ପ୍ରତ୍ୟେକ ଯୁବ ଖେଳାଳି ଭାରତୀୟ ଜାତୀୟ କ୍ରିକେଟ୍ ଦଳରେ ଖେଳିବାର ସ୍ୱପ୍ନ ଦେଖିଥାନ୍ତି। ଖେଳାଳିମାନେ ନିଜ ଦେଶ ପାଇଁ ଖେଳିବା ପାଇଁ ଦିନରାତି କଠିନ ପରିଶ୍ରମ କରନ୍ତି। କିନ୍ତୁ, ୧୪୦ କୋଟି ଲୋକ ଥିବା ଦେଶରେ କେବଳ କିଛି ଭାଗ୍ୟଶାଳୀ ଖେଳାଳି ଟିମ୍ ଇଣ୍ଡିଆର ଅଂଶ ହେବାକୁ ସକ୍ଷମ ଅଟନ୍ତି। କିନ୍ତୁ, ଆଜି ଆମେ ଆପଣଙ୍କୁ ଏପରି ଜଣେ ଖେଳାଳୀଙ୍କ ବିଷୟରେ କହୁଛୁ, ଯିଏକି ତାଙ୍କ ଆର୍ଥିକ ସ୍ଥିତିକୁ କ୍ରିକେଟ୍ ଖେଳରେ ବାଧକ ସାଜିବାକୁ ଦେଇନଥିଲେ ବରଂ ପୂର୍ଣ୍ଣ ଉତ୍ସାହ ସହିତ କଠିନ ପରିସ୍ଥିତିର ସମ୍ମୁଖୀନ ହୋଇଥିଲେ। ଆଜି ସେହି ଖେଳାଳି ବିରାଟ-ରୋହିତଙ୍କ ସହ କ୍ରିକେଟ୍ ଖେଳୁଛନ୍ତି। ଦିନେ ଏହି ଖେଳାଳୀ ଟଙ୍କା ପାଇଁ ଅନ୍ୟମାନଙ୍କ କାର୍ଯ୍ୟାଳୟରେ ସଫେଇ କାମ କରିବାକୁ ବାଧ୍ୟ ହୋଇଥିଲେ।

ଆମ୍ଭେ ଏଠାରେ ଯୁବ ବିସ୍ଫୋରକ ବ୍ୟାଟର ରିଙ୍କୁ ସିଂଙ୍କ ବିଷୟରେ କହୁଛୁ। ସେ ତାଙ୍କ ବ୍ୟାଟିଂ ସହ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି। ସେ ଆଇପିଏଲରେ ଚମତ୍କାର ପ୍ରଦର୍ଶନ କରି ଭାରତୀୟ ଦଳ ପାଇଁ ବାଟ ଫିଟାଇଥିଲେ। ତାଙ୍କର କଠିନ ପରିଶ୍ରମ ହିଁ ତାଙ୍କୁ ଏଠାରେ ପହଞ୍ଚାଇପାରିଛି। ଯାହା ବିଷୟରେ ତାଙ୍କ ସମର୍ଥକମାନେ ଖୁବ୍ କମ୍ ଜାଣନ୍ତି।

ଏଠାରେ ଉଲ୍ଲେଖଯୋଗ୍ୟ ଯେ ରିଙ୍କୁ ୟୁପିରେ ଆଲିଗଡର ବାସିନ୍ଦା ଅଟନ୍ତି। ସେ ଏକ ମଧ୍ୟମବର୍ତ୍ତି ପରିବାରରୁ ଆସନ୍ତି। ତାଙ୍କ ପିତା ଜଣେ ଗ୍ୟାସ ସିଲିଣ୍ଡର ଏଜେନ୍ସିରେ ବିତରକ ଭାବରେ କାର୍ଯ୍ୟ କରନ୍ତି। ତାଙ୍କ ଘରର ଆର୍ଥିକ ଅବସ୍ଥା ରିଙ୍କୁଙ୍କ ପାଇଁ କୌଣସି ବଡ଼ କ୍ରିକେଟ୍ ଏକାଡେମୀରେ କୋଚିଂ ନେବା ପାଇଁ ଯଥେଷ୍ଟ ନଥିଲା। ଖବର ଅନୁଯାୟୀ, ଯେତେବେଳେ ରିଙ୍କୁ ଟଙ୍କା ଅଭାବରୁ ଚାକିରି ଖୋଜୁଥିଲେ, ସେତେବେଳେ ତାଙ୍କ ଭାଇ ତାଙ୍କୁ ଏକ ଅଫିସରେ ସୁଇପର ଭାବରେ ଚାକିରି କରାଇ ଦେଇଥିଲେ।

