ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ଖେଳାଯାଇଥିବା ଇଣ୍ଡିଆନ ପ୍ରିମିୟର ଲିଗର ୧୭ ତମ ସିଜିନର ପ୍ରଥମ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ମହାନ ବ୍ୟାଟ୍ସମ୍ୟାନ୍ ବିରାଟ କୋହଲି ଭଲ ପ୍ରଦର୍ଶନ କରିପାରିନଥିଲେ। ଟସ୍ ଜିତିବା ପରେ ଅଧିନାୟକ ଫାଫ୍ ଡୁ ପ୍ଲେସିସ୍ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ, ଯାହା ଦଳ ପାଇଁ ଭୁଲ ବୋଲି ପ୍ରମାଣିତ ହୋଇଥିଲା।

ଆରସିବି ବ୍ୟାଟ୍ସମ୍ୟାନଙ୍କ ମଧ୍ୟରୁ କେହି ବି ବିଶେଷ ପ୍ରଦର୍ଶନ କରିପାରି ନଥିଲେ। ଏହିପରି ପ୍ରଦର୍ଶନ ହେତୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମାତ୍ର ୧୭୩ ରନ କରିବାରେ ସଫଳ ହୋଇଥିଲା। ଦଳର ଏହି ଫ୍ଲପ୍ ପ୍ରଦର୍ଶନ ଦେଖି କ୍ରିକେଟ୍ ପ୍ରଶଂସକମାନେ କ୍ରୋଧିତ ହେବା ସହିତ ବିରାଟ କୋହଲିଙ୍କୁ ମଧ୍ୟ ଟ୍ରୋଲ କରିଥିଲେ। ଅନ୍ୟପକ୍ଷରେ ଭଲ ପ୍ରଦର୍ଶନ କରିଥିବା ଦୀନେଶ କାର୍ତ୍ତିକ ଏବଂ ଅନୁଜ ରାୱତଙ୍କୁ ବହୁତ ପ୍ରଶଂସା କରାଯାଇଥିଲା।

ମାର୍ଚ୍ଚ ୨୨ ରେ ଚେନ୍ନାଇର ଏମ ଚିଦାମ୍ବରମ୍ ଷ୍ଟାଡିୟମରେ ଟସ୍ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ଆସିଥିବା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଆରମ୍ଭ ବହୁତ ଖରାପ ଥିଲା। କ୍ୟାପଟେନ ଫାଫ୍ ଡୁ ପ୍ଲେସିସ୍ ଭଲ ଖେଳୁଥିଲେ ହେଁ ବିରାଟ କୋହଲି ରନ୍ ସ୍କୋର କରିବାକୁ ସଂଘର୍ଷ କରୁଥିବା ଦେଖିବାକୁ ମିଳିଥିଲା। ଦଳର ସ୍କୋର ୪୧ ରନ ହୋଇଥିବା ବେଳେ ଫାଫ୍ ଆଉଟ ହୋଇଥିଲେ ଯାହାପରେ ଦଳ ଲଗାତାର ୱିକେଟ ହରାଇବାକୁ ଲାଗିଥିଲା।

ଏହାପରେ ରାଜତ ପାଟିଦାର ଏବଂ ଗ୍ଲେନ୍ ମ୍ୟାକ୍ସୱେଲ ମଧ୍ୟ ଖାତା ଖୋଲି ପାରିନଥିଲେ। ଏଭଳି ପରିସ୍ଥିତିରେ ଦଳ ସମ୍ପୂର୍ଣ୍ଣ ଭାବରେ ବିରାଟଙ୍କ ଉପରେ ନିର୍ଭର କରୁଥିବା ବେଳେ କୋହଲି ୧୧.୨ ଓଭରରେ ମୁସ୍ତାଫିଜୁର ରହମାନଙ୍କ ବଲରେ ଆଉଟ ହୋଇଥିଲେ। ତାଙ୍କ ବ୍ୟାଟରୁ ୨୦ ଟି ବଲରେ ମାତ୍ର ୨୧ ରନ୍ ବାହାରିଥିଲା। ସେହିଭଳି ଭାବରେ କ୍ୟାମେରନ୍ ଗ୍ରୀନ୍ ୨୨ ବଲରେ ୧୮ ରନ୍ ସଂଗ୍ରହ କରିଥିଲେ।

From the bottom of my heart I want to support Virat Kohli but he didn't want me to support him.

Why is he playing like this? pic.twitter.com/KOWNYH2oya

— White Tiger #OptionTrading (@imro45sh) March 22, 2024

ତେବେ, ଅନୁଜ ରାୱତଙ୍କର ୪୮ ରନ ଏବଂ ଦିନେଶ କାର୍ତ୍ତିକଙ୍କର ୩୮ ରନ ସାହାଯ୍ୟରେ ଆରସିବି ୧୭୩ ରନ ସଂଗ୍ରହ କରିବାରେ ସଫଳ ହୋଇଥିଲା। ଯାହାକୁ ଚେନ୍ନାଇ ଦଳ ମାତ୍ର ୪ ୱିକେଟ ହରାଇ ସଂଗ୍ରହ କରି ନେଇଥିଲା। ତେବେ, ଏହି ପରାଜୟ ପରେ ଆରସିବି ଫ୍ୟାନ୍ସ ବେସ୍ ଖପ୍ପା ରହିଥିବା ଦେଖିବାକୁ ମିଳିଛି।

Haarcb is back 🤣🤣🤣 pic.twitter.com/ISnSCv0hG1

— Rudra Singh (@legendDhoni07) March 22, 2024

ସୋସିଆଲ ମିଡିଆରେ ବିରାଟ କୋହଲିଙ୍କୁ ଲୋକେ ଟ୍ରୋଲ କରୁଥିବା ଦେଖିବାକୁ ମିଳିଥିଲା। ତେବେ, ଚେନ୍ନାଇ ପକ୍ଷରୁ ରଚିନ ରବୀନ୍ଦ୍ର ୧୫ ବଲରେ ୩୭ ରନର ଚମତ୍କାର ଇନିଂସ ଖେଳିଥିଲେ। ଅବଶ୍ୟ କର୍ଣ ଶର୍ମା ତାଙ୍କୁ ଆଉଟ କରି ଦେଇଥିଲେ ଯାହାପରେ କୋହଲି ନିଜ ଚିରାଚରିତ ଷ୍ଟାଇଲରେ ତାଙ୍କୁ ସେଣ୍ଡଅଫ୍ ଦେଇଥିଲେ। ଯାହାକୁ ନେଇ କୋହଲିଙ୍କୁ ଖୁବ୍ ଟ୍ରୋଲ କରାଯାଉଛି।