ଗୌତମ ଗମ୍ଭୀରଙ୍କ ଆଗମନ ସହିତ ଟିମ୍ ଇଣ୍ଡିଆରେ ଏକ ନୂତନ ଯୁଗ ଆରମ୍ଭ ହେବ। ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଗୌତମ ଗମ୍ଭୀରଙ୍କୁ ଟିମ୍ ଇଣ୍ଡିଆର ନୂତନ ମୁଖ୍ୟ ପ୍ରଶିକ୍ଷକ ଭାବେ ନିଯୁକ୍ତ କରିଛି। ଗୌତମ ଗମ୍ଭୀର ଡିସେମ୍ବର ୨୦୨୭ ପର୍ଯ୍ୟନ୍ତ ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ରହିବେ। ଗୌତମ ଗମ୍ଭୀରଙ୍କ ଲକ୍ଷ୍ୟ ହେଉଛି ଭାରତର ଜଣେ ନୂତନ ଅଧିନାୟକ ଖୋଜିବା, ଯିଏ ଟି-୨୦  ବିଶ୍ୱକପ ୨୦୨୬ ଏବଂ ଦିନିକିଆ ବିଶ୍ୱକପ ୨୦୨୭ ରେ ଭାରତୀୟ ଦଳର ନେତୃତ୍ୱ ନେବ।

ଏହା ନିଶ୍ଚିତ ନୁହେଁ ଯେ ୨୦୨୫ ଚାମ୍ପିଅନ୍ସ ଟ୍ରଫି ପରେ ୩୭ ବର୍ଷୀୟ ରୋହିତ ଶର୍ମା ଦିନିକିଆ ଦଳରେ ଅଧିନାୟକ ତଥା ଖେଳାଳି ଭାବରେ ରହିବେ।  ତେବେ ଆଜି ଏଭଳି ୩ ଖେଳାଳିଙ୍କ ବିଷୟରେ ଜାଣିବା ଯେଉଁମାନେ ରୋହିତ ଶର୍ମାଙ୍କ ସ୍ଥାନରେ ଅଧିନୟକତ୍ୱ ଗ୍ରହଣ କରି ପାରିବେ। 

୧. ହାର୍ଦ୍ଦିକ ପାଣ୍ଡ୍ୟା:- ଦିନିକିଆ ଅଧିନାୟକ ଭାବେ ରୋହିତ ଶର୍ମାଙ୍କ ସ୍ଥାନ ନେବାକୁ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ସାମର୍ଥ୍ୟ ରହିଛି। ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ କପିଲ ଦେବଙ୍କ ଶୈଳୀ ଦେଖିବାକୁ ମିଳେ। ତାଙ୍କ ଅଧିନାୟକତ୍ୱର ଡେବ୍ୟୁ ସିଜନରେ ହାର୍ଦ୍ଦିକ ପାଣ୍ଡ୍ୟା ଗୁଜୁରାଟ ଟାଇଟାନ୍ସକୁ ଆଇପିଏଲ ୨୦୨୨ ଟାଇଟଲ ଜିତାଇଥିଲେ।  ଚମତ୍କାର ବ୍ୟାଟିଂ କରିବା ସହିତ ହାର୍ଦ୍ଦିକ କ୍ରମାଗତ ଭାବରେ ୧୪୦ କିଲୋମିଟର ବେଗରେ ବୋଲିଂ କରିପାରନ୍ତି।  ଅଧିନାୟକ ହେବା ପାଇଁ ହାର୍ଦ୍ଦିକ ପାଣ୍ଡ୍ୟାଙ୍କ  ପାଖରେ ସମସ୍ତ ଗୁଣ ଅଛି। ରୋହିତ ଶର୍ମାଙ୍କ ପରେ ହାର୍ଦ୍ଦିକ ପାଣ୍ଡ୍ୟାଙ୍କୁ ଭାରତର ପରବର୍ତ୍ତୀ ଏକଦିବସୀୟ ଅଧିନାୟକ କରାଯାଇପାରିବ।  

