ଗିଲଙ୍କୁ ଚେତାବନୀ ଦେଲେ କପିଲ ଦେବ, କହିଲେ- 'ନିଜକୁ କୋହଲି କିମ୍ବା ସଚିନ ବୋଲି ଭାବନି, ଯଦି ଫର୍ମ ଯିବ ତ..."

  1. Home
  2. Cricket News

ଗିଲଙ୍କୁ ଚେତାବନୀ ଦେଲେ କପିଲ ଦେବ, କହିଲେ- 'ନିଜକୁ କୋହଲି କିମ୍ବା ସଚିନ ବୋଲି ଭାବନି, ଯଦି ଫର୍ମ ଯିବ ତ..."

kapil dev on gill


ଆଇପିଏଲରେ ଶୁଭମାନ ଗିଲ ଭଲ ଫର୍ମ ରେ ଅଛନ୍ତି । ପ୍ରଶଂସକମାନେ ବିରାଟ କୋହଲି, ସଚିନ ତେନ୍ଦୁଲକରଙ୍କ ପରି ଭେଟେରାନଙ୍କ ସହ ଗିଲଙ୍କୁ ତୁଳନା କରିଥିଲେ । କିନ୍ତୁ କପିଲ ଦେବ ଏହାକୁ ଗ୍ରହଣ କରିବାକୁ ମନା କରି ଦେଇଛନ୍ତି । ସେ ଶୁଭମାନ ଗିଲଙ୍କୁ ଚେତାବନୀ ଦେଇଛନ୍ତି ।

ଟିମ୍ ଇଣ୍ଡିଆ ପାଇଁ ଶୁଭମାନ ଗିଲ କିଛି ସମୟ ପାଇଁ ଚମତ୍କାର ପ୍ରଦର୍ଶନ କରିଆସୁଛନ୍ତି। ଏହା ବ୍ୟତୀତ ସେ ଚଳିତ ବର୍ଷ ଆଇପିଏଲରେ ସର୍ବାଧିକ ରନ୍ ସ୍କୋରର ମଧ୍ୟ ରହିଛନ୍ତି । ସେ ଏହି ସିଜନରେ 800 ରୁ ଅଧିକ ରନ୍ କରିଛନ୍ତି । ଅନେକ ଲୋକ ତାଙ୍କୁ ବିରାଟ କୋହଲି, ସଚିନ ତେନ୍ଦୁଲକରଙ୍କ ସହ ତୁଳନା କରିଥିଲେ। କିନ୍ତୁ ପୂର୍ବତନ କ୍ରିକେଟର କପିଲ ଦେବ ବର୍ତ୍ତମାନ ଏଥିରେ ସହମତ ନୁହଁନ୍ତି ।

kapil dev gill

ଏବିପି ନ୍ୟୁଜରେ ଶୁଭମାନ ଗିଲଙ୍କ ମହାନ ପ୍ରଦର୍ଶନ ବିଷୟରେ କପିଲ ଦେବ କହିଛନ୍ତି, "ଭାରତୀୟ କ୍ରିକେଟ୍ ସୁନୀଲ ଗାଭାସ୍କର, ସଚିନ ତେନ୍ଦୁଲକର ତାପରେ ରାହୁଲ ଦ୍ରାବିଡ, ଭିଭିଏସ୍ ଲକ୍ଷ୍ମଣ, ସେହୱାଗ ଏବଂ ପରେ କୋହଲି ଆସିଥିଲେ । ଶୁଭମ୍ୟାନ ଯେପରି ବ୍ୟାଟିଂ କରୁଛନ୍ତି, ଦେଖାଯାଉଛି ସେ ତାଙ୍କ ପାଦ ଅନୁସରଣ କରୁଛନ୍ତି ।

କପିଲ ଦେବ କହିଛନ୍ତି:

"ମୁଁ ବର୍ତ୍ତମାନ ଗିଲଙ୍କୁ ସଚିନ୍-ଗାଭାସ୍କରଙ୍କ ବର୍ଗରେ ରଖିବି ନାହିଁ । ମୁଁ ସହମତ ଯେ ତାଙ୍କର ବହୁତ ପ୍ରତିଭା ଅଛି । କିନ୍ତୁ ବଡ ଖେଳାଳିଙ୍କ ସହ ତୁଳନା କରିବା ବର୍ତ୍ତମାନ ଠିକ୍ ନୁହେଁ । ମୁଁ ତାଙ୍କୁ ଗୋଟିଏ ସିଜନ ରେ ହିଁ ଭଲ ଖେଳିଥିବା ଦେଖିଚି । ବ୍ୟାଟ୍ସମ୍ୟାନ୍ ଙ୍କ ବୋଲର ଙ୍କ ପେକ୍ଷା ଦୁର୍ବଳତା ଅଧିକ ଥାଏ । ଯଦି ଜଣେ ବ୍ୟାଟ୍ସମ୍ୟାନ୍ଙ୍କ କ୍ରମାଗତ 3-4 ସିଜନ୍ ଭଲ ଖେଳେ ତେବେ ଆମେ କହିପାରିବା ଯେ ସେ ମହାନ ଅଟନ୍ତି।"

କପିଲ ଦେବ ଆହୁରି କହିଛନ୍ତି, "ଶୁଭମନ୍ ଗିଲ୍ ବର୍ତ୍ତମାନ ଏକ ଭଲ ପର୍ଯ୍ୟାୟରେ ଅଛନ୍ତି । କିନ୍ତୁ ମୁଁ ଦେଖିବାକୁ ଚାହେଁ ଯେ, ଯେତେବେଳେ ତାଙ୍କର ଫର୍ମ ତଳକୁ ଯାଏ ସେ କିପରି ପୁଣି ଫେରି ଆସନ୍ତି, ଅନେକ କ୍ରିକେଟର ଆରମ୍ଭରେ ଭଲ ପ୍ରଦର୍ଶନ କରନ୍ତି କିନ୍ତୁ ପରେ ବିଫଳ ହୁଅନ୍ତି ।