ଚହଲ-ଧନଶ୍ରୀଙ୍କ ଛାଡ଼ପତ୍ର : ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ଏବଂ ତାଙ୍କ ପତ୍ନୀ ଧନଶ୍ରୀଙ୍କ ଛାଡପତ୍ର ଖବର ଏବେ ଖୁବ ଚର୍ଚାରେ। ଏହାକୁ ନେଇ ଅନେକ ଲୋକ ଅନେକ କଥା କହୁଛନ୍ତି। ଏବେ ସୋସିଆଲ ମିଡିଆରେ ଖବର ଆସିଛି ଯେ ଧନଶ୍ରୀ ନିଜ ଭରଣପୋଷଣ ପାଇଁ ୟୁଜଭେନ୍ଦ୍ର ଚହଲଙ୍କଠାରୁ ୬୦ କୋଟି ଟଙ୍କା ଦାବି କରିଛନ୍ତି। କିନ୍ତୁ ଏପର୍ଯ୍ୟନ୍ତ ୟୁଜବେନ୍ଦ୍ର ଧନଶ୍ରୀଙ୍କୁ ଟଙ୍କା ଦେଇନାହାଁନ୍ତି। ଏହି କାରଣରୁ ଉଭୟଙ୍କ ମଧ୍ୟରେ ଛାଡପତ୍ର ସମସ୍ୟାର ସମାଧାନ ହୋଇପାରି ନାହିଁ। କିନ୍ତୁ ଏହି ଦାବିଗୁଡ଼ିକରେ କଣ ରହିଛି ସତ୍ୟତା? 

ୟୁଜବେନ୍ଦ୍ର ଚହଲ ଏବଂ ପତ୍ନୀ ଧନଶ୍ରୀଙ୍କ ମୋଟ ସମ୍ପତ୍ତି କେତେ?

ବର୍ତ୍ତମାନ, ୟୁଜଭେନ୍ଦ୍ର ଚହଲଙ୍କ ସମ୍ପତ୍ତି ପ୍ରାୟ ୪୫ କୋଟି ଟଙ୍କା ହୋଇଥିବା ବେଳେ ୟୁଜଭେନ୍ଦ୍ର ଚହଲଙ୍କ ପତ୍ନୀ ଧନଶ୍ରୀ ୨୩ କୋଟି ଟଙ୍କାରୁ ଅଧିକ ସମ୍ପତ୍ତିର ମାଲିକାଣୀ।  ଉଭୟଙ୍କ ମଧ୍ୟରେ ଫାଟ ସୃଷ୍ଟି ହେବାର କଣ ରହିଛି କାରଣ ଏପର୍ଯ୍ୟନ୍ତ ସୂଚନା ପ୍ରକାଶ ପାଇନାହିଁ।

ଧନଶ୍ରୀଙ୍କ ଦାବିରେ କେତେ ସତ୍ୟତା ରହିଛି?

ଗଣମାଧ୍ୟମ ରିପୋର୍ଟ ଅନୁସାରେ, ଏହି ଦାବିଗୁଡ଼ିକରେ କୌଣସି ସତ୍ୟତା ନାହିଁ। ଏପର୍ଯ୍ୟନ୍ତ ଧନଶ୍ରୀ ଏପରି କୌଣସି ଦାବି କରିନାହାଁନ୍ତି। ସେ ଏପର୍ଯ୍ୟନ୍ତ କୌଣସି ଖବର କିମ୍ବା ଅଫିସିଆଲି ବିବୃତ୍ତି ଦେଇନାହାଁନ୍ତି। ଏହା ସହିତ, ୟୁଜବେନ୍ଦ୍ର ଚହଲ ମଧ୍ୟ କିଛି କହିନାହାଁନ୍ତି। ଏହା ପୂର୍ବରୁ ଚହଲ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଥିଲେ। ଏହି ପୋଷ୍ଟରେ ସେ ତାଙ୍କ ପରିବାର ଏବଂ ପ୍ରଶଂସକଙ୍କୁ ସମର୍ଥନ ବିଷୟରେ କହିଛନ୍ତି ଏବଂ କୌଣସି ଆର୍ଥିକ କାରବାରର ଉଲ୍ଲେଖ କରି ନାହନ୍ତି। ଏହିପରି ଭାବରେ, ଏହା ସ୍ପଷ୍ଟ ଯେ ସୋସିଆଲ ମିଡିଆରେ ଚାଲିଥିବା ଆଲୋଚନା ଭିତ୍ତିହୀନ ଏବଂ ଧନଶ୍ରୀ କୌଣସି ଦାବି କରିନାହାଁନ୍ତି।