ଆଇପିଏଲ୍ 2025 ର ଆୟୋଜନ ହେବା ପୂର୍ବରୁ ଗୋଟିଏ ବିଷୟ ଚର୍ଚା ରେ ଅଛି, ରୋହିତ ଶର୍ମା କେଉଁ ଦଳ ରେ ଖେଳିବେ ? ତେବେ ସମସ୍ତେ ଉତ୍ସାହର ସହିତ ମେଗା ନିଲାମକୁ ଅପେକ୍ଷା କରିଛନ୍ତି । ମେଗା ନିଲାମରେ ବହୁ ସଂଖ୍ୟକ ଖେଳାଳି ଅଂଶଗ୍ରହଣ କରିବେ | ବିଶେଷକରି ନିଲାମ ପୂର୍ବରୁ ରୋହିତ ଶର୍ମା ଚର୍ଚ୍ଚାର କେନ୍ଦ୍ର ପାଲଟିଛନ୍ତି କାରଣ ମୁମ୍ବାଇ ଇଣ୍ଡିଆନ୍ସ ତାଙ୍କୁ ମୁକ୍ତ କରିପାରେ ବୋଲି ଚର୍ଚ୍ଚା ଜୋର ଧରିଥିଲା ।

ନିତା ଅମ୍ବାନୀ କଲେ ବିନତି:

କିନ୍ତୁ ଏବେ ସୋସିଆଲ ମିଡିଆରେ ଦାବି କରାଯାଉଛି ଯେ MI ଫ୍ରାଞ୍ଚାଇଜର ମାଲିକାଣି ରୋହିତ କୁ ବିନତି କରି କହିଛନ୍ତି ଦଳ ନଛାଡିବା ପାଇଁ ଏବଂ ସୋସିଆଲ ମିଡିଆରେ ଦାବି କରାଯାଉଛି ଯେ ମୁମ୍ବାଇ ଇଣ୍ଡିଆନ୍ସ ଆସନ୍ତା ସିଜିନରେ ରୋହିତ ଶର୍ମାଙ୍କୁ ନିଜ ସହ ରଖିପାରେ । ଏହା ମଧ୍ୟ କୁହାଯାଇଥିଲା ଯେ 'ହିଟମ୍ୟାନ୍' ରୋହିତ ଶର୍ମା ଯାହା ଚାହୁଁଛନ୍ତି ତାହା ଗ୍ରହଣ କରିବାକୁ MI ମ୍ୟାନେଜମେଣ୍ଟ ପ୍ରସ୍ତୁତ ଅଛି ।

ତେବେ ତାଙ୍କୁ ପୁନର୍ବାର ଅଧିନାୟକ କରାଯିବ କି ନାହିଁ ତାହା ସ୍ଥିର ହୋଇନାହିଁ । ଯଦି ଆମେ ଆଇପିଏଲ୍ 2024 ବାବଦରେ କହିବୁ, ତେବେ ମୁମ୍ବାଇ ଇଣ୍ଡିଆନ୍ସ ରୋହିତ ଶର୍ମାଙ୍କୁ ଅଧିନାୟକତ୍ୱରୁ ହଟାଇ ହାର୍ଦ୍ଦିକ ପାଣ୍ଡ୍ୟାଙ୍କୁ ନୂତନ ଅଧିନାୟକ ଭାବରେ ନିଯୁକ୍ତ କରିଥିଲା ।

ତେବେ ହାର୍ଦ୍ଦିକଙ୍କ ଅଧିନାୟକତ୍ୱରେ ମୁମ୍ବାଇ ବହୁତ ଖରାପ ପ୍ରଦର୍ଶନ କରିଥିଲା, ଯେଉଁ କାରଣରୁ ଦଳ ପଏଣ୍ଟ ଟେବୁଲରେ ଶେଷ ସ୍ଥାନରେ ରହିଥିଲା । ରବିଚନ୍ଦ୍ରନ୍ ଅଶ୍ୱିନ୍ ନିକଟରେ ରୋହିତ ଶର୍ମା ମୁମ୍ବାଇ ଇଣ୍ଡିଆନ୍ସରେ ରହିବେ ନା ଦଳ ଛାଡିବେ ସେନେଇ ଏକ ବଡ଼ ବିବୃତ୍ତି ଦେଇଥିଲେ। ସେ କହିଥିଲେ ଯେ ବଡ଼ ଖେଳାଳିଙ୍କ କ୍ୟାରିଅରରେ ଏକ ପର୍ଯ୍ୟାୟ ଆସିଥାଏ ଯେତେବେଳେ ଟଙ୍କା ସେମାନଙ୍କ ପାଇଁ ଅଧିକ ଗୁରୁତ୍ୱପୂର୍ଣ୍ଣ ନୁହେଁ । ସେମାନେ କେବଳ ଭଲ ପରିବେଶରେ କ୍ରିକେଟ୍ ଖେଳିବାକୁ ଚାହାନ୍ତି  ।