ଆଗାମୀ 3 ମାସ କ୍ରିକେଟ୍ ପ୍ରେମୀଙ୍କ ପାଇଁ ସ୍ମରଣୀୟ ମୂହୁର୍ତ୍ତ ହୋଇପାରେ । 30 ଅଗଷ୍ଟରୁ ପାକିସ୍ତାନ ଏବଂ ଶ୍ରୀଲଙ୍କାର ମିଳିତ ଆୟୋଜନରେ ଏସିଆ କପ୍ 2023 ଅନୁଷ୍ଠିତ ହେବାକୁ ଯାଉଛି ।ଏଥି ସହିତ, ଅକ୍ଟୋବର 5 ରୁ ବିଶ୍ୱକପ 2023 ମଧ୍ୟ ଭାରତରେ ଆରମ୍ଭ ହେବ ।

ଅନ୍ୟପକ୍ଷରେ, ବିଶ୍ୱ ର ସମସ୍ତ ଟି -20 ଲିଗ୍ ସହିତ ଦ୍ୱିପାକ୍ଷିକ ସିରିଜ୍ ମଧ୍ୟ ଖେଳାଯାଉଛି ଏବଂ ଅନେକ ଖେଳାଳି ଆଘାତ ପ୍ରାପ୍ତ ମଧ୍ୟ ହେଉଛନ୍ତି କିନ୍ତୁ ଖେଳାଳିମାନେ ଏହାର ମୁକାବିଲା କରୁଛନ୍ତି ।

ଏହି ଖେଳାଳିମାନେ ବିଶ୍ୱକପ୍ 2023 ପୂର୍ବରୁ ଆହତ ହେଲେ:

ବାସ୍ତବରେ 30 ଅଗଷ୍ଟରୁ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ମଧ୍ୟରେ 3 ମ୍ୟାଚ୍ ବିଶିଷ୍ଟ ଟି -20 ସିରିଜ୍ ଖେଳାଯିବ । କିନ୍ତୁ ଏହାପୂର୍ବରୁ ଆୟୋଜକ ଅଷ୍ଟ୍ରେଲିଆ ଦଳ କୁ ଏକ ବଡ଼ ଝଟକା ଲାଗିଛି। ଯେଉଁଥିପାଇଁ ସିରିଜ୍ ଜିତିବାର ସେମାନଙ୍କର ଆଶା ଦୁର୍ବଳ ହୋଇପାରେ । ଦଳର ଅନ୍ୟତମ ବରିଷ୍ଠ ଖେଳାଳି ଗ୍ଲେନ୍ ମ୍ୟାକ୍ସୱେଲ ଆହତ ହୋଇଛନ୍ତି, ଏହି କାରଣରୁ ତାଙ୍କୁ ଦଳରୁ ବାଦ ଦିଆଯାଇଛି ।

ଏହି ଅଲରାଉଣ୍ଡର ଖେଳାଳି ଆଇପିଏଲ 2023 ପୂର୍ବରୁ ମଧ୍ୟ ଆହତ ହୋଇଥିଲେ । ସୂଚନା ଅନୁଯାୟୀ, ଏଥର ଗ୍ଲେନ୍ ମ୍ୟାକ୍ସୱେଲଙ୍କ ଗୋଡରେ ଆଘାତ ଲାଗିଛି । ୱିକେଟ୍ କିପର ତଥା ବାମହାତୀ ବ୍ୟାଟ୍ସମ୍ୟାନ୍ ମାଥ୍ୟୁ ୱେଡଙ୍କୁ ତାଙ୍କ ସ୍ଥାନରେ ଅଷ୍ଟ୍ରେଲିଆ କ୍ରିକେଟ୍ ବୋର୍ଡ ଅନ୍ତର୍ଭୁକ୍ତ କରିଛି ।