କ୍ରିକେଟ୍ ଖବର: ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ କ୍ରିକେଟ୍ ଦଳ ଚମତ୍କାର ପ୍ରଦର୍ଶନ କରି ନ୍ୟୁଜିଲ୍ୟାଣ୍ଡ ବିପକ୍ଷ ODI ସିରିଜ୍ ଜିତିଛି। ପରିଦର୍ଶକଙ୍କୁ 3-0 ରେ ହରାଇବା ପରେ ଭାରତକୁ ବର୍ତ୍ତମାନ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱରେ ଟି -20 ସିରିଜରେ ଖେଳିବାକୁ ପଡିବ। ଯାହା ଆଜିଠାରୁ ଆରମ୍ଭ ହେବାକୁ ଯାଉଛି। 

ଏହି ଗୁରୁତ୍ୱପୂର୍ଣ୍ଣ ସିରିଜର ଠିକ୍ ପୂର୍ବରୁ ଟିମ୍ ଇଣ୍ଡିଆ ପାଇଁ ଚିନ୍ତାର ଖବର ସାମ୍ନାକୁ ଆସିଛି। ହାତରର ଆଘାତ ହେତୁ ଟିମ୍ ଇଣ୍ଡିଆର ଓପନର ନ୍ୟୁଜିଲ୍ୟାଣ୍ଡ ବିପକ୍ଷ ଟି -20 ମ୍ୟାଚରୁ ବାଦ ପଡିପାରନ୍ତି। ଗତ ମଙ୍ଗଳବାର ଦିନ ଭାରତ ନ୍ୟୁଜିଲ୍ୟାଣ୍ଡ ବିପକ୍ଷ ଘରୋଇ ODI ସିରିଜ ଜିତିଛି ଏବଂ ଏହାର କିଛି ଘଣ୍ଟା ପରେ ଦଳର ଓପନର୍ ରିତୁରାଜ ଗାଇକୱାଡଙ୍କ ଆଘାତ ଖବର ସାମ୍ନାକୁ ଆସିଥିଲା। ସେହିପରି ଗତ ବର୍ଷ ଶ୍ରୀଲଙ୍କା ବିପକ୍ଷ ସିରିଜ ଖେଳିବା ପୂର୍ବରୁ ତାଙ୍କୁ ଦଳରୁ ବାଦ ଦିଆଯାଇଥିଲା।

ବିଜୟ ହଜାରେ ଟ୍ରଫିରେ ଭଲ ପ୍ରଦର୍ଶନ କରିବା ପରେ ଚୟନକର୍ତ୍ତାମାନେ ତାଙ୍କୁ ଦଳରେ ସ୍ଥାନ ଦେଇଥିଲେ କିନ୍ତୁ ନ୍ୟୁଜିଲ୍ୟାଣ୍ଡ ବିପକ୍ଷ ଆଗାମୀ ସିରିଜରେ ଖେଳିବା ତାଙ୍କ ପାଇଁ କଷ୍ଟକର ହୋଇଛି। ତେବେ ନ୍ୟୁଜିଲାଣ୍ଡ ବିପକ୍ଷ ଟି-20 ସିରିଜରେ ହାର୍ଦ୍ଦିକ ପାଣ୍ଡ୍ୟା ଦଳର ଅଧିନାୟକ ହେବାକୁ ଥିବାବେଳେ ସୁର୍ଯ୍ୟକୁମାର ଯାଦବ ଉପ-ଅଧିନାୟକ ରହିବେ। ଭାରତୀୟ ଦଳରେ ଓପନର୍ ଭାବରେ ଶୁଭମାନ ଗିଲ, ଇଶାନ କିଶନ ଏବଂ ପୃଥୀ ଶ' ଦଳରେ ଉପସ୍ଥିତ ଅଛନ୍ତି।

ନ୍ୟୁଜିଲ୍ୟାଣ୍ଡ ବିପକ୍ଷ ଟି -20 ସିରିଜ୍ ପାଇଁ ଭାରତୀୟ ଦଳ:

ହାର୍ଦ୍ଦିକ ପାଣ୍ଡ୍ୟା (ଅଧିନାୟକ), ସୂର୍ଯ୍ୟକୁମାର ଯାଦବ (ଉପ-ଅଧିନାୟକ), ଇଶାନ କିଶନ (ୱିକେଟ୍ କିପର), ଶୁଭମାନ ଗିଲ, ରିତୁରାଜ ଗାଇକୱାଡ (ଖେଳିବା ସନ୍ଦେହଜନକ), ଦୀପକ ହୁଡା, ରାହୁଲ ତ୍ରିପାଠୀ, ଜିତେଶ ଶର୍ମା (ୱିକେଟ୍ କିପର), ୱାଶିଂଟନ୍ ସୁନ୍ଦର, କୁଲଦୀପ ଯାଦବ , ୟୁଜଭେନ୍ଦ୍ର ଚହଲ, ଅର୍ଶଦୀପ ସିଂ, ଉମ୍ରାନ ମଲିକ, ଶିବମ ମାଭି, ପୃଥୀ ଶ' , ମୁକେଶ କୁମାର।

ଆହୁରି ପଢ଼ନ୍ତୁ: "ଏହି ଖେଳାଳିଙ୍କ ମାଷ୍ଟର ପ୍ଲାନ ଯୋଗୁଁ ମୁ ଶତକ କରୁଛି" ମ୍ୟାନ୍ ଅଫ୍ ଦି ସିରିଜ୍ ପୁରସ୍କାର ପାଇବା ପରେ ଏମିତି କହିଲେ ଶୁଭମନ ଗିଲ୍