କ୍ରିକେଟ ଖବର : କେପଟାଉନରେ ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ସରିଥିବା ତୃତୀୟ ଟେଷ୍ଟ ମ୍ୟାଚର ତୃତୀୟ ଦିନରେ ଭାରତୀୟ ଦଳ ଦ୍ୱିତୀୟ ଇନିଂସରେ ୧୯୮ ରନରେ ସୀମିତ ହୋଇଗଲା। ଖରାପ ଫର୍ମରେ ଥିବା ଯୁବ ୱିକେଟ୍ କିପର-ବ୍ୟାଟ୍ସମ୍ୟାନ୍ ରିଷଭ ପନ୍ତ ଜବରଦସ୍ତ ଫର୍ମକୁ ଫେରି ଏକ ଅପରାଜିତ ଶତକୀୟ ପାରି ଖେଳିଥିଲେ। କିନ୍ତୁ ରିଷଭଙ୍କର ଶତକୀୟ ପାରି ଭାରତକୁ ସିରିଜ ଜିତାଇ ପାରିଲା ନାହିଁ। ଦକ୍ଷିଣ ଆଫ୍ରିକା ଦଳ ଏହି ୩ ଟିକିଆ ଟେଷ୍ଟ ସିରିଜକୁ ୨-୧ ରେ ବାଜି ମାରିନେଲା।

ତେବେ ଯଦି ଆମେ ଭାରତର ଦ୍ଵିତୀୟ ଇନିଂସ ବିଷୟରେ କଥା ହେବା ତେବେ, ଏହି ଦ୍ଵିତୀୟ ଇନିଂସରେ ଭାରତୀୟ କ୍ରିକେଟ ଦଳ ଏକ ଭିନ୍ନ ରେକର୍ଡ ସୃଷ୍ଟି କରିଛନ୍ତି। ଦ୍ଵିତୀୟ ଇନିଂସରେ ଟିମ୍ ଇଣ୍ଡିଆର ଶେଷ ୱିକେଟ୍ ଜସପ୍ରୀତ ବୁମ୍ରାଙ୍କ ନାମରେ ଥିଲା। ବୁମରା ମାର୍କୋ ଜାନସେନଙ୍କ ବୋଲିଂ ସ୍ପେଲରେ ଟେମ୍ବା ବାଭୁମାଙ୍କ ହାତକୁ କ୍ୟାଚ ଦେଇଥିଲେ। ତେବେ ବୁମ୍ରା କ୍ୟାଚ ଆଉଟ୍ ହେବା ମାତ୍ରେ ଏହି ମ୍ୟାଚରେ ଟିମ୍ ଇଣ୍ଡିଆ ଏକ ନିଆରା ରେକର୍ଡ ସୃଷ୍ଟି କରିଥିଲା।

ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିବା ତୃତୀୟ ଟେଷ୍ଟ ମ୍ୟାଚର ଭାରତର ଦୁଇଟି ଯାକ ଇନିଂସ ଦଳର ସମସ୍ତ ଖେଳାଳି କ୍ୟାଚ ଆଉଟ୍ ହୋଇଥିଲେ।

ଟେଷ୍ଟ କ୍ରିକେଟ୍ ଇତିହାସରେ ଏହା ପ୍ରଥମ ଯେତେବେଳେ କି କୌଣସି ଏକ ଦଳର ଖେଳାଳିମାନେ ବ୍ୟାଟିଂ କରି ଉଭୟ ଇନିଂସରେ କ୍ୟାଚ ଆଉଟ୍ ହୋଇଛନ୍ତି। ଏହାପୂର୍ବରୁ, ୫ଟି ଘଟଣା ଏହିପରି ଘଟିଛି। ଗୋଟିଏ ଦଳର ୧୯ ଟି ବ୍ୟାଟ୍ସମ୍ୟାନ୍ କ୍ୟାଚ ଆଉଟ୍ ହୋଇ ପାଭିଲିୟନ ଫେରିଛନ୍ତି। ୧୯୮୨ ମସିହାରେ ବ୍ରିସବେନରେ ଅଷ୍ଟ୍ରେଲିଆ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ଏକ ଟେଷ୍ଟ ମ୍ୟାଚରେ ଏହି ଘଟଣା ପ୍ରଥମ ଥର ପାଇଁ ଘଟିଥିଲା। ଏଥି ସହିତ, ଶେଷ ଥର ପାଇଁ ୨୦୨୦ ମସିହାରେ ଦକ୍ଷିଣ ଆଫ୍ରିକା ଏବଂ ଇଂଲଣ୍ଡ ମଧ୍ୟରେ ମ୍ୟାଚରେ କେପଟାଉନର ହୋଇଥିବା ଟେଷ୍ଟ ମ୍ୟାଚରେ ଏହି ସମାନ ଘଟଣା ଦେଖିବାକୁ ମିଳିଥିଲା।