୨. ଶ୍ରେୟସ୍ ଆୟର:- ଭାରତର ଏକଦିବସିୟ ଅଧିନାୟକ ହେବା ପାଇଁ ଶ୍ରେୟସ୍ ଆୟର ଜଣେ ବଡ ଦାବିଦାର ଅଟନ୍ତି। ଯଦି ସେ ଅଧିନାୟକତ୍ୱ ପାଆନ୍ତି ତେବେ ଶ୍ରେୟସ୍ ଆୟର ମଧ୍ୟ ଟିମ୍ ଇଣ୍ଡିଆର ଭାଗ୍ୟ ପରିବର୍ତ୍ତନ କରିପାରିବେ। ଟିମ୍ ଇଣ୍ଡିଆକୁ ଶ୍ରେୟସ୍ ଆୟରଙ୍କ ପରି ନିର୍ଭୀକ ବ୍ୟାଟ୍ସମ୍ୟାନ୍ ଏବଂ ସ୍ମାର୍ଟ ଅଧିନାୟକ ଦରକାର। ତାଙ୍କ ବ୍ୟାଟିଂ ପରି ଶ୍ରେୟସ୍ ଆୟର ମଧ୍ୟ ତାଙ୍କ ଅଧିନାୟକତ୍ୱରେ ଭଲ କରିପାରିବେ, ଯାହା ଟିମ୍ ଇଣ୍ଡିଆକୁ ବହୁତ ଲାଭଦାୟକ କରିବ। ଶ୍ରେୟସ୍ ଆୟର ଆଇପିଏଲରେ କୋଲକାତା ନାଇଟ୍ ରାଇଡର୍ସ (କେକେଆର୍) ର ଅଧିନାୟକ ଅଟନ୍ତି।  ତାଙ୍କ ଅଧିନାୟକତ୍ୱରେ ଶ୍ରେୟସ୍ ଆୟର ମଧ୍ୟ କୋଲକାତା ନାଇଟ୍ ରାଇଡର୍ସକୁ ଆଇପିଏଲ୍ ୨୦୨୪ ଟ୍ରଫି ଜିତାଇଛନ୍ତି। ଶ୍ରେୟାସ୍ ଆୟରଙ୍କର ମଧ୍ୟ ଗୌତମ ଗମ୍ଭୀରଙ୍କ ସହିତ କାମ କରିବାର ଅଭିଜ୍ଞତା ରହିଛି।  

୩. ଋଷଭ ପନ୍ତ:- ଋଷଭ ପନ୍ତ ଜଣେ ଉତ୍ତମ ୱିକେଟ୍ କିପର ଏବଂ ଜଣେ ଉତ୍ତମ ବ୍ୟାଟ୍ସମ୍ୟାନ୍ ଅଟନ୍ତି। ଋଷଭ ପନ୍ତଙ୍କ ପାଖରେ ଅଧିନାୟକ ହେବା ପାଇଁ ସମସ୍ତ ଗୁଣ ଅଛି। ଆଇପିଏଲରେ ଦିଲ୍ଲୀ କ୍ୟାପିଟାଲ୍ସ ଭାବରେ ସେ ବହୁତ ଭଲ କାମ କରିଛନ୍ତି।  ଧୋନୀଙ୍କ ପରି ଋଷଭ ପନ୍ତ ମଧ୍ୟ ଅଧିନାୟକ ଭାବରେ ବେସ୍ ଚାଲାକ ଅଟନ୍ତି। ଜଣେ ୱିକେଟ୍ କିପର ଭାବରେ ଋଷଭ ପନ୍ତ ମଧ୍ୟ ଏମଏସ ଧୋନିଙ୍କ ଭଳି ଅଧିନାୟକତ୍ୱରେ ସଫଳ ହୋଇପାରନ୍ତି।