ଅଷ୍ଟ୍ରେଲିଆକୁ ଚାରି ୱିକେଟରେ ପରାସ୍ତ କରି ଭାରତ ଚାମ୍ପିଅନ୍ସ ଟ୍ରଫି ୨୦୨୫ ର ଫାଇନାଲରେ ପ୍ରବେଶ କରିଛି। ବର୍ତ୍ତମାନ ସେମାନଙ୍କର ଟାଇଟଲ୍ ମୁକାବିଲା ମାର୍ଚ୍ଚ ୯ ତାରିଖରେ ଦୁବାଇ ଠାରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଖେଳାଯିବ। କିନ୍ତୁ ଚାରିଜଣ ଭାରତୀୟ ଖେଳାଳିଙ୍କ ପାଇଁ ଏହି ଫାଇନାଲ୍ ସେମାନଙ୍କର ଏକଦିବସିୟ କ୍ୟାରିୟରର ଶେଷ ମ୍ୟାଚ୍ ହୋଇପାରେ। ଏହା ପରେ ସେମାନଙ୍କୁ ନୀଳ ଜର୍ସିରେ ଭାରତର ପ୍ରତିନିଧିତ୍ୱ କରୁଥିବା ଦେଖିବାକୁ ନ ମିଳିପାରେ। 

୧. ରୋହିତ ଶର୍ମା:- ଏହା ଭାରତୀୟ ଦଳର ନିୟମିତ ଅଧିନାୟକ ରୋହିତ ଶର୍ମାଙ୍କ ଏକ ଦିବସିୟ କ୍ୟାରିୟରର ଶେଷ ମ୍ୟାଚ୍ ସାବ୍ୟସ୍ତ ହୋଇପାରେ। ବାସ୍ତବରେ, ଜାନୁଆରୀ ୧୧ ତାରିଖରେ ମୁମ୍ବାଇରେ ଅନୁଷ୍ଠିତ ସମୀକ୍ଷା ବୈଠକରେ ବିସିସିଆଇ ଅଧିକାରୀମାନେ ରୋହିତଙ୍କ ଭବିଷ୍ୟତ ବିଷୟରେ ଅନେକ ତୀକ୍ଷ୍ଣ ପ୍ରଶ୍ନ ପଚାରିଥିଲେ, ଯେଉଁଥିରେ ରୋହିତ କହିଥିଲେ ଯେ ସେ ଦୁଇରୁ ତିନି ମାସ ମଧ୍ୟରେ ଅଧିନାୟକ ପଦରୁ ଇସ୍ତଫା ଦେବେ, କିନ୍ତୁ ଏବେ ଅନୁମାନ କରାଯାଉଛି ଯେ ଚାମ୍ପିୟନ ଟ୍ରଫି ୨୦୨୫ ର ଫାଇନାଲ ରୋହିତଙ୍କ ଏକଦିବସିୟ କ୍ୟାରିୟରର ଶେଷ ମ୍ୟାଚ୍ ହୋଇପାରେ। ରୋହିତ ଟି-୨୦ ବିଶ୍ୱକପ ୨୦୨୪ ଜିତିବା ପରେ ଟି-୨୦ ଫର୍ମାଟକୁ ବିଦାୟ ଦେଇଥିଲେ ଏବଂ ଏବେ ସେ ଚାମ୍ପିଅନ୍ସ ଟ୍ରଫି ୨୦୨୫ ଜିତିବା ପରେ ସେ ଏହି ଫର୍ମାଟକୁ ମଧ୍ୟ ବିଦାୟ ଦେଇପାରନ୍ତି।

୨. ବିରାଟ କୋହଲି:- ରୋହିତ ଶର୍ମାଙ୍କ ବ୍ୟତୀତ ଟି-୨୦ ବିଶ୍ୱକପ ୨୦୨୪ ଜିତିବା ପରେ ବିରାଟ କୋହଲି ମଧ୍ୟ କ୍ରିକେଟର ସବୁଠାରୁ ଛୋଟ ଫର୍ମାଟରୁ ଅବସର ଘୋଷଣା କରିଥିଲେ। ଏବେ ଅନୁମାନ କରାଯାଉଛି ଯେ ଭାରତ ଚାମ୍ପିଅନ୍ସ ଟ୍ରଫି ୨୦୨୫ ଟାଇଟଲ ଜିତିବା ପରେ ବିରାଟ କୋହଲି ମଧ୍ୟ ଏକଦିବସିୟ ଫର୍ମାଟକୁ ବିଦାୟ ଦେଇପାରନ୍ତି। ଏକଦିବସିୟରେ କୋହଲିଙ୍କ ପ୍ରଦର୍ଶନ ଚମତ୍କାର ରହିଛି,ଏହା ପରେ ଆଶା କରାଯାଏ ଯେ ଚାମ୍ପିଅନ୍ସ ଟ୍ରଫି ଫାଇନାଲ ବିରାଟ କୋହଲିଙ୍କ ଏକଦିବସିୟ କ୍ୟାରିୟରର ଶେଷ ମ୍ୟାଚ ହୋଇପାରେ ଏବଂ ଏହା ପରେ ସେ ଟେଷ୍ଟ କ୍ରିକେଟ୍ ଉପରେ ସମ୍ପୂର୍ଣ୍ଣ ଧ୍ୟାନ ଦେଇପାରିବେ ଏବଂ ୨୦୨୭ ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ପର୍ଯ୍ୟନ୍ତ ନିଜକୁ ଫିଟ୍ ରଖିପାରିବେ।

୩.ଜାଡେଜା-ଶାମି:- ରୋହିତ ଏବଂ ବିରାଟ କୋହଲି ଟି-୨୦ ବିଶ୍ୱକପ ୨୦୨୪ରୁ ଅବସର ନେବା ପରେ ରବିନ୍ଦ୍ର ଜାଡେଜା ମଧ୍ୟ ଟି-୨୦ ଫର୍ମାଟକୁ ସବୁଦିନ ପାଇଁ ବିଦାୟ ଜଣାଇଥିଲେ ଏବଂ ସେ ଏକଦିବସିୟ ଏବଂ ଟେଷ୍ଟରେ ଖେଳିବା ଜାରି ରଖିଥିଲେ, କିନ୍ତୁ ବର୍ତ୍ତମାନ କଳ୍ପନାଜଳ୍ପନା କରାଯାଉଛି ଯେ ଜାଡେଜାଙ୍କ ପାଇଁ ମଧ୍ୟ ଚାମ୍ପିଅନ୍ସ ଟ୍ରଫି ୨୦୨୫ ର ଫାଇନାଲ ତାଙ୍କ କ୍ୟାରିୟରର ଶେଷ ଏକଦିବସିୟ ମ୍ୟାଚ୍ ହୋଇପାରେ। ଜାଡେଜାଙ୍କ ବ୍ୟତୀତ ୩୪ ବର୍ଷୀୟ ମହମ୍ମଦ ଶାମି ମଧ୍ୟ ଫାଇନାଲ ପରେ ଏକଦିବସିୟ ଏବଂ ଟି-୨୦ ଫର୍ମାଟରୁ ଅବସର ଘୋଷଣା କରିପାରନ୍ତି ଏବଂ ଟେଷ୍ଟ ଫର୍ମାଟରେ ସମ୍ପୂର୍ଣ୍ଣ ଧ୍ୟାନ ଦେଇପାରନ୍ତି।