Champions Trophy 2025: ଚାମ୍ପିୟନ୍ସ ଟ୍ରଫି ଆଉ ମାତ୍ର କିଛି ଦିନ ବାକି ରହିଲା । ଟିମ୍ ଇଣ୍ଡିଆ ଦୁବାଇ ପହଞ୍ଚି ସାରିଲାଣି । ମାତ୍ର ଅନେକ ଖେଳାଳି ଏବେ ବି ପହଞ୍ଚି ନାହାନ୍ତି ।

ଟିମ୍ ଇଣ୍ଡିଆର ଯୁବ ଷ୍ଟାର ବ୍ଯାଟର ଯଶସ୍ୱୀ ଜୟସ୍ୱାଲ ମଧ୍ୟ ଦଳରେ ସାମିଲ ଥିଲେ । ଯଶସ୍ୱୀ ଏବେ ଆହତ ହୋଇଛନ୍ତି । ତେଣୁ ତାଙ୍କୁ ପରେ ଅତିରିକ୍ତ ଖେଳାଳି ଭାବରେ ଟିମ୍ ରେ ସାମିଲ କରାଯାଇଛି ।

ରଣଜୀ ଟ୍ରଫି ୨୦୨୫ ରେ ଏହି ଷ୍ଟାର ମୁମ୍ୱାଇ ପକ୍ଷରୁ ସେମିଫାଇନାଲ ଖେଳିବାର ଥିଲା । ମାତ୍ର ଏକ ରିପୋର୍ଟ ଅନୁସାରେ, ଯଶସ୍ୱୀ ଏବେ ଏ ମୁକାବିଲାରୁ ମଧ୍ଯ ବାଦ୍ ପଡିଛନ୍ତି । ରିପୋର୍ଟ ଅନୁଯାଇ, ମୁମ୍ୱାଇ ଓ ବିଦର୍ଭ ମଧ୍ୟରେ ୧୭ ଫେବୃଆରୀରେ ଏ ମ୍ଯାଚ୍ ଖେଳାଯିବ । ମାତ୍ର ଆହତ କାରଣରୁ ଜୟସ୍ୱାଲ ଏହି ମ୍ଯାଚ ଖେଳିବେ ନାହିଁ । ସେ ଟିମ୍ ଇଣ୍ଡିଆ ସହିତ ଦୁବାଇ ମଧ୍ୟ ଯାଇ ନାହାନ୍ତି । 

ଜୟସ୍ୱାଲଙ୍କୁ ରିଜର୍ଭ ପ୍ଲେୟାର ଭାବରେ ଦଳରେ ସାମିଲ କରାଯାଇଥିଲା । ମାତ୍ର ତାଙ୍କର ଏ ସ୍ଥାନ ଏବେ କିଏ ନେବେ ତାହା ଟିମ୍ ଇଣ୍ଡିଆର ମୁଣ୍ଡବିନ୍ଧାର କାରଣ ପାଲଟିଛି। 

ରଣଜୀରେ ଜମ୍ମୁ-କଶ୍ମୀର ବିପକ୍ଷରେ ଯଶସ୍ୱୀଙ୍କ ଜଲୱା ଦେଖିବାକୁ ମିଳି ନ ଥିଲା । ସେ ପ୍ରଥମ ଓ ଦ୍ୱିତୀୟ ପାରିରେ ଯଥାକ୍ରମେ ୪ ଓ ୨୬ ରନ କରି ଆଉଟ ହୋଇଥିଲେ ।

ଚାମ୍ପିୟନ ଟ୍ରଫି ପାଇଁ ଟିମ୍ ଇଣ୍ଡିଆର ସମ୍ଭାବ୍ଯ ଏକାଦଶ:.

ରୋହିତ ଶର୍ମା (ଅଧିନାୟକ), ଶୁଭମନ ଗିଲ (ଉପଅଧିନାୟକ), ବିରାଟ କୋହଲି, ଶ୍ରେୟସ ଆୟର, ଲୋକେସ ରାହୁଲ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଅକ୍ଷର ପଟେଲ, କୁଲଦୀପ ଯାଦବ, ଅର୍ଶଦୀପ ସିଂହ, ଓ ମହମ୍ମଦ ସାମି ।

ଚାମ୍ପିୟନ ଟ୍ରଫିରେ ଭାରତର ଅଭିଯାନ:

୧. ଭାରତ ବନାମ ବାଂଲାଦେଶ- ୨୦ ଫେବୃଆରୀ
୨. ଭାରତ ବନାମ ପାକିସ୍ତାନ-୨୩ ଫେବୃଆରୀ
୩. ଭାରତ ବନାମ ନ୍ୟୁଜିଲାଣ୍ଡ- ୨ ମାର୍ଚ୍ଚ ।