ଫାଇନାଲ୍ ପୂର୍ବରୁ ଆହତ ହେଲେ ବିରାଟ! ମ୍ୟାଚ ଖେଳିବାକୁ ଫିଟ୍ ନା ଅନଫିଟ୍?
ଟିମ୍ ଇଣ୍ଡିଆକୁ ନ୍ୟୁଜିଲ୍ୟାଣ୍ଡ ବିପକ୍ଷରେ ଚାମ୍ପିଅନ୍ସ ଟ୍ରଫିର ଫାଇନାଲ ଖେଳିବାକୁ ହେବ। ମାର୍ଚ୍ଚ ୯ ତାରିଖରେ ଦୁବାଇ ଆନ୍ତର୍ଜାତୀୟ ଷ୍ଟାଡିୟମରେ ଏହି ମ୍ୟାଚ୍ ଖେଳାଯିବ। କିନ୍ତୁ ଏହି ମ୍ୟାଚ୍ ପୂର୍ବରୁ ଭାରତ ଏକ ବଡ ବିପର୍ଯ୍ୟୟର ସମ୍ମୁଖୀନ ହୋଇଛି। କାରଣ ଉତ୍କୃଷ୍ଟ ଫର୍ମରେ ଥିବା ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି ଆହତ ହୋଇଛନ୍ତି। ଅଭ୍ୟାସ କରିବା ସମୟରେ ସେ ଏହି ଆଘାତ ପାଇଛନ୍ତି, ଯେଉଁଥିପାଇଁ ଭାରତର ଟେନସନ ବୃଦ୍ଧି ପାଇଛି। ବର୍ତ୍ତମାନ ସେ ଚୂଡାନ୍ତ ଏକାଦଶରୁ ବାଦ୍ ପଡିବେ କି ନାହିଁ ତାହା ଜାଣିବା:-
ବାସ୍ତବରେ, ଫାଇନାଲ ମ୍ୟାଚ୍ ପୂର୍ବରୁ ଟିମ୍ ଇଣ୍ଡିଆ ନିଜର ଅଭ୍ୟାସ ଜାରି ରଖିଛି। କିନ୍ତୁ ଏହି ସମୟ ମଧ୍ୟରେ ଟ୍ରେନିଂ ଅଧିବେଶନରେ ଭାରତର ତାରକା ବ୍ୟାଟ୍ସମ୍ୟାନ୍ ବିରାଟ କୋହଲି ଆହତ ହୋଇଥିବା ଖବର ସାମ୍ନାକୁ ଆସିଛି। ଖବର ଅନୁଯାୟୀ, ଶୁକ୍ରବାର ଦିନ ଦୁବାଇରେ ଅଭ୍ୟାସ ସମୟରେ କୋହଲିଙ୍କ ଗୋଡରେ ବଲ ବାଜିଥିଲା, ଯେଉଁଥିପାଇଁ ତାଙ୍କୁ ଅଭ୍ୟାସ ଛାଡି ବାହାରକୁ ଯିବାକୁ ପଡିଥିଲା। ପାକିସ୍ତାନୀ ମିଡିଆ ଚ୍ୟାନେଲ ଜିଓ ନ୍ୟୁଜ୍ ଅନୁଯାୟୀ, ଭାରତୀୟ ମେଡିକାଲ୍ କର୍ମଚାରୀମାନେ ତୁରନ୍ତ ତାଙ୍କର ଯତ୍ନ ନେଇଥିଲେ, ତାଙ୍କୁ ସ୍ପ୍ରେ ଲଗାଇବା ସହିତ ବ୍ୟାଣ୍ଡେଜ୍ କରିଥିଲେ। କୋହଲିଙ୍କ ଏହି ଆଘାତ ଭାରତୀୟ ଦଳ ଏବଂ ପ୍ରଶଂସକଙ୍କ ଟେନସନ ବଢ଼ାଇ ଦେଇଛି।
ତେବେ ପାକିସ୍ତାନୀ ଗଣମାଧ୍ୟମ ଅନୁଯାୟୀ, ଆଘାତ ସେପରି ଗୁରୁତର ନୁହେଁ। ବିରାଟ କୋହଲି ଫାଇନାଲରେ ଖେଳିବାକୁ ଫିଟ୍ ଅଛନ୍ତି। ରିପୋର୍ଟ ଅନୁଯାୟୀ, ଆଘାତ ସତ୍ତ୍ୱେ କୋହଲି ପଡ଼ିଆରେ ରହି ଅନ୍ୟ ଖେଳାଳିଙ୍କ ସହ ଅଭ୍ୟାସ କରୁଥିବା ଦେଖିବାକୁ ମିଳିଥିଲା। କୋହଲିଙ୍କ ଆଘାତ ଭାରତ ପାଇଁ ଟେନସନ ବୃଦ୍ଧି କରିବାକୁ ଯାଉଛି। କାରଣ ସେ ଚାମ୍ପିଅନ୍ସ ଟ୍ରଫିରେ ଏପର୍ଯ୍ୟନ୍ତ ଭାରତ ପାଇଁ ଚମତ୍କାର ପ୍ରଦର୍ଶନ କରିଛନ୍ତି।
ସେ ଭାରତ ପାଇଁ ସର୍ବାଧିକ ରନ୍ ସ୍କୋରର ଅଟନ୍ତି। ଏହି କାରଣରୁ ଫାଇନାଲ ମ୍ୟାଚରେ ତାଙ୍କ ଆଘାତ ସମସ୍ୟା ପ୍ରଶଂସକଙ୍କୁ ଅସୁବିଧାରେ ପକାଇପାରେ। ଯଦି ଆମେ ଚାମ୍ପିଅନ୍ସ ଟ୍ରଫିରେ ବିରାଟ କୋହଲିଙ୍କ ପ୍ରଦର୍ଶନ ବିଷୟରେ କହିବା, ତେବେ ସେ ୭୨ର ଆଭରେଜରେ ୪ ଟି ମ୍ୟାଚରେ ୨୧୭ ରନ୍ ସଂଗ୍ରହ କରିଛନ୍ତି। ଏଥି ମଧ୍ୟରେ ଏକ ଶତକ ଏବଂ ଏକ ଅର୍ଦ୍ଧଶତକ ଅନ୍ତର୍ଭୁକ୍ତ ରହିଛି।