ସମାଲୋଚକଙ୍କୁ ଗମ୍ଭୀର ଦେଲେ କଡା ଜବାବ! କହିଲେ ଆମକୁ ମିଳୁନାହିଁ ଅନୁଚିତ ଫାଇଦା….
ଚାମ୍ପିଅନ୍ସ ଟ୍ରଫି ୨୦୨୫ ର ଫାଇନାଲରେ ଭାରତୀୟ ଦଳ ପ୍ରବେଶ କରିଛି। ଅଷ୍ଟ୍ରେଲିଆକୁ ପରାସ୍ତ କରି ଟିମ୍ ଇଣ୍ଡିଆ ଫାଇନାଲ ପାଇଁ ଟିକେଟ ପାଇଛି। କିନ୍ତୁ ଟିମ୍ ଇଣ୍ଡିଆର ସମାଲୋଚକମାନେ ଭାରତ ଗୋଟିଏ ଗ୍ରାଉଣ୍ଡରେ ଖେଳି ଏହାର ଫାଇଦା ଉଠାଉ ଥିବା ନେଇ ପ୍ରଚାର କରୁଛନ୍ତି। ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ବର୍ତ୍ତମାନ ଏକ ଉପଯୁକ୍ତ ଉତ୍ତର ଦେଇଛନ୍ତି। ସେ କେବଳ ଦୁଇ ଧାଡିରେ ପ୍ରତିପକ୍ଷଙ୍କୁ ନୀରବ କରିଛନ୍ତି।
ଭାରତୀୟ ଦଳ ଦୁବାଇରେ ଏହାର ସମସ୍ତ ମ୍ୟାଚ୍ ଖେଳୁଛି। ବାକି ଦଳ ଏହାକୁ ନେଇ ଚିନ୍ତିତ ଅଛନ୍ତି। ସେମାନେ କହିଛନ୍ତି ଯେ ମ୍ୟାଚ୍ ଖେଳିବା ପାଇଁ ଟିମ୍ ଇଣ୍ଡିଆକୁ ଟ୍ରାଭେଲ କରିବାକୁ ପଡିବ ନାହିଁ, ହୋଟେଲ ବଦଳାଇବାକୁ ପଡୁ ନାହିଁ। ଯାହାର ଫାଇଦା ଭାରତୀୟ ଦଳ ଉଠାଉଅଛି। ଯାହା ଉପରେ ବର୍ତ୍ତମାନ ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଏକ ଉପଯୁକ୍ତ ଉତ୍ତର ଦେଇଛନ୍ତି। ଅଷ୍ଟ୍ରେଲିଆ ବିପକ୍ଷରେ ବିଜୟ ପରେ ସେ କହିଛନ୍ତି ଯେ, 'ମୁଁ ଜାଣେ ଅନୁଚିତ ଫାଇଦା ବିଷୟରେ ଅନେକ ବିତର୍କ ସୃଷ୍ଟି ହେଉଛି, କିନ୍ତୁ କେଉଁ ଅନୁଚିତ ଫାଇଦା? ସର୍ବପ୍ରଥମେ, ଏହା ଆମ ପାଇଁ ଯେତିକି ନିରପେକ୍ଷ ସ୍ଥାନ, ଅନ୍ୟ ଦଳ ପାଇଁ ମଧ୍ୟ ଅଟେ। ଏହି ଷ୍ଟାଡିୟମରେ ଆମେ ଖେଳିଥିବା ଶେଷ ଟୁର୍ନାମେଣ୍ଟ କ’ଣ ମୋର ମନେ ପଡୁନାହିଁ’।
ଗମ୍ଭୀର କହିଛନ୍ତି ଯେ କିଛି ଲୋକ କେବଳ ଅଭିଯୋଗ କରିବା ଜାଣନ୍ତି।
