ଆଇପିଏଲ ସିଜିନ ଆରମ୍ଭ ହେବାକୁ ଆଉ ୬ ମାସ ବାକି ରହିଛି। କିନ୍ତୁ ଏହା ପୂର୍ବରୁ ଚଳିତ ବର୍ଷ ଡିସେମ୍ବରରେ ଏକ ମେଗା ନିଲାମ ହେବାକୁ ଯାଉଛି। ନିଲାମରେ ଆଉ ଦୁଇମାସ ବାକି ଅଛି, କେଉଁ ଦଳ କେଉଁ ଖେଳାଳିଙ୍କୁ ରଖିବେ, କେଉଁ ଖେଳାଳି ରିଲିଜ ହେବେ ଏବଂ କେଉଁ ଖେଳାଳି ଦଳରେ ନୂଆ କରି ପ୍ରବେଶ କରିବେ ତାହାକୁ ନେଇ ଛକାପଞ୍ଝା ଆରମ୍ଭ ହେଲାଣି।

କ୍ରିକେଟ୍ ଦୁନିଆରେ ଏ ବିଷୟରେ ଅନେକ ଆଲୋଚନା ହେଉଛି, ଏହି ଆଲୋଚନା ମଧ୍ୟରେ ଜଣେ ଖେଳାଳି ଆରସିବିରେ ଯୋଗଦେବାକୁ ଇଚ୍ଛା ପ୍ରକାଶ କରିଛନ୍ତି। ବିରାଟ କୋହଲିଙ୍କ ବିଷୟରେ ସେ ଏକ ବଡ଼ କଥା ମଧ୍ୟ କହିଛନ୍ତି। ତେବେ ଜାଣନ୍ତୁ ସେ ବିରାଟ କୋହଲିଙ୍କୁ ନେଇ କ’ଣ କହିଛନ୍ତି.......

ଦିଲ୍ଲୀ ପ୍ରିମିୟର ଲିଗ୍ ମ୍ୟାଚରେ ସାଉଥ ଦିଲ୍ଲୀର ତାରକା ବ୍ୟାଟ୍ସମ୍ୟାନ୍ ପ୍ରିୟାନ୍ସ ଆର୍ଯ୍ୟ କ୍ରମାଗତ ୬ଟି ବଲରେ ୬ଟି ଛକା ମାରି ରେକର୍ଡ ସୃଷ୍ଟି କରିଛନ୍ତି। ସାଉଥ ଦିଲ୍ଲୀ ପାଇଁ ଖେଳି ସେ ନର୍ଥ ଦିଲ୍ଲୀ ବିପକ୍ଷରେ ୬ ବଲରେ ୬ଟି ଛକା ମାରିଥିଲେ। ତାଙ୍କର ପ୍ରଦର୍ଶନ ପରେ, ସମସ୍ତ ଆଇପିଏଲ୍ ଦଳ ଏହି ଖେଳାଳିଙ୍କ ଉପରେ ନଜର ରଖିଛନ୍ତି। କିନ୍ତୁ ବର୍ତ୍ତମାନ ଏହି ଖେଳାଳି ନିଜେ କହିଛନ୍ତି ଯେ ସେ କେଉଁ ଦଳ ପାଇଁ ଖେଳିବାକୁ ଚାହୁଁଛନ୍ତି। 

ନିକଟରେ ହୋଇଥିବା ଏକ ସାକ୍ଷାତକାରରେ ସେ ବିରାଟ କୋହଲିଙ୍କ ଟିମ୍ ଆରସିବି ପାଇଁ ଖେଳିବାକୁ ଇଚ୍ଛା ରଖିଛନ୍ତି ବୋଲି କହିଛନ୍ତି। ପ୍ରିୟାନ୍ସ ଆର୍ଯ୍ୟ କୋହଲିଙ୍କ ବିଷୟରେ ନିଜର ପ୍ରତିକ୍ରିୟା ଦେଇ କହିଛନ୍ତି ଯେ ମୁଁ ଆରସିବି ସହିତ ଖେଳିବାକୁ ଚାହୁଁଛି ।

କାରଣ ବିରାଟ କୋହଲି ମୋର ପ୍ରିୟ ବ୍ୟାଟ୍ସମ୍ୟାନ୍ ଏବଂ ଆରସିବି ଆଜି ପର୍ଯ୍ୟନ୍ତ ଆଇପିଏଲ୍ ଟାଇଟଲ୍ ଜିତି ନାହିଁ, ମୁଁ ତାଙ୍କୁ ଏଥିରେ ସାହାଯ୍ୟ କରିବାକୁ ଚାହୁଁଛି। ଗତ ସପ୍ତାହରେ ସାଉଥ ଏବଂ ନର୍ଥ ଦିଲ୍ଲୀ ମଧ୍ୟରେ ହୋଇଥିବା ମ୍ୟାଚରେ ସାଉଥ ଦିଲ୍ଲୀ ଦଳ ପାଇଁ ବ୍ୟାଟିଂ କରିଥିବା ପ୍ରିୟାନ୍ସ ୬ଟି ବଲରେ ୬ଟି ଛକା ମାରି ବିପକ୍ଷ ବୋଲରଙ୍କୁ ଧୂଳି ଚଟାଇ ଦେଇଥିଲେ ଏବଂ ଏହି ରେକର୍ଡ ହାସଲ କରିବାରେ ସେ ତୃତୀୟ ବ୍ୟାଟ୍ସମ୍ୟାନ୍ ହୋଇଛନ୍ତି। ବ୍ୟାଟ୍ସମ୍ୟାନ୍ ପ୍ରିୟାନ୍ସ ଆର୍ଯ୍ୟ ୫୦ ବଲରେ ୧୨୦ ରନ୍ ସଂଗ୍ରହ କରିଥିଲେ। ଏହି ସଫଳତା ଆରସିବି ଦଳର ଦୃଷ୍ଟି ଆକର୍ଷଣ କରିବ ନିଶ୍ଚିତ।