ହାର୍ଦ୍ଦିକ ପାଣ୍ଡ୍ୟାଙ୍କ ଫୋଟ: ଭାରତୀୟ କ୍ରିକେଟ ଦଳର ଷ୍ଟାର କ୍ରିକେଟର ହାର୍ଦ୍ଦିକ ପାଣ୍ଡ୍ୟା ସୋସିଆଲ ମିଡିଆରେ ରଚିଲେ ଇତିହାସ। ଚମ୍ପିଆନ୍ସ ଟ୍ରଫି ୨୦୨୫ ବିଜୟ ପରେ ସୋସିଆଲ ମିଡ଼ିଆ ରେ ଛଡାଯାଇଥିବା ତାଙ୍କର ଏକ ପୋଷ୍ଟ ମାତ୍ର ୬ମିନିଟରେ ୧ମିଲିୟନ ଲାଇକ୍ ପାଇଛି, ଯାହା ବିରାଟ କୋହଲିଙ୍କ ପୁରୁଣା ରେକର୍ଡ ଭାଙ୍ଗିଛି।

ହାର୍ଦ୍ଦିକ ପାଣ୍ଡ୍ୟା ତାଙ୍କ ଅଧିକାରୀକ ଇନଷ୍ଟାଗ୍ରାମ ଆକାଉଣ୍ଟରେ ଚାମ୍ପିଅନ୍ସ ଟ୍ରଫି ୨୦୨୫ ବିଜୟ ପରେ ସେ ସମୟର ଏକ ଫଟୋ ସେୟାର କରିଥିଲେ। ଏହି ଫଟୋ ପୋଷ୍ଟ ହେବା ମାତ୍ରେ, ପ୍ରଶଂସକମାନଙ୍କଠାରୁ ଜବରଦସ୍ତ ପ୍ରତିକ୍ରିୟା ଆସିଥିଲା ​​ଏବଂ ଏହା କିଛି ସମୟ ମଧ୍ୟରେ ଭାଇରାଲ ହୋଇଯାଇଥିଲା। 

ରିପୋର୍ଟ ଅନୁସାରେ, ପୋଷ୍ଟଟି ମାତ୍ର ୬ମିନିଟରେ ୧୦ଲକ୍ଷ ଲାଇକ୍ ଅତିକ୍ରମ କରିଥିଲା, ଯାହା ଦ୍ୱାରା ଜଣେ ଭାରତୀୟ କ୍ରିକେଟରଙ୍କ ୧୦ଲକ୍ଷ ଲାଇକ୍ ପାଇବାର ସବୁଠାରୁ ଦ୍ରୁତତମ ଫଟୋ ପାଲଟିଥିଲା।

ପୂର୍ବରୁ ଏହି ରେକର୍ଡ ପୂର୍ବତନ ଭାରତୀୟ ଅଧିନାୟକ ତଥା ଷ୍ଟାର ବ୍ୟାଟସମ୍ୟାନ ବିରାଟ କୋହଲିଙ୍କ ନାମରେ ଥିଲା। ବିରାଟଙ୍କ ଫଟୋ ମଧ୍ୟ ବହୁତ କମ୍ ସମୟ ମଧ୍ୟରେ ମିଲିୟନ ଲାଇକ୍ ଛୁଇଁଥିଲା, କିନ୍ତୁ ହାର୍ଦ୍ଦିକ ପାଣ୍ଡ୍ୟାଙ୍କ ନୂତନ ଫଟୋ ଏହାକୁ ପଛରେ ପକାଇ ଦେଇଛି। ହାର୍ଦ୍ଦିକଙ୍କ ଏହି ସଫଳତା ପରେ ତାଙ୍କ ପ୍ରଶଂସକମାନେ ସୋସିଆଲ ମିଡିଆରେ ନିଜର ଖୁସି ଜାହିର କରୁଛନ୍ତି।

ହାର୍ଦ୍ଦିକ ପାଣ୍ଡ୍ୟାଙ୍କ ଏହି ଫୋଟ ରେକର୍ଡ ଭାଙ୍ଗିବା ପରେ, ପ୍ରଶଂସକମାନେ ତାଙ୍କୁ ସୋସିଆଲ ମିଡିଆ କିଙ୍ଗ ବୋଲି କହୁଛନ୍ତି।