ଅଷ୍ଟ୍ରେଲିଆ ବିପକ୍ଷରେ ଭାରତ ଟେଷ୍ଟ ସିରିଜକୁ ୧-୩ରେ ହାରିଛି ଯାହାପରେ ବର୍ତ୍ତମାନ ଦଳର ଧ୍ୟାନ ଧଳା ବଲ କ୍ରିକେଟ୍ ଉପରକୁ ଆସିଛି। ଜାନୁଆରୀ ୨୨ ତାରିଖରୁ ଭାରତ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳାଯିବ, ଯାହା ପରେ ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜ୍ ଅନୁଷ୍ଠିତ ହେବ। ଏହି ଏକଦିବାସୀୟ ମ୍ୟାଚ୍ ଫେବୃଆରୀ ୧୯ ରୁ ଆରମ୍ଭ ହେବାକୁ ଥିବାବେଳେ ଆଇସିସି ଚାମ୍ପିଅନ୍ସ ଟ୍ରଫି ପାଇଁ ଏହା ଭାରତକୁ ସାହାଯ୍ୟ କରିବ।

ଭାରତ ଦୁବାଇରେ ଚାମ୍ପିଅନ୍ସ ଟ୍ରଫି ମ୍ୟାଚ୍ ଖେଳିବ। ଦଳର ପ୍ରଥମ ମ୍ୟାଚ୍ ୨୦ ଫେବୃଆରୀରେ ବାଂଲାଦେଶ ବିପକ୍ଷରେ ହୋଇଥିବାବେଳେ ୨୩ ଫେବୃଆରୀରେ ଭାରତ ପାକିସ୍ତାନ ସହିତ ମୁହାଁମୁହିଁ ହେବ। ମାର୍ଚ୍ଚ ୨ ତାରିଖରେ ଭାରତର ଶେଷ ଲିଗ୍ ମ୍ୟାଚ୍ ନ୍ୟୁଜିଲ୍ୟାଣ୍ଡ ବିପକ୍ଷରେ ରହିଛି। ଯଦି ଭାରତ ନକ୍ଆଉଟରେ ପହଞ୍ଚିଯାଏ ତେବେ ଏହାର ସେମିଫାଇନାଲ ମ୍ୟାଚ୍ ମାର୍ଚ୍ଚ ୪ ତାରିଖରେ ଦୁବାଇରେ ଏବଂ ଫାଇନାଲ ମାର୍ଚ୍ଚ ୯ ତାରିଖରେ ଖେଳାଯିବ।

ଜାନୁଆରୀ ୧୨ ସୁଦ୍ଧା ଭାରତ ଚାମ୍ପିଅନ୍ସ ଟ୍ରଫି ପାଇଁ ୧୫ ଜଣିଆ ଦଳ ଘୋଷଣା କରିପାରିବ। ଟାଇମ୍ସ ଅଫ୍ ଇଣ୍ଡିଆର ଏକ ରିପୋର୍ଟ ଅନୁଯାୟୀ, ଯଦି କୌଣସି ବଡ଼ ଫିଟନେସ୍ ସମସ୍ୟା ନଥାଏ ତେବେ ଦ୍ରୁତ ବୋଲର ଜସପ୍ରୀତ ବୁମ୍ରା ରୋହିତ ଶର୍ମାଙ୍କ ଉପ-ଅଧିନାୟକ ହେବେ। ନିକଟରେ ଶେଷ ହୋଇଥିବା ଅଷ୍ଟ୍ରେଲିଆ ଗସ୍ତ ସମୟରେ ବୁମ୍ରା ପ୍ରଥମ ଏବଂ ପଞ୍ଚମ ଟେଷ୍ଟରେ ଭାରତର ଅଧିନାୟକତ୍ୱ କରିଥିଲେ।

ଶୁଭମାନ ଗିଲ ଏବଂ ହାର୍ଦ୍ଦିକ ପାଣ୍ଡ୍ୟା ମଧ୍ୟ ପୂର୍ବରୁ ରୋହିତ ଶର୍ମାଙ୍କ ଉପାଧ୍ୟକ୍ଷ ରହିଛନ୍ତି।  ୨୦୨୩ ଦିନିକିଆ ବିଶ୍ୱକପରେ ହାର୍ଦ୍ଦିକ ପାଣ୍ଡ୍ୟା ରୋହିତଙ୍କ ଉପ-ଅଧିନାୟକ ଥିଲେ, କିନ୍ତୁ ଆହତ କାରଣରୁ ତାଙ୍କୁ ଟୁର୍ନାମେଣ୍ଟରୁ ବାଦ ଦିଆଯାଇଥିଲା।  ଚମ୍ପିଆନ୍ସ ଟ୍ରଫି ଦଳରେ ଭାରତର ଧଳା ବଲ୍ ନିୟମିତ ଶ୍ରେୟସ୍ ଆୟର, ହାର୍ଦ୍ଦିକ ଏବଂ ଅର୍ଶଦୀପ ସିଂ ପ୍ରାୟ ନିଶ୍ଚିତ ଅଟନ୍ତି।

ମହମ୍ମଦ ଶାମିଙ୍କୁ ମନୋନୀତ କରାଯାଇଛି କି ନାହିଁ ତାହା ଦେଖିବା ମଜାଦାର ହେବ। ଫିଟନେସ କାରଣରୁ ତାଙ୍କୁ ଅଷ୍ଟ୍ରେଲିଆ ଗସ୍ତରେ ନିଆଯାଇନଥିଲା। ଏହି ସମୟରେ ଶାମି ଘରୋଇ କ୍ରିକେଟରେ ବେଙ୍ଗଲ ପାଇଁ ଖେଳି ନିଜର ଫିଟନେସ ପ୍ରମାଣ କରିଥିଲେ।  ବୁମ୍ରାଙ୍କ ବ୍ୟତୀତ ଚାମ୍ପିଅନ୍ସ ଟ୍ରଫି ପାଇଁ ମନୋନୀତ ହୋଇଥିବା ସମସ୍ତ ଖେଳାଳି ଯଥାକ୍ରମେ ୬, ୯ ଏବଂ ୧୨ ଫେବୃଆରୀରେ ନାଗପୁର, କଟକ ଏବଂ ଅହମ୍ମଦାବାଦରେ ଆୟୋଜିତ ହେବାକୁ ଥିବା ଇଂଲଣ୍ଡ ବିପକ୍ଷ ତିନୋଟି ମ୍ୟାଚରେ ଖେଳିପାରିବେ।