ଟିମ୍ ଇଣ୍ଡିଆ ଏବଂ ପାକିସ୍ତାନ ପାଇଁ ବିଶ୍ୱକପ୍ 2023 ର ଯାତ୍ରା ଅତ୍ୟନ୍ତ ବିପରୀତ ଥିଲା । ଗୋଟିଏ ପଟେ ଟିମ୍ ଇଣ୍ଡିଆ ବର୍ତ୍ତମାନ ପର୍ଯ୍ୟନ୍ତ ବିଶ୍ୱକପ୍ 2023 ରେ ଖେଳାଯାଇଥିବା ସମସ୍ତ ମ୍ୟାଚ୍ ଜିତିଛି ଏବଂ ଅନ୍ୟପକ୍ଷରେ, ବିଶ୍ୱକପ 2023 ରେ ଖେଳାଯାଇଥିବା 7 ଟି ମ୍ୟାଚ ମଧ୍ୟରୁ ପାକିସ୍ତାନ ଦଳ ଏପର୍ଯ୍ୟନ୍ତ 3 ଟି ମ୍ୟାଚ ହିଁ ଜିତିଛି ।

ଏଭଳି ପରିସ୍ଥିତିରେ ଯଦି କେହି ଆପଣଙ୍କୁ କୁହନ୍ତି ଯେ ପାକିସ୍ତାନ ସହିତ ଟିମ୍ ଇଣ୍ଡିଆର ସେମିଫାଇନାଲ ମ୍ୟାଚ୍ ନଭେମ୍ବର 15 ରେ ଅନୁଷ୍ଠିତ ହୋଇପାରିବ, ତେବେ ଆପଣଙ୍କର ପ୍ରତିକ୍ରିୟା କ’ଣ ହେବ? ଆପଣ ଭାବିବେ ଯେ ଏହା ଏକ ପରିହାସ ଏବଂ ଏହା ସମ୍ଭବ ନୁହେଁ?

ତେବେ ସୋସିଆଲ ମିଡ଼ିଆ ରେ ଖାସ କରି ପାକିସ୍ତାନୀ ଫ୍ୟାନ ମାନେ ଏପରି ସମୀକରଣ ବିଷୟରେ ଚର୍ଚା କରୁଛନ୍ତି ଯେଉଁଥିରେ 15 ନଭେମ୍ବରରେ ଭାରତ ଏବଂ ପାକିସ୍ଥାନ ମଧ୍ୟରେ ବିଶ୍ୱକପ୍ ସେମିଫାଇନାଲ ମ୍ୟାଚ୍ ଦେଖିପାରିବା ।

ଭାରତ-ପାକିସ୍ତାନ ବିଶ୍ୱକପ ମ୍ୟାଚ୍ ପାଇଁ ଚର୍ଚା ରେ ଏହି ସମୀକରଣ:

ଟିମ୍ ଇଣ୍ଡିଆ ବର୍ତ୍ତମାନ ପଏଣ୍ଟ ଟେବୁଲରେ ପ୍ରଥମ ସ୍ଥାନରେ ଅଛି ଏବଂ ଯଦି ଆସନ୍ତାକାଲି ଶ୍ରୀଲଙ୍କା ବିପକ୍ଷରେ ଟିମ୍ ଇଣ୍ଡିଆ ଜିତିବ ତେବେ ଟିମ୍ ଇଣ୍ଡିଆ ବିଶ୍ୱକପ୍ 2023 ର ସେମିଫାଇନାଲ ପର୍ଯ୍ୟାୟ ପାଇଁ ଯୋଗ୍ୟତା ଅର୍ଜନ କରିବ। ଏହି ସମୟ ମଧ୍ୟରେ ପାକିସ୍ତାନକୁ ବିଶ୍ୱକପ 2023 ରେ ଇଂଲଣ୍ଡ ଏବଂ ନ୍ୟୁଜିଲାଣ୍ଡ ବିପକ୍ଷରେ ଦୁଇଟି ଗ୍ରୁପ୍ ପର୍ଯ୍ୟାୟ ମ୍ୟାଚ୍ ଖେଳିବାକୁ ପଡ଼ିବ ଏବଂ ସେମାନଙ୍କୁ ଏକ ବଡ଼ ବ୍ୟବଧାନରେ ଜିତିବାକୁ ପଡ଼ିବ । ଏଭଳି ପରିସ୍ଥିତିରେ ପାକିସ୍ତାନ ଦଳ 9 ଟି ମ୍ୟାଚ୍ ପରେ 10 ପଏଣ୍ଟ ପାଇବ ।

