କ୍ରିକେଟ ଖବର : କ୍ରିକେଟରଙ୍କ ମାନସିକ ସ୍ଥିତିକୁ ଭଲ ରଖିବା ପାଇଁ ବିସିସିଆଇର ସାଉଥଆଫ୍ରିକା ବିପକ୍ଷ ୫ଟି ଟି-୨୦ ମ୍ୟାଚର ଆଗାମୀ ଶୃଙ୍ଖଳାରୁ ଜୈବିକ ଭାବେ ସୁରକ୍ଷିତ ପରିବେଶ ବ୍ୟବହାର ନକରିବାର ପୂରା ସମ୍ଭାବନା ରହିଛି। କୋଭିଡ଼ ମହାମାରୀକୁ ଦୃଷ୍ଟିରେ ରଖି ବାୟୋ ବବଲ କ୍ରିକେଟରଙ୍କ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ବନିଯାଇଥିଲା। ବିଦେଶ ଓ ସ୍ୱଦେଶରେ ପାଖାପାଖି ସମସ୍ତ ସିରିଜ ଜୈବିକ ରୂପରେ ସୁରକ୍ଷିତ ପରିବେଶରେ ହୋଇଥିଲା ଯେଉଁଥିରେ କଡ଼ା ନିୟମ ଲାଗୁ କରାଯାଇଥିଲା। 

ଭାରତ ଆଉ ଦକ୍ଷିଣ ଆଫ୍ରିକା ଦଳ ମଧ୍ୟରେ ଟି-୨୦ ସିରିଜର ମୁକାବିଲା ୯ରୁ ୧୯ ଜୁନ୍ ମଧ୍ୟରେ ଦିଲ୍ଲୀ, କଟକ, ଭାଇଜାକ, ରାଜକୋଟ ଏବଂ ବାଙ୍ଗାଲୁରୁରେ ଖେଳାଯିବ। ତେବେ ଖେଳାଳୀ ଓ ଅଧିକାରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଚଳିତବର୍ଷର ଆଇପିଏଲ ବାୟୋ ବବଲରେ ମଧ୍ୟରେ ଖେଳାଯାଉଛି। ତେବେ ଆଇପିଏଲ ମଇ ୨୯ରେ ଶେଷ ହେବ ଏବଂ ଦେଶର ଖେଳାଳି ଏହି ଲିଗ୍ ଶେଷ ହେବା ପରେ ପୁଣିଥରେ ଜୈବିକ ଭାବେ ସୁରକ୍ଷିତ ମାହୋଲର ଅଂଶ ହୁଅନ୍ତୁ ବୋଲି ବିସିସିଆଇ ଚାହୁଁନଥିବା ଜଣାପଡ଼ିଛି। 

ବିସିସିଆଇର ଜଣେ ବରିଷ୍ଠ ଅଧିକାରୀଙ୍କ ସୁଚନାନୁଯାୟୀ ଯଦି ସବୁ କିଛି ଠିକ ରୁହେ ଏବଂ ସମସ୍ତ ଜିନିଷ ଯଦି ନିୟନ୍ତ୍ରଣରେ ରୁହେ ତେବେ ଦକ୍ଷିଣଆଫ୍ରିକା ବିପକ୍ଷରେ ଘରୋଇ ଶୃଙ୍ଖଳା ସମୟରେ ଜୈବିକ ଭାବେ ସୁରକ୍ଷିତ ବାତାବରଣ ଓ କଡ଼ା ପୃଥକବାସ କରାଯିବ ନାହିଁ।

କ୍ୟାପ୍ଟେନ ରୋହିତ ଶର୍ମାଙ୍କ ବ୍ୟତୀତ ସିନିୟର ବ୍ୟାଟସମ୍ୟାନ ଓ ପୂର୍ବତନ କ୍ୟାପ୍ଟେନ ବିରାଟ କୋହଲି, ଲୋକେଶ ରାହୁଲ, ଦ୍ରୁତ ବୋଲର ଜସପ୍ରିତ ବୁମରା, ରିଷଭ ପନ୍ତ, ରବିନ୍ଦ୍ର ଜାଡ଼େଜା, ମହମ୍ମଦ ସାମିଙ୍କ ୱାର୍କଲୋଡ଼କୁ ମ୍ୟାନେଜ କରିବାକୁ ଯାଇ ସେମାନଙ୍କ ପାଇଁ ପ୍ରଭାବୀ କାର୍ଯ୍ୟକ୍ରମ ତିଆରି କରାଯାଇଛି। କାରଣ ତାଙ୍କୁ ପର୍ଯ୍ୟାପ୍ତ ଭାବେ ଇଂଲଣ୍ଡ ଯାତ୍ରା ପୂର୍ବରୁ ଆରାମ ମିଳିବ।