ଭାରତ ବନାମ ଅଷ୍ଟ୍ରେଲିଆ ପ୍ରଥମ ODI: ଭାରତୀୟ ଦଳ ପ୍ରଥମ ଦିନିକିଆରେ ଅଷ୍ଟ୍ରେଲିଆକୁ 5 ୱିକେଟରେ ପରାସ୍ତ କରି ସିରିଜରେ 1-0 ଅଗ୍ରଣୀ ହାସଲ କରିଛି । ଅଷ୍ଟ୍ରେଲିଆ ଉପରେ ଚମତ୍କାର ବିଜୟ ପରେ ଟିମ୍ ଇଣ୍ଡିଆ ଆଇସିସି ODI ର଼୍ୟାଙ୍କିଙ୍ଗରେ ଏକ ନମ୍ବର ଦଳ ହୋଇପାରିଛି।

ଏହି ମ୍ୟାଚରେ ଭାରତୀୟ ବୋଲର ଏବଂ ବ୍ୟାଟ୍ସମ୍ୟାନ୍ ଚମତ୍କାର ପ୍ରଦର୍ଶନ କରିଥିଲେ । ଭାରତ ପାଇଁ ଚାରିଜଣ ବ୍ୟାଟ୍ସମ୍ୟାନ୍ ଅର୍ଦ୍ଧଶତକ ହାସଲ କରିଥିଲେ ଏବଂ ମହମ୍ମଦ ଶାମି 5 ୱିକେଟ୍ ନେଇଥିଲେ ।

ମହମ୍ମଦ ଶାମି ଚମତ୍କାର କରିଥିଲେ:

ଭାରତୀୟ ଅଧିନାୟକ କେ.ଏଲ୍ ରାହୁଲ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ, ଯାହା ଠିକ୍ ବୋଲି ପ୍ରମାଣିତ ହୋଇଥିଲା । ଭାରତ ପାଇଁ ମହମ୍ମଦ ଶାମି ଚମତ୍କାର ବୋଲିଂ କରିଥିଲେ। ସେ ଅଷ୍ଟ୍ରେଲିଆ ବିପକ୍ଷରେ 10 ଓଭରରେ 51 ରନ୍ ଦେଇ 5 ୱିକେଟ୍ ନେଇଥିଲେ। ପ୍ରଥମ ଓଭରରୁ ଶାମି ଆଶ୍ଚର୍ଯ୍ୟଜନକ ଭାବେ ବୋଲିଂ କରିଥିଲେ।

ଏହା ହେଉଛି ଦ୍ୱିତୀୟ ଥର ଯେତେବେଳେ ସେ ତାଙ୍କ ODI କ୍ୟାରିୟରରେ 5 ୱିକେଟ୍ ନେଇଛନ୍ତି । ତାଙ୍କର ଉତ୍କୃଷ୍ଟ ପ୍ରଦର୍ଶନ ପାଇଁ ତାଙ୍କୁ 'ପ୍ଲେୟାର ଅଫ୍ ଦି ମ୍ୟାଚ୍' ପୁରସ୍କାର ପ୍ରଦାନ କରାଯାଇଥିଲା । ସେ ମିଚେଲ ମାର୍ଶ, ଷ୍ଟିଭ ସ୍ମିଥ, ମାର୍କସ ଷ୍ଟେନିସ, ମାଥ୍ୟୁ ଶଟ ଏବଂ ସେନ ଆବଟ୍ଟଙ୍କ ୱିକେଟ୍ ନେଇଥିଲେ ।

ଏହା ପ୍ରଥମ ଥର ପାଇଁ ଘଟିଲା:

ଏସିଆ କପ୍ 2023 ରେ ପାକିସ୍ତାନ ବିପକ୍ଷରେ କୁଲଦୀପ ଯାଦବ 5 ୱିକେଟ୍ ନେଇଥିଲେ । ଏହା ପରେ ଫାଇନାଲରେ ମହମ୍ମଦ ସିରାଜ ଶ୍ରୀଲଙ୍କା ବିପକ୍ଷରେ 6 ଟି ୱିକେଟ୍ ନେଇ ସମସ୍ତଙ୍କ ହୃଦୟ ଜିତିଥିଲେ । ଏବେ ମହମ୍ମଦ ଶାମି 5 ୱିକେଟ୍ ନେଇଛନ୍ତି । ଭାରତୀୟ କ୍ରିକେଟ୍ ଇତିହାସରେ ଏହା ପ୍ରଥମ ଥର ପାଇଁ ତିନି ଜଣ ବୋଲର ଗୋଟିଏ ମାସରେ 5 ଟି ୱିକେଟ୍ ନେଇଛନ୍ତି ।