ଭାରତୀୟ କ୍ରିକେଟ୍ ଦଳର ଭେଟେରାନ୍ ସ୍ପିନର ପୀୟୁଷ ଚାୱଲା ପଡ଼ିଆ ବାହାରେ ଦେଇଥିବା ବିବୃତ୍ତି ପାଇଁ ଅନେକ ସମୟରେ ଖବରରେ ରହିଥାନ୍ତି। କିଛି ସମୟ ପୂର୍ବରୁ ସେ ବିରାଟ କୋହଲିଙ୍କ ସମ୍ପର୍କରେ ଏକ ବିବୃତ୍ତି ଦେଇଥିଲେ ଯାହାକୁ ନେଇ ବେସ୍ ଚର୍ଚ୍ଚା ହୋଇଥିଲା। ବିରାଟ କୋହଲିଙ୍କ ବିଷୟରେ ସେ କହିଥିଲେ ଯେ ତାଙ୍କ ଆଚରଣ ପୂର୍ବ ଭଳି ସମାନ ରହିନାହିଁ ଏବଂ ସେ ସମ୍ପୂର୍ଣ୍ଣ ବଦଳି ଯାଇଛନ୍ତି। 

ବର୍ତ୍ତମାନ ସେ ଏକ ସାକ୍ଷାତକାରରେ ଏପରି ଅନେକ କଥା କହିଛନ୍ତି ଯେଉଁଥିପାଇଁ ସେ ପୁଣିଥରେ ଆଲୋଚନାକୁ ଆସିଛନ୍ତି। ବାସ୍ତବରେ, ସେ ତାଙ୍କ ଅବସର ବିଷୟରେ ପଚରାଯାଇଥିବା ପ୍ରଶ୍ନର ଏକ କାହାଣୀ ସେୟାର କରିଛନ୍ତି। ଭାରତୀୟ କ୍ରିକେଟର ପୃଥ୍ବୀ ସ’ ସହ ହୋଇଥିବା ବାର୍ତ୍ତାଳାପ ବିଷୟରେ ପୀୟୁଷ ଚାୱଲା ପ୍ରଶଂସକମାନଙ୍କୁ କହିଛନ୍ତି। ସେ କହିଛନ୍ତି ଯେ ଥରେ ପୃଥ୍ବୀ ତାଙ୍କୁ ଅବସର ନେବା ବିଷୟରେ ପଚାରିଥିଲେ। ତା’ପରେ ପୀୟୁଷ ଚାୱଲା ତାଙ୍କୁ ଏପରି ଉତ୍ତର ଦେଇଥିଲେ, ଯାହା ପରେ ତାଙ୍କ ପାଟି ବନ୍ଦ ହୋଇଯାଇଥିଲା।

ବାସ୍ତବରେ, ଶୋ’ର ହୋଷ୍ଟ ତାଙ୍କ ସୋ’ରେ ପଚାରିଥିଲେ, ପୀୟୁଷ ଚାୱଲା ପ୍ରଥମେ ଅବସର ନେବେ ନା ଏମଏସ ଧୋନି? ପୀୟୂଷ କହିଛନ୍ତି ଯେ,“କିଛି ସମୟ ପୂର୍ବରୁ ପୃଥ୍ବୀ ମୋତେ‘ପିସି ଭାଇ ବସ୍ କରୋ ୟାର ଅବ’କହିଥିଲେ। ମୁଁ କହିଲି, ମୁଁ ସଚିନ୍ ପାଜିଙ୍କ ସହ ଖେଳିଛି ଏବଂ ବର୍ତ୍ତମାନ ମୁଁ ତାଙ୍କ ପୁଅ ସହିତ ଖେଳୁଛି। ମୁଁ ତୁମ ସହିତ ଖେଳୁଛି ଏବଂ ତୁମ ପୁଅ ସହିତ ଖେଳିବା ପରେ ମୁଁ ଅବସର ନେବି”।

ପୀୟୁଷ ଚାୱଲା ଭାରତ ପାଇଁ ୩ ଟେଷ୍ଟ, ୨୫ ଟି ଏକଦିବସିୟ ଏବଂ ୭ ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି। ଟେଷ୍ଟ କ୍ରିକେଟରେ ଚାୱଲା ତାଙ୍କ ନାମରେ ୭ ୱିକେଟ୍ ନେଇଛନ୍ତି। ସେ ଏକଦିବସିୟରେ ୩2 ୱିକେଟ୍ ନେଇଥିବା ବେଳେ ଟି-୨୦ ଇଣ୍ଟରନ୍ୟାସନାଲରେ ତାଙ୍କ ନାମରେ ୪ ୱିକେଟ୍ ରହିଛି। ଏହା ବ୍ୟତୀତ ପୀୟୁଷ ଚାୱଲା ଆଇପିଏଲରେ ୧୯୨ ଟି ମ୍ୟାଚରେ ୧୯୨ ୱିକେଟ୍ ନେଇଛନ୍ତି।