ଦିଲ୍ଲୀ କ୍ୟାପିଟାଲ୍ସ ଆଇପିଏଲ୍ ୨୦୨୫ ମେଗା ନିଲାମ ପୂର୍ବରୁ ଅନେକ ବଡ଼ ନିଷ୍ପତ୍ତି ନେଇ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛି। ଦଳର ନୂତନ ମୁଖ୍ୟ ପ୍ରଶିକ୍ଷକ ନିଯୁକ୍ତ ହେବା ପରେ ଡିସି ଏହାର ସବୁଠାରୁ ବଡ଼ ଖେଳାଳି ଋଷଭ ପନ୍ତଙ୍କୁ ରିଲିଜ କରିଛି। ଅର୍ଥାତ୍ ଦିଲ୍ଲୀ ନିଲାମରେ ଜଣେ ନୂଆ ଅଧିନାୟକ ଖୋଜିବା ନିଶ୍ଚିତ ଅଟେ। ଦଳର ଏହି ନିଷ୍ପତ୍ତି ଅତ୍ୟନ୍ତ ଆଶ୍ଚର୍ଯ୍ୟଜନକ ଅଟେ କାରଣ ପନ୍ତ ଗତ ଅନେକ ବର୍ଷ ଧରି ଏହି ଦଳର ଅନ୍ୟତମ ପ୍ରମୁଖ ଖେଳାଳି ରହିଥିଲେ। କିନ୍ତୁ ଏପରି କ’ଣ ହେଲା ଯେ ଫ୍ରାଞ୍ଚାଇଜ୍ କୁ ତାଙ୍କୁ ରିଲିଜ କରିବାକୁ ପଡିଲା? ଆସନ୍ତୁ ଏହାର କାରଣ ଜାଣିବା….

ଦିଲ୍ଲୀ କ୍ୟାପିଟାଲ୍ସ ଏବଂ ଋଷଭ ପନ୍ତ ୯ ବର୍ଷ ପରେ ଅଲଗା ହେବାପରେ ଏହା ପ୍ରଶଂସକମାନଙ୍କୁ ଆଶ୍ଚର୍ଯ୍ୟ ଚକିତ କରିଦେଇଛି। ତେବେ ଦିଲ୍ଲୀ ପନ୍ତଙ୍କୁ ରିଲିଜ କରିବାକୁ ଯାଉଛି ବୋଲି ପୂର୍ବରୁ ହିଁ କଳ୍ପନାଜଳ୍ପନା ଚାଲୁ ରହିଥିଲା। ଯାହାର ସବୁଠାରୁ ବଡ କାରଣ ହେଉଛନ୍ତି  ଶ୍ରେୟସ୍ ଆୟର। ଯଦି ରିପୋର୍ଟ ଗୁଡିକୁ ବିଶ୍ୱାସ କରାଯାଏ, ଡିସି ଶ୍ରେୟାସଙ୍କୁ ଦଳକୁ ଫେରାଇ ଆଣିବାକୁ ଚାହୁଁଛି।  ଯେଉଁଥିପାଇଁ ତାଙ୍କୁ ଅଧିନାୟକତ୍ୱ ମଧ୍ୟ ଦିଆଯାଇପାରେ। ପନ୍ତଙ୍କୁ ରିଲିଜ କରିବାର ଏହା ହିଁ ମୁଖ୍ୟ କାରଣ ଅଟେ।

ଶ୍ରେୟସ୍ ଆୟରଙ୍କ ଦିଲ୍ଲୀ କ୍ୟାପିଟାଲ୍ସରେ ଯୋଗଦେବା ଖବର ବହୁ ପୂର୍ବରୁ ଆସିବାକୁ ଲାଗିଥିଲା। ତାଙ୍କୁ ଅଧିନାୟକତ୍ୱ ମଧ୍ୟ ଦିଆଯାଇଥିଲା। ଏହା ସତ୍ତ୍ୱେ ଡିସି ଦଳ ପନ୍ତକୁ ବଜାୟ ରଖିବାକୁ ଚାହୁଁଥିଲା। କିନ୍ତୁ ଟଙ୍କା ଦେଣନେଣ ଉପରେ ଉଭୟ ସହମତ ହୋଇପାରିନଥିଲେ। ମେଗା ନିଲାମରେ ଶ୍ରେୟସ୍ ଆୟରଙ୍କୁ ଅନ୍ତର୍ଭୁକ୍ତ କରି ଦିଲ୍ଲୀ ଦଳ କିଛି ଟଙ୍କା ସଞ୍ଚୟ କରିବାକୁ ଚାହୁଁଥିଲା।  ଏଥିପାଇଁ ପନ୍ତଙ୍କୁ କମ୍ ବେତନ ପ୍ରଦାନ କରାଯାଇଥିଲା। କିନ୍ତୁ ପନ୍ତ ଏହି ଅଫରକୁ ପ୍ରତ୍ୟାଖ୍ୟାନ କରିଥିଲେ। 

ଋଷଭ ପନ୍ତଙ୍କୁ ଏକ ସମ୍ପୂର୍ଣ୍ଣ ପ୍ୟାକେଜ୍ ଭାବରେ ବିବେଚନା କରାଯାଏ। ୱିକେଟ୍ ରକ୍ଷକ ହେବା ସହିତ ସେ ବିସ୍ଫୋରକ ବ୍ୟାଟିଂ ମଧ୍ୟ କରନ୍ତି। ଅଧିନାୟକତ୍ୱରେ ମଧ୍ୟ ତାଙ୍କର ଅଭିଜ୍ଞତା ରହିଛି। ଏଭଳି ପରିସ୍ଥିତିରେ ଯଦି ସେ ଅନ୍ୟ ଏକ ଦଳକୁ ଯାଇ ସେଠାରେ ଭଲ ପ୍ରଦର୍ଶନ କରନ୍ତି ତେବେ ଏହା ଦିଲ୍ଲୀ ପାଇଁ ଏକ ବଡ ଭୁଲ ବୋଲି ପ୍ରମାଣିତ ହୋଇପାରେ।