ଟିମ୍ ଇଣ୍ଡିଆର ମହାନ ବ୍ୟାଟ୍ସମ୍ୟାନ୍ ବିରାଟ କୋହଲି ଏବଂ ପାକିସ୍ତାନର ବାବର ଆଜାମ ଏକାଠି ଖେଳୁଥିବା ଦେଖିବା କ୍ରିକେଟ୍ ପ୍ରଶଂସକଙ୍କ ପାଇଁ ସ୍ୱପ୍ନ ଅଟେ। ଦୁଇ ଦେଶ ମଧ୍ୟରେ ରାଜନୈତିକ ସମ୍ପର୍କ ଖରାପ ଥିବାରୁ ପାକିସ୍ତାନୀ ଖେଳାଳିମାନେ ଆଇପିଏଲର ଅଂଶ ହୋଇପାରିବେ ନାହିଁ।  କିନ୍ତୁ ବର୍ତ୍ତମାନ କ୍ରିକେଟ୍ ପ୍ରେମୀଙ୍କ ଇଚ୍ଛା ପୂରଣ ହେବାକୁ ଯାଉଛି। ବାବର ଆଜାମ ଏବଂ ବିରାଟ କୋହଲି ଖୁବ୍ ଶୀଘ୍ର ସମାନ ଦଳ ପାଇଁ ଖେଳୁଥିବା ଦେଖିବାକୁ ମିଳିବେ। ଆସନ୍ତୁ ପୁରା ଘଟଣା ବିଷୟରେ ଜାଣିବା….

ବାସ୍ତବରେ, ୨୦୦୫ ଏବଂ ୨୦୦୭ ମସିହାରେ 'ଆଫ୍ରୋ-ଏସିଆ କପ୍' ଆୟୋଜିତ ହୋଇଥିଲା ଯେଉଁଥିରେ ଏସୀୟ ଦଳ ଆଫ୍ରିକା ସହିତ ମୁହାଁମୁହିଁ ହୋଇଥିଲେ। ଏପର୍ଯ୍ୟନ୍ତ ଆୟୋଜିତ ହୋଇଥିବା ଦୁଇଟି ସଂସ୍କରଣରେ ପାକିସ୍ତାନୀ ଏବଂ ଭାରତୀୟ ଖେଳାଳିଙ୍କୁ ମଧ୍ୟ ଏକାଠି ଦେଖିବାକୁ ମିଳିଥିଲା। ୨୦୦୭ ପରଠାରୁ ଆଫ୍ରୋ-ଏସିଆ କପ୍ ଖେଳାଯାଇ ନାହିଁ। କିନ୍ତୁ ବର୍ତ୍ତମାନ ଆଫ୍ରିକୀୟ କ୍ରିକେଟ୍ ଆସୋସିଏସନର ସଭାପତି ସାମୋଦ ଦାମୋଦର ଏକ ବଡ଼ ଘୋଷଣା କରିଛନ୍ତି। ଆଫ୍ରୋ ଏସିଆ କପ୍ ସମ୍ବନ୍ଧରେ ସେ ଏକ ଅପଡେଟ୍ ଦେଇଛନ୍ତି।

ସାମୋଦ ଦାମୋଦର କହିଛନ୍ତି ଯେ, “ଏହି ଟୁର୍ନାମେଣ୍ଟ ଆୟୋଜନ ପାଇଁ ଏସିଏ ଦ୍ୱାରା କୌଣସି ପଦକ୍ଷେପ ନିଆଯାଇ ନଥିଲା। କିନ୍ତୁ ବର୍ତ୍ତମାନ ଏହା ଉପରେ ପୁନର୍ବିଚାର କରାଯାଇପାରେ। ସାମୋଦ ଦାମୋଦର କହିଛନ୍ତି ଯେ ଆଫ୍ରିକା କ୍ରିକେଟ୍ ବୋର୍ଡର ସଦସ୍ୟମାନେ ଏଥିପାଇଁ ଦୁଃଖିତ। ସେ ଦାବି କରିଛନ୍ତି ଯେ, “ବ୍ୟକ୍ତିଗତ ଭାବେ, ମୁଁ ଆଫ୍ରୋ-ଏସିଆ କପ୍ ହୋଇ ନ ଥିବାରୁ ଅତ୍ୟନ୍ତ ଦୁଃଖିତ। କିନ୍ତୁ ଏହାର ପୁନର୍ବିଚାର କରାଯାଉଛି। 

ସେ ଆହୁରି କହିଛନ୍ତି ଯେ, “ମୁଁ ଭାବୁଛି ଏହା ମୂଳତ ବୁଝିବାର ଏବଂ ଅବଧାରଣାର ଅଭାବ ହେତୁ ହୋଇଛି। ଆମର ସଦସ୍ୟମାନେ ଏଥିପାଇଁ ଦୁଃଖ ପ୍ରକାଶ କରୁଛନ୍ତି। ଏହାକୁ ଆଗକୁ ନେବା ପାଇଁ ଆଫ୍ରିକାର ଆବଶ୍ୟକତା ଥିଲା”। ସୂଚନାଯୋଗ୍ୟ ଯେ ଯଦି ଏହି ପ୍ରସ୍ତାବ ଅନୁମୋଦନ ହୁଏ ତେବେ ୨୦୨୫ ମସିହାରେ 'ଆଫ୍ରୋ-ଏସିଆ କପ୍' ଆୟୋଜିତ ହୋଇପାରେ।

ଏହି କାରଣରୁ ପାକିସ୍ତାନୀ ଏବଂ ଭାରତୀୟ ଖେଳାଳିମାନେ ଏକାଠି ଖେଳୁଥିବା ଦେଖିବାକୁ ମିଳିପାରେ। ବିରାଟ କୋହଲି, ବାବର ଆଜମ, ଜସପ୍ରୀତ ବୁମ୍ରା, ଶାହିନ ଆଫ୍ରିଦି, ରୋହିତ ଶର୍ମା, ମହମ୍ମଦ ରିଜୱାନଙ୍କ ଭଳି ଖେଳାଳିମାନେ ଏସୀୟ ଦଳକୁ ପ୍ରତିନିଧିତ୍ୱ କରିପାରନ୍ତି।