କ୍ରିକେଟ ଖବର : ଭାରତ ଏବଂ ବାଂଲାଦେଶ ମଧ୍ୟରେ ଚାଲିଥିବା 2 ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ ଚାଟୋଗ୍ରାମରେ ଖେଳାଯାଉଛି। ଭାରତ ବ୍ୟାଟିଂ ପ୍ରଥମେ 404 ରନ୍ କରିଥିଲା। ଏହାର ଜବାବରେ ବାଂଲାଦେଶ ଦଳ ମାତ୍ର 150 ରନ୍ ସ୍କୋର କରି ଅଲଆଉଟ୍ ହୋଇଥିଲା।

ତେବେ ଦ୍ୱିତୀୟ ଇନିଂସରେ ତୃତୀୟ ଅଧିବେଶନ ପର୍ଯ୍ୟନ୍ତ ବ୍ୟାଟିଂ କରୁଥିବାବେଳେ ଭାରତ 1 ୱିକେଟ୍ ହରାଇ 394 ରନ୍ରେ ଆଗୁଆ ରହିଥିଲା। ଏହି ମ୍ୟାଚ୍ ସମୟରେ DRS ରେ ଟେକ୍ନିକାଲ ଇସୁ ହେତୁ ଶୁଭମନ ଗିଲ ଏକ ଜୀବନଦାନ ପାଇଲେ। ଯାହାର ଭିଡିଓ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି।

ଶୁଭମନ ଗିଲଙ୍କୁ ମିଳିଲା ଜୀବନ ଦାନ :

ପ୍ରଥମ ଟେଷ୍ଟର ଦ୍ୱିତୀୟ ଇନିଂସରେ ଭାରତୀୟ ଦଳର ଓପନର୍ ଶୁଭମନ ଗିଲ ତାଙ୍କ ଶତକଠାରୁ ମାତ୍ର 20 ରନ୍ ଦୂରରେ ଥିଲେ। ତୃତୀୟ ଅଧିବେଶନ ଶେଷ ପର୍ଯ୍ୟନ୍ତ ଗିଲ 80 ରନ୍ ସଂଗ୍ରହ କରିଥିଲେ। କିନ୍ତୁ ଏହି ସମୟରେ ତାଙ୍କୁ ଏକ ଲାଇଫ୍ ଲାଇନ୍ ମିଳିଥିଲା ​। କାରଣ ବାଂଲାଦେଶୀ ସ୍ପିନ୍ ବୋଲର ୟାସିର ଅଲି 32 ଓଭରର ପ୍ରଥମ ବଲରେ ଗିଲଙ୍କୁ LBW କରିଥିଲେ।ବ

ୟାସିର ଅଲିଙ୍କ ଏହି ବଲଟି ସିଧା ଶୁଭମାନ ଗିଲଙ୍କ ଆଗ ପାଦ ପ୍ୟାଡକୁ ବାଜିଥିଲା। ବୋଲର ଅତ୍ୟନ୍ତ ଜୋରଦାର ଅପିଲ ମଧ୍ୟ କରିଥିଲେ। କିନ୍ତୁ ଗ୍ରାଉଣ୍ଡ ଅମ୍ପାୟାର ଆଉଟ୍ ଦେଇ ନଥିଲେ। ବୋଲର ଅନେକ ଆତ୍ମବିଶ୍ୱାସ ପ୍ରକାଶ କରିଥିଲେ ଏବଂ ଅଧିନାୟକ ଶାକିବ ଅଲ ହାସନ DRS ରିଭ୍ୟୁ ନେଇଥିଲେ।

ଆହୁରି ପଢ଼ନ୍ତୁ : ବିଶ୍ୱକପରୁ ପାକିସ୍ତାନ ହେଲା ବାହାର, ଭିସା ଦେବାକୁ ମନା କଲା ଭାରତ, ପଢନ୍ତୁ ରିପୋର୍ଟ

କିନ୍ତୁ ଭାଗ୍ୟ ଭାରତ ସହ ରହିଥିଲା।  କାରଣ DRS ସିଷ୍ଟମରେ ଯାନ୍ତ୍ରିକ ତ୍ରୁଟି କାରଣରୁ ଏହି ଆବେଦନକୁ ପରୀକ୍ଷାନିରୀକ୍ଷା କରାଯାଇପାରିଲା ନାହିଁ। ଏହି ଦୃଶ୍ୟ ଦେଖିବା ପରେ ବାଂଲାଦେଶର ଖେଳାଳିମାନେ ଆଶ୍ଚର୍ଯ୍ୟ ହେଲେ। କିନ୍ତୁ ଗିଲ ଦୀର୍ଘ ନିଶ୍ବାସ ଛାଡି ବଂଚିଗଲେ ବୋଲି ଭାବିଥିଲେ।