ଚାମ୍ପିଅନ୍ସ ଟ୍ରଫି ପୂର୍ବରୁ ଟିମ୍ ଇଣ୍ଡିଆର ଜଣେ ଖେଳାଳି ତାଙ୍କର ଖରାପ ପ୍ରଦର୍ଶନ ଯୋଗୁଁ ପ୍ରଶଂସକଙ୍କ ଟାର୍ଗେଟରେ ଥିଲେ। ସେହି ଖେଳାଳିଙ୍କୁ ଦଳରୁ ବିଦା କରିବାକୁ ଦାବି ହେଉଥିଲା। କିନ୍ତୁ, ଅଧିନାୟକ ରୋହିତ ଶର୍ମା ଏବଂ ଗୌତମ ଗମ୍ଭୀର ସେହି ଖେଳାଳିଙ୍କ ଉପରେ ବିଶ୍ୱାସ ରଖିଥିଲେ ଏବଂ ତାଙ୍କୁ ଚୂଡାନ୍ତ ଏକାଦଶରେ ସାମିଲ କରିଥିଲେ। ଏପରି ପରିସ୍ଥିତିରେ, ଯଦି ଆବଶ୍ୟକ ହୁଏ ତେବେ ବିସିସିଆଇ ତାଙ୍କ ହାତରେ ଭାରତୀୟ ଦଳର ଅଧିନାୟକତ୍ୱ ମଧ୍ୟ ଦେଇପାରେ।

ଚାମ୍ପିଅନ୍ସ ଟ୍ରଫି ପୂର୍ବରୁ କେ.ଏଲ୍ ରାହୁଲଙ୍କ ବ୍ୟାଟିଂ ଉପରେ ପ୍ରଶ୍ନ ଉଠିଥିଲା। ସେ ବ୍ୟାଟ୍ ସହିତ ବିଶେଷ ଭଲ ପ୍ରଦର୍ଶନ କରୁନଥିଲେ। କିନ୍ତୁ, ସେ ଦଳର ଜଣେ ବରିଷ୍ଠ ଖେଳାଳି ଥିଲେ ଏବଂ ତାଙ୍କୁ କୋଚ୍ ଏବେ ଅଧିନାୟକ ସମର୍ଥନ କରିଥିଲେ ପରେ ଚାମ୍ପିଅନ୍ସ ଟ୍ରଫିରେ ସେ କିପରି ପ୍ରଦର୍ଶନ କରିଥିଲେ ତାହା ସମସ୍ତେ ଜାଣନ୍ତି। ତାଙ୍କୁ ଷଷ୍ଠ ସ୍ଥାନରେ ବ୍ୟାଟିଂ କରିବାକୁ ପଠାଯାଇଥିଲା ଯାହା ତାଙ୍କ ସ୍ଥାନ ନୁହେଁ। କିନ୍ତୁ କଷ୍ଟସାଧ୍ୟ ସମୟରେ ଦଳ ପାଇଁ କେଏଲ ରାହୁଲ ଚାମ୍ପିଅନ୍ସ ଟ୍ରଫିରେ ଭଲ ବ୍ୟାଟିଂ କରିଥିଲେ। ଯେଉଁଥିପାଇଁ ପ୍ରଶଂସକମାନେ କେ.ଏଲ୍ ରାହୁଲଙ୍କୁ ଏବେ ପ୍ରଶଂସାରେ ପୋତି ପକାଉଛନ୍ତି।

ଏକଦିବସୀୟ ବିଶ୍ୱକପ୍‌ରେ କେଏଲ ରାହୁଲ ଧୀମା ଇନିଂସ ଖେଳିଥିବା ଅଭିଯୋଗ ହୋଇଥିଲା। ସେ ୧୦୭ ବଲରେ ୬୬ ରନ୍ ସଂଗ୍ରହ କରିଥିଲେ।   କିନ୍ତୁ, ତାଙ୍କର ପରିବର୍ତ୍ତିତ ଶୈଳୀ ଚାମ୍ପିଅନ୍ସ ଟ୍ରଫିରେ ଦେଖିବାକୁ ମିଳିଥିଲା। ଅଷ୍ଟ୍ରେଲିଆ ବିପକ୍ଷ ସେମିଫାଇନାଲରେ ସେ ଛକା ମାରି ଭାରତକୁ ଫାଇନାଲକୁ ଟିକେଟ୍ ଦେଇଥିଲେ। ନ୍ୟୁଜିଲ୍ୟାଣ୍ଡ ବିପକ୍ଷରେ ସେ କଷ୍ଟସାଧ୍ୟ ସମୟରେ ୩୪ ରନର ଅପରାଜିତ ଇନିଂସ ଖେଳିଥିଲେ।

ଅଧିନାୟକତ୍ୱ ପାଇଁ କେ.ଏଲ୍ ରାହୁଲ ଏକ ଉପଯୁକ୍ତ ଅଟନ୍ତି। ସେ ଅନେକ ଥର ଭାରତର ଅଧିନାୟକତ୍ୱ କରି ସାରିଛନ୍ତି। ସେ ଆଇପିଏଲରେ ପଞ୍ଜାବ ଏବଂ ଲକ୍ଷ୍ନୌ ଭଳି ଦଳକୁ ମଧ୍ୟ ଅଧିନାୟକତ୍ୱ କରିଛନ୍ତି। ଭବିଷ୍ୟତରେ ଯଦି ବିସିସିଆଇ ଏକ ନୂଆ ଅଧିନାୟକ ଖୋଜେ ତେବେ କେ.ଏଲ୍ ରାହୁଲଙ୍କୁ ଚୟନ କରାଯାଇପାରିବ। ଅଧିନାୟକତ୍ୱ ସହିତ ସେ ଜଣେ ୱିକେଟ ରକ୍ଷକ ବ୍ୟାଟ୍ସମ୍ୟାନ୍ ଅଟନ୍ତି ଯିଏ ଦଳ ପାଇଁ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବେ।