ଚାମ୍ପିଅନ୍ସ ଟ୍ରଫି ପାଇଁ ଟିମ୍ ଇଣ୍ଡିଆର ଜର୍ସିରେ ପାକିସ୍ତାନର ନାମ ମୁଦ୍ରଣକୁ ନେଇ ସୃଷ୍ଟି ହୋଇଛି ବିବାଦ । ଶିବସେନା ଜର୍ସିରୁ ପାକିସ୍ତାନର ନାମ ହଟାଇବା ପାଇଁ ଦାବି କରିଛି...

ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ଆରମ୍ଭ ପାଇଁ ଆଉ ଅଳ୍ପ ସମୟ ରହିଛି ଅର୍ଥାତ ଆଜି ଆରମ୍ଭ ହେବାକୁ ଯାଉଛି ଚାମ୍ପିଅନ୍ସ ଟ୍ରଫି ।  ଭାରତୀୟ ଦଳର ନୂଆ ଚାମ୍ପିଅନ୍ସ ଟ୍ରଫି ଜର୍ସି ଲଞ୍ଚ ହୋଇଛି। ଭାରତୀୟ ଦଳର ଜର୍ସିରେ ଆୟୋଜକ ଦେଶ ପାକିସ୍ତାନର ନାମ ମୁଦ୍ରିତ ହୋଇଛି। ଏହାକୁ ନେଇ ଏବେ ଏକ ବିବାଦ ଆରମ୍ଭ ହୋଇଛି।

କାରଣ ପାକିସ୍ତାନ ପ୍ରଥମେ ତାର ଷ୍ଟାଡିୟମରେ ଭାରତୀୟ ପତାକା ଉତ୍ତୋଳନ କରି ନଥିଲା। ଏହା ପରେ, ଆମର ଜର୍ସିରେ ଆୟୋଜକ ପାକିସ୍ତାନର ନାମ ମୁଦ୍ରିତ ହୋଇଛି। ଏହାକୁ ନେଇ ଶିବସେନା ୟୁବିଟି ବିସିସିଆଇକୁ ଟାର୍ଗେଟ କରିଛି। 

ସୂଚନାଯୋଗ୍ୟ, ଆଇସିସି ଇଭେଣ୍ଟଗୁଡ଼ିକର ନିୟମ ହେଉଛି ଯଦି କୌଣସି ଦେଶ ସେହି ଆଇସିସି ଇଭେଣ୍ଟର ଆୟୋଜନ କରେ, ତେବେ ସମସ୍ତ ଖେଳୁଥିବା ଦଳର ଜର୍ସିରେ ଆୟୋଜକ ଦେଶର ନାମ ମଧ୍ୟ ମୁଦ୍ରିତ ହେବ। ପାକିସ୍ତାନ ହେଉଛି ଆଇସିସି ଚାମ୍ପିଅନ୍ସ ଟ୍ରଫିର ଆୟୋଜକ ଦେଶ। ସେଥିପାଇଁ ଚାମ୍ପିଅନ୍ସ ଟ୍ରଫି ପାଇଁ ରିଲିଜ୍ ହୋଇଥିବା ଟିମ୍ ଇଣ୍ଡିଆର ଜର୍ସିରେ ଭାରତ ସହିତ ପାକିସ୍ତାନର ନାମ ମଧ୍ୟ ମୁଦ୍ରିତ ହୋଇଛି।

କିନ୍ତୁ ଶିବସେନା ପକ୍ଷରୁ ଭାରତୀୟ ଦଳର ଜର୍ସିରୁ ପାକିସ୍ତାନର ନାମ ହଟାଇବା ପାଇଁ ଦାବି କରାଯାଇଛି। ଦଳର ଜର୍ସିରେ ପାକିସ୍ତାନର ନାମ ଛାପିବା ବିରୋଧରେ ଶିବସେନା ୟୁବିଟି ଜମ୍ମୁ ଓ କଶ୍ମୀର ନେତାମାନେ ତୀବ୍ର ପ୍ରତିବାଦ କରିଛନ୍ତି।