ଯାହା ରିଙ୍କୁଙ୍କୁ ପସନ୍ଦ ଆସିନଥିଲା ଏବଂ କିଛି ଦିନ ପରେ ଏହାକୁ ଛାଡି ସେ ନିଜ ସ୍ୱପ୍ନକୁ ପୂରଣ କରିବା ପାଇଁ ପୁଣି କ୍ରିକେଟ୍ ଖେଳିବାକୁ ବାହାରିଥିଲେ। ଆଜିର ସମୟରେ ସେ ଭାରତ ପାଇଁ ଚମତ୍କାର ଇନିଂସମାନ ଖେଳୁଥିବା ବେଳେ ଜଣେ କ୍ଲିନ ଷ୍ଟ୍ରାଇକର୍ ଭାବରେ ବେସ୍ ଜଣାଶୁଣା। ଟିମ୍ ଇଣ୍ଡିଆରେ ଯୋଗଦେବା ପରେ ରିଙ୍କୁ ସିଂ ବହୁତ ଭଲ ଜୀବନ ଅତିବାହିତ କରୁଛନ୍ତି। ତାଙ୍କ ପାଖରେ ଏବେ ଅର୍ଥର କୌଣସି ଅଭାବ ନାହିଁ। ସେ ବିସିସିଆଇ ଠାରୁ ବହୁତ ଟଙ୍କା ପାଆନ୍ତି।

ସେ ବିସିସିଆଇର ବାର୍ଷିକ ଚୁକ୍ତି ଅଧୀନରେ ଅଛନ୍ତି। ଏହାର ପ୍ରତିବଦଳରେ ତାଙ୍କୁ ୧ କୋଟି ଟଙ୍କା ମିଳିଥାଏ। ଏଠାରେ ଉଲ୍ଲେଖଯୋଗ୍ୟ ଯେ ଇନ୍ସାଇଡ୍ ସ୍ପୋର୍ଟସ୍ ଅନୁଯାୟୀ ରିଙ୍କୁଙ୍କର ନେଟ୍ ୱର୍ଥ ପ୍ରାୟ ୭ କୋଟି ଟଙ୍କା ଅଟେ। ସେ ଆଇପିଏଲରେ କେକେଆର ଦଳରୁ ୫୫ ଲକ୍ଷ ଟଙ୍କା ପାଇଥାନ୍ତି। ରିଙ୍କୁ ସିଂ ଜଣେ ତାରକା ଖେଳାଳି। ଟିମ୍ ଇଣ୍ଡିଆରେ ଯୋଗଦେବା ପରେ ସେ କେବଳ ଭାରତରେ ନୁହେଁ ସମଗ୍ର ବିଶ୍ୱରେ ପରିଚିତ ହୋଇପାରିଛନ୍ତି। ତାଙ୍କ ଫ୍ୟାନ ଫଲୋଇଂରେ ବୃଦ୍ଧି ଘଟିଛି। ଯେଉଁ କାରଣରୁ ଆୟର ଉତ୍ସ ମଧ୍ୟ ତାଙ୍କ ପାଇଁ ଖୋଲିଛି। ଏଠାରେ ଉଲ୍ଲେଖଯୋଗ୍ୟ ଯେ ସେ MRF, CEAT ଟାୟାର ପରି ବଡ ବ୍ରାଣ୍ଡର ବିଜ୍ଞାପନ କରନ୍ତି। ଏହାର ପ୍ରତିବଦଳରେ ତାଙ୍କୁ ବିପୁଳ ଟଙ୍କା ମିଳିଥାଏ।