କ୍ରିକେଟ ଖବର: ଭାରତ ବନାମ ଅଷ୍ଟ୍ରେଲିଆ ODI ସିରିଜ୍ ଶେଷ ହୋଇଛି। ସିରିଜର ଶେଷ ମ୍ୟାଚ୍ 22 ମାର୍ଚ୍ଚରେ ଖେଳାଯାଇଥିଲା। ଯେଉଁଥିରେ ଚେନ୍ନାଇର ଏମ ଚିଦାମ୍ବରମ୍ ଷ୍ଟାଡିୟମରେ ଉଭୟ ଦଳ ମୁହାଁମୁହିଁ ହୋଇଥିଲେ। ଟସ୍ ଜିତିବା ପରେ ପ୍ରଥମେ ବ୍ୟାଟିଂ କରି କଙ୍ଗାରୁ ଦଳ 49 ଓଭରରେ 270 ରନ୍ ସଂଗ୍ରହ କରିଥିଲେ। ଏହାର ଜବାବରେ ଏକ ଭଲ ଆରମ୍ଭ ପରେ ବି ମଧ୍ୟମ ଓଭରରେ ରୋହିତବାହିନୀ ଖରାପ ଖେଳ ପ୍ରଦର୍ଶନ କରିଥିଲା। ଭାରତ ସେମାନଙ୍କ ଆବଣ୍ଟିତ 50 ଓଭରରେ 248 ରନ୍ ସଂଗ୍ରହ କରି ଟାର୍ଗେଟରୁ 21 ରନ୍ କମ୍ ହୋଇଯାଇଥିଲା। ଏହା ସହ ଅଷ୍ଟ୍ରେଲିଆ ମଧ୍ୟ ସିରିଜକୁ 2-1 ରେ କବଜା କରିଥିଲା।

ସିରିଜ ରେ ପରାଜୟ ହେବାର କାରଣ କଣ ଥିଲା?

ଭାରତୀୟ ଦଳ ପରାସ୍ତ ହେବାର ଅନେକ କାରଣ ଥିଲା, କିନ୍ତୁ ଏହାର ମୁଖ୍ୟ କାରଣ ଥିଲା ଦଳର ବ୍ୟାଟିଂ ଅଡ଼ର୍ରରେ ପରବର୍ତ୍ତନ। କାରଣ ଏହି ମ୍ୟାଚରେ ମୁଖ୍ୟକୋଚ୍ ରାହୁଲ ଦ୍ରାବିଡ ଏବଂ ଅଧିନାୟକ ରୋହିତ ଶର୍ମା ବ୍ୟାଟିଂ କ୍ରମକୁ ସମ୍ପୂର୍ଣ୍ଣ ରୂପେ ବଦଳାଇ ଦେଇଥିଲେ।

ବାସ୍ତବରେ ସେ ବ୍ୟାଟିଂ ପାଇଁ ଚତୁର୍ଥ ନମ୍ବରରେ ଅକ୍ସର ପଟେଲଙ୍କୁ ପଠାଇଥିଲେ। ସେ ଏପର୍ଯ୍ୟନ୍ତ ନିମ୍ନ କ୍ରମରେ ଭଲ ରନ୍ ସଂଗ୍ରହ କରୁଥିବା ଦେଖିବାକୁ ମିଳିଥିଲା। ଏହା ବ୍ୟତୀତ ସେ ସାତ ନମ୍ବରରେ ବ୍ୟାଟିଂ କରିବାକୁ ସୂର୍ଯ୍ୟକୁମାର ଯାଦବଙ୍କୁ ପଠାଇଥିଲେ। ଯେଉଁଥିପାଇଁ ରବିନ୍ଦ୍ର ଜାଡେଜାଙ୍କୁ ଆଠ ନମ୍ବରରେ ବ୍ୟାଟିଂ କରିବାକୁ ଆସିବାକୁ ପଡିଥିଲା ​​ଏବଂ ସେ କିଛି ବିଶେଷ କରିପାରିନଥିଲେ। ଯେଉଁଥି ପାଇଁ ଟିମ୍ ଇଣ୍ଡିଆ ସିରିଜ୍ ହାରିଲା ବୋଲି ଆଲୋଚନା ହେଉଛି।

ଆହୁରି ପଢ଼ନ୍ତୁ: ଜସପ୍ରୀତ ବୁମ୍ରାଙ୍କୁ ଧୋକା ଦେଲା MI, ତାଙ୍କ ବଦଳରେ IPL 2023 ପାଇଁ ଏହି ଘାତକ ବୋଲରଙ୍କୁ ଦଳରେ କଲା ସାମିଲ