ସୂର୍ଯ୍ୟକୁମାର ଯାଦବ ଟିମ୍ ଇଣ୍ଡିଆର ଟି-୨୦ ଅଧିନାୟକ ହୋଇଛନ୍ତି। ଶ୍ରୀଲଙ୍କା ବିପକ୍ଷ ଟି-୨୦ ସିରିଜରୁ ସୂର୍ଯ୍ୟକୁମାର ଅଧିନାୟକତ୍ୱ ଗ୍ରହଣ କରିବେ। ଜଣେ ବାମହାତୀ ବ୍ୟାଟ୍ସମ୍ୟାନ୍ ସୂର୍ଯ୍ୟଙ୍କ ଅଧିନାୟକ ହେବାପରେ ଫାଇଦାରେ ରହିବେ। ତାଙ୍କର ଭାରତୀୟ ଦଳରେ ପ୍ରବେଶ ପାଇଁ ରାସ୍ତା ଫିଟିଯିବ। ବିଶେଷ କଥା ହେଉଛି ଏହି ଖେଳାଳିଙ୍କୁ ଭାରତର ଦ୍ୱିତୀୟ ଯୁବରାଜ ସିଂ ଭାବରେ ବିବେଚନା କରାଯାଉଅଛି। 

କିନ୍ତୁ ହଠାତ୍ ବର୍ତ୍ତମାନ ତାଙ୍କୁ ସୁଯୋଗ ମିଳିବା ଏକପ୍ରକାର ବନ୍ଦ ହୋଇଯାଇଛି। ବାସ୍ତବରେ, ସୁର୍ଯ୍ୟକୁମାର ଯାଦବ ଅଧିନାୟକ ହେବା ଦ୍ୱାରା ତିଲକ ଭର୍ମା ଉପକୃତ ହୋଇପାରନ୍ତି। ଏହା ଜଣା ଯେ ଗତ ବର୍ଷ ଟି-୨୦ କ୍ରିକେଟରେ ତିଲକ କ୍ରମାଗତ ଭାବେ ଭାରତ ପାଇଁ ଭଲ ପ୍ରଦର୍ଶନ କରିଥିଲେ। ଏହି କାରଣରୁ ସେ ଭାରତୀୟ କ୍ରିକେଟରେ ପରବର୍ତ୍ତୀ ଯୁବରାଜ ସିଂ ହୋଇପାରନ୍ତି ବୋଲି ଚର୍ଚ୍ଚା ହେଉଥିଲା।

କିନ୍ତୁ ତିଲକଙ୍କୁ ହଠାତ୍ ଟିମ୍ ଇଣ୍ଡିଆରେ ଖେଳିବା ପାଇଁ ସୁଯୋଗ ମିଳିବା ବନ୍ଦ ହୋଇଯାଇଥିଲା। ଏଠାରେ ଉଲ୍ଲେଖଯୋଗ୍ୟ ଯେ ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ ଗତ ବର୍ଷ ୱେଷ୍ଟଇଣ୍ଡିଜ୍ ଗସ୍ତରେ ତିଲକ ଭର୍ମାଙ୍କୁ ସୁଯୋଗ ଦିଆଯାଇଥିଲା। ବରିଷ୍ଠ ଖେଳାଳିଙ୍କ ସହ ଏହି ସିରିଜ୍ ତାଙ୍କର ଶେଷ ସିରିଜ୍ ଥିଲା, ଯାହା ପରେ ସେ ଆଉ ସୁଯୋଗ ପାଇ ନାହାଁନ୍ତି।

ବର୍ତ୍ତମାନ ସୂର୍ଯ୍ୟକୁମାର ଯାଦବ ଅଧିନାୟକ ହୋଇଛନ୍ତି ଏବଂ ତିଲକ ଦଳକୁ ଫେରିପାରନ୍ତି। ମୁମ୍ବାଇ ଇଣ୍ଡିଆନ୍ସର ଖେଳାଳି ହୋଇଥିବାରୁ ସୂର୍ଯ୍ୟକୁମାର ଯାଦବ ଏବଂ ତିଲକ ଭର୍ମାଙ୍କ ବନ୍ଧୁତା ବେସ୍ ଜଣାଶୁଣା। ସୋସିଆଲ ମିଡିଆ ପୋଷ୍ଟରେ ଉଭୟଙ୍କୁ ଅନେକ ଥର ଏକାଠି ଦେଖିବାକୁ ମିଳିଛି। ଏହି କାରଣରୁ ତିଲକଙ୍କ ଉପରେ ସୂର୍ଯ୍ୟକୁମାରଙ୍କର ନିଶ୍ଚିତ ନଜ଼ର ରହିବ। ସୂଚନାଯୋଗ୍ୟ ଯେ ତିଲକ୍ ୪ ଟି ଦିନିକିଆ ଏବଂ ୧୬ ଟି-୨୦ ରେ ଭାରତର ପ୍ରତିନିଧିତ୍ୱ କରିଛନ୍ତି। ଏହି ଅବଧିରେ ସେ ଦିନିକିଆରେ ୬୮ ରନ୍ ଏବଂ ଟି-୨୦ କ୍ରିକେଟରେ ୩୩୬ ରନ୍ ସଂଗ୍ରହ କରିଛନ୍ତି।