କ୍ରିକେଟ ଖବର : ଭାରତ ଓ ଦ.ଆଫ୍ରିକା ମଧ୍ୟରେ ଟି୨୦ ସିରିଜର ଦ୍ୱିତୀୟ ମ୍ୟାଚ କଟକ ବାରବାଟୀ ଷ୍ଟାଡ଼ିୟମରେ ଖେଳାଯାଇଥିଲା । ଯେଉଁଥିରେ ଭାରତୀୟ ଟିମକୁ ୪ ୱିକେଟରେ ପରାଜୟର ସାମ୍ନା କରିବାକୁ ପଡ଼ିଥିଲା । ଏହି  ମୁକାବିଲା ସମୟରେ ରିଷଭ ପନ୍ତ ଅକ୍ଷର ପଟେଲଙ୍କୁ ଷ୍ଟାର ଫିନଶର ଦିନେଶ କାର୍ତ୍ତିକଙ୍କ ପୂର୍ବରୁ ବ୍ୟାଟିଂ କରିବାକୁ ପଠାଇଥିଲା । ଯେଉଁ କାରଣରୁ ତାଙ୍କୁ ସମାଲୋଚନାର ଶିକାର ହେବାକୁ ପଡ଼ିଛି । 

ଗାଭାସ୍କର ରାଗରେ କହିଲେ ଏମିତି କଥା :

ବର୍ତ୍ତମାନ ଭାରତୀୟ ଦଳର ପୂର୍ବତନ ବ୍ୟାଟସମ୍ୟାନ ସୁନୀଲ ଗାଭାସ୍କର ମଧ୍ୟ ରିଷଭଙ୍କର ଏହି ନିଷ୍ପତ୍ତିରେ ନିରାଶ ପ୍ରକାଶ କରିଛନ୍ତି। ଏକ ସାକ୍ଷାତକାରରେ ଗାଭାସ୍କର କହିଛନ୍ତି ଯେ, ଋଷଭ ପନ୍ତଙ୍କ ନିଷ୍ପତ୍ତି ଉପରେ  ବେଶ୍ କ୍ଷୁବ୍ଧ ଅଛି ।

ଯେତେବେଳେ ଟିମର ୱିକେଟ୍ ଜଲଦି ଯାଉଥିଲା ସେତେବେଳେ ଦିନେଶ କାର୍ତ୍ତିକଙ୍କୁ ଟିକେ ପୂର୍ବରୁ ମଇଦାନକୁ ପଠାଯିବାର ଥିଲା । ତାଙ୍କୁ ସ୍ଲଗ ଓଭର ପାଇଁ ରଖାଯିବା ଉଚିତ ନୁହେଁ । ଏହାଦ୍ୱାରା ତାଙ୍କୁ ପିଚର ସ୍ଥିତି ବୁଝିବାରେ ମଧ୍ୟ ସାହାର୍ଯ୍ୟ ମିଳିଥାନ୍ତା ।

ଗାଭାସ୍କର ଆହୁରି ମଧ୍ୟ କହିଥିଲେ ଯେ, ଫିନିଶରଙ୍କୁ  ଆହୁରି ଜଲଦି ପଠାଯାଇପାରେ କାରଣ ତାଙ୍କ ନିକଟରେ ସେଭଳି ପରିସ୍ଥିତିରେ ଖେଳିବାର ଦକ୍ଷତା ଥାଏ । ମଇଦାନରେ ଆସିବା କ୍ଷଣି ତାଙ୍କୁ ଛକା ମାରିବାର କୌଣସି ଆବଶ୍ୟକତା ମଧ୍ୟ ନଥାଏ । ଯଦି ସେମାନେ ଜଲଦି  ବ୍ୟାଟିଂ କରିବାକୁ ଆସନ୍ତି ତେବେ ବଲର ଗତିବିଧି ଜାଣିବା ସହିତ ୱିକେଟକୁ ମଧ୍ୟ ବୁଝିପାରିବେ । ଦିନେଶ କାର୍ତ୍ତିକ ଜଣେ ଅନୁଭବୀ ଖେଳାଳୀ  ହୋଇଥିବା ସତ୍ତ୍ୱେ  ଅକ୍ସର ପଟେଲଙ୍କୁ କାହିଁକି ରିଷଭ ତାଙ୍କ ପୂର୍ବରୁ  ମଇଦାନକୁ ପଠାଇବାର ନିଷ୍ପତ୍ତି ନେଲେ ବୋଲି ପ୍ରଶ୍ନ କରିଛନ୍ତି ଗାଭାସ୍କର।