ଏହି ପୂର୍ବତନ ଖେଳାଳିଙ୍କ ବଡ଼ ଦାବି, କହିଲେ "ରୋହିତ ନୁହଁ ଯଶସ୍ୱୀ ଜୟୱାଲ ଏବଂ କୋହଲି କରିବେ ଓପନିଂ ଏବଂ..."

  1. Home
  2. Cric Special

ଏହି ପୂର୍ବତନ ଖେଳାଳିଙ୍କ ବଡ଼ ଦାବି, କହିଲେ "ରୋହିତ ନୁହଁ ଯଶସ୍ୱୀ ଜୟୱାଲ ଏବଂ କୋହଲି କରିବେ ଓପନିଂ ଏବଂ..."

ind team


ଟିମ୍ ଇଣ୍ଡିଆ ଟି-୨୦ ବିଶ୍ୱକପ ୨୦୨୪ ପାଇଁ ପ୍ରସ୍ତୁତ ହୋଇଛି।  ନ୍ୟୁୟର୍କରେ ପହଞ୍ଚି ରୋହିତ ଶର୍ମା ଏବଂ ଭାରତୀୟ ଦଳ ଅଭ୍ୟାସ ଆରମ୍ଭ କରିଛି। ଭାରତୀୟ ଦଳ ପୂର୍ବରୁ ମନୋନୀତ ହୋଇସାରିଥିବା ବେଳେ ଅନେକ ଯୁବ ଖେଳାଳିଙ୍କୁ ମଉକା ମିଳିଛି। ବିରାଟ କୋହଲିଙ୍କୁ ମଧ୍ୟ ଦଳରେ ରଖାଯାଇଛି।

ବର୍ତ୍ତମାନ ଅଧିନାୟକ ରୋହିତ ଶର୍ମାଙ୍କ ସହିତ କିଏ ଓପନିଂ କରିବ ତାହା ଏକ ବଡ଼ ପ୍ରଶ୍ନ ଅଟେ। ଯଶସ୍ୱୀ ଜୟୱାଲ କିମ୍ବା ବିରାଟ କୋହଲି କିଏ ରୋହିତଙ୍କ ସହିତ ପଡ଼ିଆକୁ ଓଲ୍ହାଇବେ। ଟିମ୍ ଇଣ୍ଡିଆର ପୂର୍ବତନ ଓପନିଂ ବ୍ୟାଟ୍ସମ୍ୟାନ୍ ୱାସିମ୍ ଜାଫର ସୋସିଆଲ ମିଡିଆରେ ବହୁତ ସକ୍ରିୟ ରହିଥାନ୍ତି। ଏହି ପ୍ରଶ୍ନକୁ ନେଇ ସେ ନିଜର ମତ ପ୍ରକାଶ କରିଛନ୍ତି।

Rohit

ଜୁନ୍ ୫ ତାରିଖରୁ ଆୟର୍ଲାଣ୍ଡ ବିପକ୍ଷରେ ଟି-୨୦ ବିଶ୍ୱକପ୍ ୨୦୨୪ରେ ଟିମ୍ ଇଣ୍ଡିଆ ଏହାର ପ୍ରଥମ ମ୍ୟାଚ୍ ଖେଳିବ। ତେବେ କେଉଁ ବ୍ୟାଟିଂ କ୍ରମରେ ଏବଂ କେଉଁ ଖେଳାଳିଙ୍କ ସହ ରୋହିତ ଶର୍ମା ପଡ଼ିଆରେ ପ୍ରବେଶ କରିବେ?  ଆଗରୁ କିଛି କୁହାଯାଇପାରିବ ନାହିଁ। କିନ୍ତୁ ୱାସିମ ଜାଫର X ମାଧ୍ୟମରେ ନିଜର ମତ ରଖିଛନ୍ତି।


ରୋହିତ ଶର୍ମା ଦୀର୍ଘ ଦିନ ଧରି ଭାରତ ପାଇଁ ଖୋଲୁଛନ୍ତି।  ସେ ମଧ୍ୟ ଦିନିକିଆ ବିଶ୍ୱକପ ୨୦୨୩ ରେ ଚମତ୍କାର ବ୍ୟାଟିଂ କରି ଭାରତକୁ ଶକ୍ତିଶାଳୀ ଆରମ୍ଭ ଦେଉଥିଲେ। କିନ୍ତୁ, ୱାସିମ ଜାଫର ତାଙ୍କୁ ଟି-୨୦ ବିଶ୍ୱକପ୍‌ରେ ଓପନିଂ ନ କରିବାକୁ ପରାମର୍ଶ ଦେଇଛନ୍ତି। ତାଙ୍କ କହିବା ଅନୁଯାଇ, ଯୁବ ଖେଳାଳି ଯଶସ୍ୱୀ ଜୟସୱାଲ ଏବଂ ବିରାଟ କୋହଲି ବିଶ୍ୱକପରେ ଇନିଂସ ଓପନ କରିବା ଉଚିତ।

Jaffer

ତେବେ ଯଦି ଭଲ ଆରମ୍ଭ ହୋଇଥାଏ। ତେବେ ସୂର୍ଯ୍ୟକୁମାରଙ୍କୁ ତୃତୀୟ ସ୍ଥାନରେ ପଠାଯାଇପାରିବ। ଯଦି ପ୍ରାରମ୍ଭିକ ୱିକେଟ୍ ପଡ଼େ, ତେବେ ଅଧିନାୟକ ରୋହିତ ନିଜେ ବ୍ୟାଟିଂ କରିବାକୁ ଆସିପାରନ୍ତି। ରୋହିତ ଭଲ ସ୍ପିନ୍ ମଧ୍ୟ ଖେଳିଥାନ୍ତି। ତେଣୁ ସେ ମଧ୍ୟମକ୍ରମରେ ବ୍ୟାଟିଂ କରିବାକୁ ଆସିବା ଉଚିତ୍ ବୋଲି କହିଛନ୍ତି ଜାଫର।

Virat

ଯେତେବେଳେ ଟି-୨0 ବିଶ୍ୱକପ ୨୦୨୪ ପାଇଁ ଟିମ୍ ଇଣ୍ଡିଆ ଘୋଷଣା କରାଯାଇଥିଲା, ସେତେବେଳେ ରୋହିତ ଶର୍ମା ଏକ ସାମ୍ବାଦିକ ସମ୍ମିଳନୀ କରିଥିଲେ। ଏହି ସମୟରେ ତାଙ୍କୁ ପଚରାଯାଇଥିଲା ଯେ ବିରାଟ କୋହଲି ଆଇପିଏଲରେ ଓପନର୍ ଭାବରେ ଭଲ ପ୍ରଦର୍ଶନ କରୁଛନ୍ତି। ତାଙ୍କୁ ଟି-୨୦ ବିଶ୍ୱକପରେ ଇନିଂସ ଓପନ କରୁଥିବାର ଦେଖିବାକୁ ମିଳିବ କି?  ଯାହା ଉପରେ ରୋହିତ ଖୋଲାଖୋଲି ସୂଚନା ଦେଇନଥିଲେ। କିନ୍ତୁ, କଣ୍ଡିସନ ଅନୁଯାୟୀ ଆମେ ନିଷ୍ପତ୍ତି ନେବୁ ବୋଲି ରୋହିତ କହିଥିଲେ।