ଗୌତମ ଗମ୍ଭୀର ତାଙ୍କର କଥାବାର୍ତ୍ତା ଜାରି ରଖି କହିଛନ୍ତି ଯେ କିଛି ଲୋକ କେବଳ ଅଭିଯୋଗ କରିବା ଜାଣନ୍ତି। ଟିମ୍ ଇଣ୍ଡିଆ ଆଇସିସି ଏକାଡେମୀରେ ଅଭ୍ୟାସ କରୁଛି। ଯାହାକି ଏହି ଗ୍ରାଉଣ୍ଡ କଣ୍ଡିସନ ଠାରୁ ସମ୍ପୂର୍ଣ୍ଣ ଭିନ୍ନ ଅଟେ। ଗୌତମ ଗମ୍ଭୀର ଏହା କହିଛନ୍ତି ଯେ,
“ଆମେ ଗୋଟିଏ ଦିନ ବି ଏଠାରେ ଅଭ୍ୟାସ କରିନାହୁଁ। ଆମେ ଆଇସିସି ଏକାଡେମୀରେ ଅଭ୍ୟାସ କରୁଛୁ। ଏଠାରେ ଏବଂ ସେଠାରେ ପରିସ୍ଥିତି ମଧ୍ୟରେ ୧୮୦ ଡିଗ୍ରୀ ପାର୍ଥକ୍ୟ ଅଛି। କିଛି ଲୋକ କେବଳ ଅଭିଯୋଗ କରିବା ଜାଣନ୍ତି। ମୁଁ ଭାବୁନାହିଁ ଯେ ଆମ ପାଇଁ କୌଣସି ଅନୁଚିତ ସୁବିଧା ରହିଛି।
ଟିମ୍ ଇଣ୍ଡିଆର ସ୍ପିନର ଖେଳାଳି ଚୟନ କରିବାର କାରଣ ମଧ୍ୟ ଗୌତମ ଗମ୍ଭୀର ବର୍ଣ୍ଣନା କରିଛନ୍ତି, ସେ କହିଛନ୍ତି ଯେ ଯଦି ଆପଣ ୧୫ ଜଣିଆ ଦଳରେ ଦୁଇ ଜଣ ସ୍ପିନର ନିଅନ୍ତି, ପାକିସ୍ତାନରେ ହେଉ କିମ୍ବା ଯେ କୌଣସି ସ୍ଥାନରେ ହେଉ, ଆମେ ନିଶ୍ଚିତ ଭାବରେ ସେମାନଙ୍କୁ ବାଛିବୁ, କାରଣ ଏହି ଟୁର୍ନାମେଣ୍ଟ ଉପମହାଦେଶରେ ଅନୁଷ୍ଠିତ ହେଉଛି। ଗତ ଦୁଇଟି ମ୍ୟାଚରେ ଆମେ ଦୁଇ ବା ତିନୋଟି ସ୍ପିନର ଖେଳାଇଥିଲୁ, ବାକିମାନେ ଅଲରାଉଣ୍ଡର ଥିଲେ। ସେମିଫାଇନାଲ ମ୍ୟାଚ୍ ବିଷୟରେ କହିବାକୁ ଗଲେ ଟିମ୍ ଇଣ୍ଡିଆ ଟସ୍ ହାରିବା ପରେ ପ୍ରଥମେ ବୋଲିଂ କରିଥିଲା। ଯେଉଁଠାରେ ଅଷ୍ଟ୍ରେଲିଆ ୨୬୪ ରନ ସ୍କୋର କରିବାରେ ସଫଳ ହୋଇଥିଲା। ଏହାପରେ ଟିମ୍ ଇଣ୍ଡିଆ ୧୧ ଟି ବଲ ବାକି ଥାଇ ଲକ୍ଷ୍ୟ ହାସଲ କରି ନେଇଥିଲା। ଦଳ ପାଇଁ ୮୪ ରନ୍ ଇନିଂସ ଖେଳିଥିବା ବିରାଟ କୋହଲିଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ମଧ୍ୟ ପ୍ରଦାନ କରାଯାଇଥିଲା।