ଟିମ୍ ଇଣ୍ଡିଆକୁ ମିଳିଲା 'ରୋହିତ-ଧାୱନ' ଙ୍କ ରିପ୍ଲେସ ଯୋଡି, ଭବିଷ୍ୟତ ରେ ଭାରତୀୟ ଦଳରେ ଓପନିଂ କରିବେ ଏହି ଦୁଇ ଖେଳାଳି !
ତେବେ ଯଦି ଆମେ ରୋହିତ-ଧାୱନଙ୍କ ବିଷୟରେ କଥା ହେବା ତେବେ, ବିଶେଷକରି, ଧାୱନ ବିଦେଶୀ ପିଚରେ ବୋଲରଙ୍କୁ ନିର୍ଧୂମ ପ୍ରହାର କରୁଥିବା ବେଳେ , ହିଟମ୍ୟାନ ଜଗିରଖି ଖେଳୁଛନ୍ତି। କିନ୍ତୁ ଉଭୟ ଖେଳାଳିଙ୍କ ବଢୁଥିବା ବୟସକୁ ଦୃଷ୍ଟିରେ ରଖି ବର୍ତ୍ତମାନ ଦୁଇଜଣ ଯୁବ ଖେଳାଳିଙ୍କୁ ବିସିସିଆଇ ସିନିୟର ଟିମର ଓପେନିଂ ପାଇଁ ପ୍ରସ୍ତୁତ କରାଉଛି। ଭବିଷ୍ୟତରେ ଏହି ଦୁଇ ଖେଳାଳି ଦଳର ଓପେନିଂ ଦାୟିତ୍ୱ ସମ୍ଭାଳିବେ।
ଇଣ୍ଡିଆ ଅଣ୍ଡର-୧୯ ଦଳର ଅଧିନାୟକ ହେବା ସହିତ ୟଶ୍ ଧୁଲ୍ ଜଣେ ମହାନ ବ୍ୟାଟ୍ସମ୍ୟାନ୍ ମଧ୍ୟ। ଏହି ବ୍ୟାଟ୍ସମ୍ୟାନ୍ ପ୍ରାୟତଃ କ୍ଲାସିକ୍ ଇନିଂସ ଖେଳିବା ପାଇଁ ଜଣାଶୁଣା। ତାଙ୍କ ଅଧିନାୟକତ୍ୱରେ, ରୋହିତ ଶର୍ମାଙ୍କ ପରି ଆକ୍ରୋଶ ଦେଖାଯାଏ।
ଅଣ୍ଡର-୧୯ ବିଶ୍ୱକପ୍ରେ ୟଶ୍ କରୋନା ସଂକ୍ରମିତ ଥିବା କାରଣରୁ ପ୍ରାରମ୍ଭିକ ଲିଗ୍ ମ୍ୟାଚ୍ ଖେଳିପାରିନଥିଲେ। କିନ୍ତୁ ୟଶ ପରେ ବାଂଲାଦେଶ ବିପକ୍ଷରେ ଚମତ୍କାର ପ୍ରତ୍ୟାବର୍ତ୍ତନ କରିଥିଲେ। ଅଷ୍ଟ୍ରେଲିଆ ବିପକ୍ଷ ସେମିଫାଇନାଲ ମ୍ୟାଚରେ ସେ ୧୧୦ ରନର ଚମତ୍କାର ଇନିଂସ ଖେଳିଥିଲେ। ଏହି ଆଇସିସି ଟୁର୍ନାମେଣ୍ଟରେ ୟଶ୍ ୨୧୨ ରନ୍ ସଂଗ୍ରହ କରିଛନ୍ତି। ୟଶଙ୍କର ନାମ ମଧ୍ୟ ୧୨ ତାରିଖରେ ହେବାକୁ ଥିବା ଆଇପିଏଲ୍ ମେଗା ନିଲାମରେ ରହିଛି। ୟଶଙ୍କର ବେସ୍ ପ୍ରାଇସ ୨୦ ଲକ୍ଷ ଟଙ୍କା ରଖାଯାଇଛି।
ବାସ୍ତବରେ, ଇଣ୍ଡିଆ ଅଣ୍ଡର-୧୯ ଦଳର ଓପନର୍ ହରନୁର ସିଂ ଧାୱନଙ୍କ ଶୈଳୀରେ ପଡିଆରେ ବ୍ୟାଟିଂ କରୁଛନ୍ତି। ଅଣ୍ଡର-୧୯ ଦଳର ଏହି ଖେଳାଳି ଆକ୍ରମଣାତ୍ମକ ବ୍ୟାଟିଂ ପାଇଁ ଜଣାଶୁଣା ହୋଇ ସାରିଲେଣି। ଏହି ଓପନର୍ ବ୍ୟାଟ୍ସମ୍ୟାନ୍ ଏସିଆ କପ୍ ବିଜୟରେ ବିଶେଷ ଅବଦାନ ରଖିଥିଲେ। ଏଥି ସହିତ ସେ ଅଣ୍ଡର-୧୯ ବିଶ୍ୱକପରେ ଏପର୍ଯ୍ୟନ୍ତ ୧୦୪ ରନ୍ ସଂଗ୍ରହ କରିଛନ୍ତି। ଏଭଳି ପରିସ୍ଥିତିରେ ତାଙ୍କୁ ଆଗାମୀ ସମୟରେ ଟିମ୍ ଇଣ୍ଡିଆ ପାଇଁ ଓପେନିଂ କରୁଥିବାର ଦେଖିବାକୁ ମିଳିବ।
ସୂଚନାଯୋଗ୍ୟ ଯେ, ଯେ ଯଦି ୟଶ ଧୁଲ ଏବଂ ଓପନର୍ ହରନୁର ସିଂ ଏକାଠି ଟିମ୍ ଇଣ୍ଡିଆ ପାଇଁ ଓପେନିଂ କରନ୍ତି, ତେବେ ଏହି ଯୋଡି ରୋହିତ-ଧାୱନଙ୍କ ଯୋଡି ପରି ଦେଖାଯିବେ। କ୍ରିଜରେ ବେଶୀ ସମୟ ରହି ଖେଳିବାର କଳା ଉଭୟଙ୍କୁ ଜଣାଅଛି।
ଭବିଷ୍ୟତରେ ଯଦି ଏହି ଉଭୟ ଶକ୍ତିଶାଳୀ ବ୍ୟାଟ୍ସମ୍ୟାନ୍ ଟିମ୍ ଇଣ୍ଡିଆ ପାଇଁ ଓପେନିଂ କରୁଥିବାର ଦେଖାଯାଆନ୍ତି ତେବେ ଏହା ଆଶ୍ଚର୍ଯ୍ୟଜନକ ହେବ ନାହିଁ। ଚମତ୍କାର ପ୍ରଦର୍ଶନ କରୁଥିବା ଏହି ଖେଳାଳୀମାନଙ୍କ ଉପରେ ନିଶ୍ଚିତ ଭାବରେ ବିସିସିଆଇର ମୁଖ୍ୟ ଚୟନକର୍ତ୍ତା ନଜର ରଖିଥିବେ। ଅନ୍ୟପକ୍ଷରେ, ଆଇପିଏଲ ମେଗା ନିଲାମରେ ମଧ୍ୟ ଉଭୟଙ୍କ ବେସ୍ ପ୍ରାଇସ ୨୦ ଲକ୍ଷ ଟଙ୍କା ରହିଛି।