ରୋହିତ ଶର୍ମାଙ୍କ ନେତୃତ୍ୱରେ ଟିମ୍ ଇଣ୍ଡିଆ ବାଂଲାଦେଶ ପରେ ଘରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଟେଷ୍ଟ ସିରିଜ୍ ଖେଳିବାକୁ ଯାଉଛି। ଏହି ସିରିଜରେ ନ୍ୟୁଜିଲାଣ୍ଡ ବିପକ୍ଷରେ ଟିମ୍ ଇଣ୍ଡିଆ ମୋଟ ୩ଟି ମ୍ୟାଚ୍ ଖେଳିବ। ଶ୍ରୀଲଙ୍କା ଗସ୍ତରେ ନ୍ୟୁଜିଲ୍ୟାଣ୍ଡକୁ ଟେଷ୍ଟ ସିରିଜ୍ ହାରିବାକୁ ପଡିଛି। ଯେଉଁଥିପାଇଁ ନ୍ୟୁଜିଲ୍ୟାଣ୍ଡର ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲରେ ପ୍ରବେଶ କରିବାର ସ୍ୱପ୍ନ ଭାଙ୍ଗି ଯାଇଛି। ବର୍ତ୍ତମାନ କିୱି ଦଳ ଭାରତକୁ ଭେଟିବାକୁ ଯାଉଛି। କିନ୍ତୁ ଏହି ମ୍ୟାଚ୍ ପୂର୍ବରୁ କିୱି ଅଧିନାୟକ ତାଙ୍କ ସାଥୀ ଖେଳାଳିଙ୍କୁ ଏକ ବାର୍ତ୍ତା ଦେଇଛନ୍ତି।  ବାସ୍ତବରେ, ଶ୍ରୀଲଙ୍କା ବିପକ୍ଷରେ ପରାଜୟ ପରେ ଟିମ୍ ସାଉଥି ଅଧିନାୟକ ଦାୟିତ୍ୱରୁ ଇସ୍ତଫା ଦେଇଥିଲେ। ତେଣୁ ବର୍ତ୍ତମାନ ଟମ ଲାଥାମ ଭାରତ ବିପକ୍ଷରେ ଦଳର ଅଧିନୟକତ୍ୱ ସମ୍ଭାଳିବେ। ସେ ଅଧିନାୟକତ୍ୱ ପାଇବା ମାତ୍ରେ ଆକ୍ସନ୍ ମୋଡକୁ ଆସିଛନ୍ତି। ଭାରତ ଗସ୍ତ ପୂର୍ବରୁ ଲାଥାମ ତାଙ୍କ ସାଥୀମାନଙ୍କୁ ଚେତାବନୀ ଦେଇଛନ୍ତି। ସେ କହିଛନ୍ତି ଯେ ଯଦି ନ୍ୟୁଜିଲ୍ୟାଣ୍ଡକୁ ଭାରତରେ ଭଲ ଖେଳିବାକୁ ଅଛି ତେବେ ସେମାନଙ୍କୁ ଭଲ କ୍ରିକେଟ୍ ଖେଳିବାକୁ ହେବ।

ଭାରତ ବନାମ ନ୍ୟୁଜିଲ୍ୟାଣ୍ଡ ସିରିଜ୍ ପୂର୍ବରୁ ଟମ୍ କହିଛନ୍ତି ଯେ,“ଆମେ ଯାହା ଭଲ କରୁଛୁ ତାହା ଜାରି ରଖିବାକୁ ହେବ, ଭାରତ ଯିବା ଏକ ରୋମାଞ୍ଚକର ଆହ୍ୱାନ ଅଟେ। ଆମେ ଆଶା କରୁଛୁ ଯେ ସେଠାକୁ ଯିବାବେଳେ ଆମେ ସାହସର ସହିତ ଖେଳିବୁ। ଆହୁରି ମଧ୍ୟ, ବିନା ଭୟରେ, ମୁଁ ଟିମ୍ ଇଣ୍ଡିଆକୁ ବ୍ୟାକ୍ ଫୁଟକୁ ଠେଲିବାକୁ ଚେଷ୍ଟା କରିବି। ଯଦି ଆମେ ତାହା କରିବାରେ ସଫଳ ହୋଇଯାଉ ତେବେ ଏହା ଆମ ପାଇଁ ଏକ ବଡ଼ ସୁଯୋଗ ହେବ, ଯେପରି ଆମେ ଦେଖିଛୁ, ଅତୀତରେ ଶ୍ରେଷ୍ଠ ପ୍ରଦର୍ଶନ କରିଥିବା ଦଳଗୁଡିକ ଭାରତରେ ଆକ୍ରମଣାତ୍ମକ ବ୍ୟାଟିଂ କରିଛନ୍ତି।  ଭାରତକୁ ବ୍ୟାକଫୁଟରେ ଠେଲିବା ଗୁରୁତ୍ୱପୂର୍ଣ୍ଣ ହେବ।  

କିଛି ଘଟିବାକୁ ଅପେକ୍ଷା କରିବାର କୌଣସି ଅର୍ଥ ନାହିଁ। ଆମେ ସେଠାରେ ପହଞ୍ଚିବା ପରେ କିପରି ଖେଳିବା ଆମେ ସ୍ଥିର କରିବୁ। କିନ୍ତୁ ଖେଳାଳିମାନେ କିପରି ଖେଳିବା ଉଚିତ ତାହା ସେମାନେ ସ୍ଥିର କରିବେ। ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଭାରତରେ ଏପର୍ଯ୍ୟନ୍ତ ମୋଟ ୩୬ ଟି ଟେଷ୍ଟ ମ୍ୟାଚ୍ ଖେଳାଯାଇଛି। ଏଥିମଧ୍ୟରୁ ନ୍ୟୁଜିଲ୍ୟାଣ୍ଡ ମାତ୍ର ୨ ଟି ମ୍ୟାଚ୍ ଜିତିବାରେ ସକ୍ଷମ ହୋଇଛି।  ୧୯୬୯ ମସିହାରେ ନାଗପୁରରେ ଏବଂ ୧୯୮୮ ରେ ମୁମ୍ବାଇରେ ନ୍ୟୁଜିଲ୍ୟାଣ୍ଡ ଜିତିଥିଲା।  କିନ୍ତୁ ଏହା ପରେ ନ୍ୟୁଜିଲ୍ୟାଣ୍ଡ ଥରେ ବି ଜିତିପାରି ନାହିଁ।  

ଏଭଳି ପରିସ୍ଥିତିରେ ଟିମ୍ ଇଣ୍ଡିଆର ଆଭିମୁଖ୍ୟ ସ୍ପଷ୍ଟ ରହିଛି। କିନ୍ତୁ କୌଣସି ଦଳକୁ ହାଲୁକା ଭାବରେ ନେବାର ଭୁଲ ଗୌତମ ଗମ୍ଭୀର ଏବଂ ଟିମ୍ ଇଣ୍ଡିଆ କରିବନାହିଁ ନିଶ୍ଚିତ। ଭାରତ ବନାମ ନ୍ୟୁଜିଲାଣ୍ଡ ଟେଷ୍ଟ ସିରିଜ୍ ପାଇଁ କାର୍ଯ୍ୟସୂଚୀ:-

୧. ପ୍ରଥମ ମ୍ୟାଚ୍, ୧୬ ରୁ ୨୦ ଅକ୍ଟୋବର, ବେଙ୍ଗାଲୁରୁ।

୨. ଦ୍ୱିତୀୟ ମ୍ୟାଚ୍, ୨୪ ରୁ ୨୮ ଅକ୍ଟୋବର, ପୁଣେ।