଇଛି।

ଭାରତର ଦୁଇ ଓପନର ରୋହିତ ଶର୍ମା ଓ ଶୁବମନ ଗିଲ ଦଳ ପାଇଁ ଭଲ ଆରମ୍ଭ କରିଥିଲେ । ‌ଦଳୀୟ ସ୍କୋର 30 ରନ୍‌ ଥିବା ବେଳେ ଯୁବ ବ୍ୟାଟର ଗିଲ ମାତ୍ର 4 ରନ୍‌ କରି ଆଉଟ ହୋଇଥିବାବେଳେ ଅଧିନାୟକ ରୋହିତ ବିସ୍ଫୋରକ ବ୍ୟାଟିଂ ଜାରି ରଖିଥିଲେ । କିନ୍ତୁ ରୋହିତ 47 ରନ କରି ଆଉଟ ହେବା ପରେ ରନ୍‌ର ଗତି ଧୀମେଇ ଯାଇଥିଲା । ଯାହା ବଡ଼ ସ୍କୋର୍ ହୋଇ ପାରି ନଥିଲା।

ଭାରତର ପରାଜୟ ପରେ ଫ୍ୟାନ୍ସ ସ୍କ୍ରିନ ରେ ଲଗାଇଥିଲେ ନିଆଁ:

ତେବେ ବିଶ୍ୱକପ ର ଆଶା ଧୂଳିସାତ ହେବା ପରେ କିଛି ବଭାରତୀୟ ଫ୍ୟାନ୍ସ ସ୍କ୍ରିନ ରେ ନିଆଁ ଲଗାଇଥିବା ଦୃଶ୍ୟ ବର୍ତ୍ତମାନ ସୋସିଆଲ ମିଡ଼ିଆ ରେ ଭାଇରଲ ହେଉଛି । ପରାଜୟ ସତରେ ସମସ୍ତ ଭାରତୀୟ ଫ୍ୟାନ୍ସ ଙ୍କୁ ଆଘାତ ଦେଇଛି ।