ଯଦି ପାକିସ୍ତାନ ଦଳକୁ 15 ନଭେମ୍ବରରେ ଟିମ୍ ଇଣ୍ଡିଆ ବିପକ୍ଷରେ ସେମିଫାଇନାଲ ମ୍ୟାଚ୍ ଖେଳିବାକୁ ଇଚ୍ଛା, ତା’ହେଲେ ଦଳକୁ ମଧ୍ୟ ନିଜ ମ୍ୟାଚରେ ନ୍ୟୁଜିଲ୍ୟାଣ୍ଡ ଏବଂ ଆଫଗାନିସ୍ତାନର ପରାଜୟ ପାଇଁ ପ୍ରାର୍ଥନା କରିବାକୁ ପଡିବ ।

ଯଦି ଏହା ଘଟେ ତେବେ ପାକିସ୍ତାନ ଦଳ 10 ପଏଣ୍ଟ ସହ ସେମିଫାଇନାଲ ପର୍ଯ୍ୟାୟ ପାଇଁ 4 ନମ୍ବର ଦଳ ଭାବରେ ଯୋଗ୍ୟତା ଅର୍ଜନ କରିବ ଏବଂ ତା’ପରେ ଆମେ 15 ନଭେମ୍ବରରେ ଭାରତ ଏବଂ ପାକିସ୍ଥାନ ମଧ୍ୟରେ ସେମିଫାଇନାଲ ମ୍ୟାଚ୍ ଦେଖିପାରିବା ।

ନ୍ୟୁଜିଲ୍ୟାଣ୍ଡ ଏବଂ ଆଫଗାନିସ୍ତାନର ପରାଜୟ ପାଇଁ ପାକିସ୍ତାନକୁ ପ୍ରାର୍ଥନା କରିବାକୁ ପଡିବ:

ଯଦି ପାକିସ୍ତାନ ଦଳ 2023 ବିଶ୍ୱକପ୍‌ର ସେମିଫାଇନାଲ ପର୍ଯ୍ୟାୟ ପାଇଁ ଯୋଗ୍ୟତା ଅର୍ଜନ କରିବାକୁ ଚାହୁଁଛି, ତେବେ ଏଥିପାଇଁ ସେମାନଙ୍କୁ ନ୍ୟୁଜିଲ୍ୟାଣ୍ଡ ଏବଂ ଆଫଗାନିସ୍ତାନ ଦଳ ର ପରାଜୟ ପାଇଁ ପ୍ରାଥନା କରିବାକୁ ପଡିବ । ନ୍ୟୁଜିଲ୍ୟାଣ୍ଡ ଦଳ ବର୍ତ୍ତମାନ 6 ଟି ମ୍ୟାଚରେ 4 ଟି ବିଜୟ ସହ 8 ପଏଣ୍ଟ ପାଇଛି । ନ୍ୟୁଜିଲ୍ୟାଣ୍ଡ ଦଳ ବର୍ତ୍ତମାନ ଦକ୍ଷିଣ ଆଫ୍ରିକା, ପାକିସ୍ଥାନ ଏବଂ ଶ୍ରୀଲଙ୍କା ବିପକ୍ଷରେ ତିନୋଟି ମ୍ୟାଚ୍ ଖେଳିଛି ।

ଯଦି ନ୍ୟୁଜିଲ୍ୟାଣ୍ଡ ଦଳ 2 ଟି ମ୍ୟାଚ୍ ଜିତେ ତେବେ ଏହା ଯୋଗ୍ୟତା ହାସଲ କରିବ ଏବଂ ଯଦି ନ୍ୟୁଜିଲ୍ୟାଣ୍ଡ ଦଳ 3 ମ୍ୟାଚ୍ ହାରିଯାଏ ତେବେ ପାକିସ୍ତାନ ସେମିଫାଇନାଲରେ ପ୍ରବେଶ କରିବା ସହଜ ହେବ। ଆଫଗାନିସ୍ତାନ ଦଳ ବର୍ତ୍ତମାନ 6 ଟି ମ୍ୟାଚରେ 6 ପଏଣ୍ଟ ପାଇଛି। ଯଦି ଆଫଗାନିସ୍ତାନ ଦଳ ମଧ୍ୟ ଏହାର ସମସ୍ତ ମ୍ୟାଚ୍ ଜିତେ, ତେବେ ଆଫଗାନିସ୍ତାନ ଦଳ ପାକିସ୍ତାନ ସ୍ଥାନରେ ଯୋଗ୍ୟତା ଅର୍ଜନ କରିପାରିବ ।