ଦେଖନ୍ତୁ ଭିଡ଼ିଓ: ରୋହିତଙ୍କୁ ନିଜ ସ୍ଵିଙ୍ଗ ବୋଲିଂରେ ଭୟଭୀତ କରାଇଲେ ବୁମରା, ଇଂଲଣ୍ଡ ରେ ହେବ ମହାସଂଗ୍ରାମ
କ୍ରିକେଟ ଖବର : ଟିମ୍ ଇଣ୍ଡିଆ ଏବଂ ଲେଷ୍ଟେଷ୍ଟେୟାର ମଧ୍ୟରେ ଖେଳାଯାଉଥିବା ଅଭ୍ୟାସ ମ୍ୟାଚରେ ରୋହିତ ଶର୍ମା ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଏଭଳି ପରିସ୍ଥିତିରେ ପ୍ରଶଂସକମାନେ ଆଶା କରିଥିଲେ ଯେ ଏହି ଅଭ୍ୟାସ ମ୍ୟାଚରେ ଶୁଭମାନ ଗିଲ ଏବଂ ରୋହିତ ଶର୍ମା ଭଲ ଇନିଂସ ଖେଳିବେ କିନ୍ତୁ ଉଭୟ ବ୍ୟାଟ୍ସମ୍ୟାନ୍ 25-25 ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ତେବେ ଏହି ମ୍ୟାଚରେ ପ୍ରଶଂସକଙ୍କ ପାଇଁ ଏକ ନିଆରା ଦୃଶ୍ୟ ଥିଲା ଯେତେବେଳେ ଜସପ୍ରୀତ ବୁମ୍ରା ରୋହିତ ଶର୍ମାଙ୍କ ବିପକ୍ଷରେ ବୋଲିଂ କରୁଥିଲେ।
ଏହି ଅଭ୍ୟାସ ମ୍ୟାଚରେ ଟିମ୍ ଇଣ୍ଡିଆର ଚାରିଜଣ ଖେଳାଳି ଜସପ୍ରୀତ ବୁମ୍ରା, ରିଷଭ ପନ୍ତ, ପ୍ରସିଦ୍ଧ କୃଷ୍ଣ ଏବଂ ଚେତେଶ୍ୱର ପୂଜାରା ଲେଷ୍ଟେଷ୍ଟେୟାର ଦଳ ପାଇଁ ଖେଳୁଥିବା ନଜର ଆସିଛନ୍ତି। ଏପରି ପରିସ୍ଥିତିରେ, ଯେତେବେଳେ ବୁମରା ଏବଂ ହିଟମ୍ୟାନ୍ ମୁହାଁମୁହିଁ ହୋଇଥିଲେ, ପ୍ରଶଂସକମାନେ ଏକ ମଜାଳିଆ ପ୍ରତିଯୋଗିତା ଦେଖିବାକୁ ପାଇଲେ। ବୁମ୍ରାଙ୍କ ସୁଇଙ୍ଗ୍ ଏବଂ ଫାଷ୍ଟ ବୋଲିଂରେ ହିଟମ୍ୟାନ୍ ସତର୍କତାର ସହିତ ଖେଳୁଥିଲେ।
ରୋହିତ ଶର୍ମା ଏବଂ ଶୁଭମାନ ଗିଲ ବୁମ୍ରାଙ୍କ ଆଗରେ ନାଚାର ହୋଇଥିଲେ। ବୁମ୍ରା ଏହି ମ୍ୟାଚରେ ୱିକେଟ୍ ନେବାରେ ବିଫଳ ହୋଇଥିଲେ । କିନ୍ତୁ ଦଳର ବାକି ବୋଲର୍ ୱିକେଟ୍ ନେଇଛନ୍ତି।
ପ୍ରଥମ ଦିନର ଖେଳ ଶେଷ ସୁଦ୍ଧା , ଟିମ ଇଣ୍ଡିଆ 246 ରନ କରି 8 ୱିକେଟ୍ ହରାଇଛି। ଦଳ ପକ୍ଷରୁ ଶ୍ରୀକର ଭରତ ସର୍ବାଧିକ 70 ରନ ସଂଗ୍ରହ କରି ନଟଆଉଟ୍ ରହିଛନ୍ତି। ଏହା ସହିତ ମହମ୍ମଦ ଶାମି ମଧ୍ୟ 18 ରନ କରି ନଟ ଆଉଟ୍ ରହିଛନ୍ତି। ଟିମ୍ ଇଣ୍ଡିଆ 81 ରନରେ 5 ୱିକେଟ୍ ହରାଇଥିଲା । କିନ୍ତୁ ପରେ ଶ୍ରୀକର ରନ ଗତି ବଢାଇଥିଲେ।
ଦେଖନ୍ତୁ ଭିଡ଼ିଓ :
Bumrah vs Rohit Sharma battle pic.twitter.com/AH0GVwSm9g
— Dilliwali (@imurAlisha) June 23, 2022