IPL ଇତିହାସର ୫ ସବୁଠାରୁ ବଡ଼ ଛକା! ଦ୍ଵିତୀୟ ସ୍ଥାନରେ ରହିଛନ୍ତି ଜଣେ ଭାରତୀୟ ବୋଲର, ନାମ ଜାଣିଲେ ଆଶ୍ଚର୍ଯ୍ୟ ହେବେ ଆପଣ….

  1. Home
  2. IPL Special

IPL ଇତିହାସର ୫ ସବୁଠାରୁ ବଡ଼ ଛକା! ଦ୍ଵିତୀୟ ସ୍ଥାନରେ ରହିଛନ୍ତି ଜଣେ ଭାରତୀୟ ବୋଲର, ନାମ ଜାଣିଲେ ଆଶ୍ଚର୍ଯ୍ୟ ହେବେ ଆପଣ….

Six


ବର୍ତ୍ତମାନ ଇଣ୍ଡିଆନ୍ ପ୍ରିମିୟର ଲିଗ୍ ଅର୍ଥାତ୍ ଆଇପିଏଲ୍ ର ୧୭ ତମ ସିଜନ୍ ଆରମ୍ଭ ପାଇଁ ଆଉ ମାତ୍ର କିଛି ଦିନ ବାକି ଅଛି। ମାର୍ଚ୍ଚ ୨୨ ତାରିଖରୁ ୨୦୨୪ ଆଇପିଏଲ୍ ଆରମ୍ଭ ହେବାକୁ ଯାଉଛି। ବିସିସିଆଇ ପ୍ରତିଯୋଗିତାର ପ୍ରଥମ ୨୧ ଟି ମ୍ୟାଚର କାର୍ଯ୍ୟସୂଚୀ ପ୍ରକାଶ କରିଛି। ଏହି ଲିଗରେ ଫ୍ୟାନ୍ସମାନେ ଚୌକା ଛକାକୁ ଖୁବ୍ ଉପଭୋଗ କରିଥାନ୍ତି। ପୂର୍ବରୁ ମଧ୍ୟ ଏହି ପ୍ରତିଯୋଗିତାରେ ଖେଳାଳିମାନେ ଅନେକ ଲମ୍ବା ଛକା ମାରିଛନ୍ତି। ତେବେ, ଆସନ୍ତୁ ଆଇପିଏଲ୍ ଇତିହାସର ୫ଟି ଲମ୍ବା ଛକା ବିଷୟରେ ଜାଣିବା। ଯେଉଁଥିରେ ଗୋଟିଏ ଛକା ଜଣେ ଭାରତୀୟ ବୋଲରଙ୍କ ବ୍ୟାଟରୁ ମଧ୍ୟ ଆସିଥିଲା।

Albie morkel

୧.ଆଲବି ମର୍କେଲ:- ଆଇପିଏଲ ଇତିହାସରେ ଦୀର୍ଘତମ ଛକା ମାରିବାର ରେକର୍ଡ ଆଲବି ମର୍କେଲଙ୍କ ନାମରେ ରହିଛି। ଦକ୍ଷିଣ ଆଫ୍ରିକାର ଅଲରାଉଣ୍ଡର ଆଲବି ମର୍କେଲ ୨୦୦୮ ଆଇପିଏଲରେ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳୁଥିବାବେଳେ ପ୍ରଜ୍ଞାନ ଓଝାଙ୍କ ବଲରେ ୧୨୫ ମିଟର ଲମ୍ବା ଛକା ମାରିଥିଲେ। ତାଙ୍କ ବ୍ୟାଟରୁ ବାହାରିଥିବା ଏହି ଛକାରେ ବଲଟି ଚେପକ୍ ଷ୍ଟାଡିୟମ୍ ବାହାରେ ପଡିଯାଇଥିଲା।  ଆଜି ପର୍ଯ୍ୟନ୍ତ କୌଣସି ଖେଳାଳି ଏହି ରେକର୍ଡ ଭାଙ୍ଗିବାରେ ସକ୍ଷମ ହୋଇ ନାହାଁନ୍ତି।

Pk

୨.ପ୍ରବୀଣ କୁମାର:- ପୂର୍ବତନ ଭାରତୀୟ ଦ୍ରୁତ ବୋଲର ପ୍ରବୀଣ କୁମାର ଜଣେ ସ୍ୱିଙ୍ଗ ବୋଲର ହେବା ବ୍ୟତୀତ ଜଣେ ଉତ୍କୃଷ୍ଟ ହିଟର୍ ମଧ୍ୟ ଥିଲେ। ୨୦୧୧ ଆଇପିଏଲ୍ ସିଜନରେ ପଞ୍ଜାବ କିଙ୍ଗ୍ସ ପାଇଁ ଖେଳୁଥିବା ବେଳେ ପ୍ରବୀଣ ଶ୍ରୀଲଙ୍କାର କିମ୍ବଦନ୍ତୀ ବୋଲର ଲାସିଥ ମାଲିଙ୍ଗାଙ୍କ ବଲରେ ୧୨୪ ମିଟର ଲମ୍ବା ଛଅଟି ଛକା ମାରିଥିଲେ।  ଯାହାକି ଆଇପିଏଲ ଇତିହାସରେ ଦ୍ୱିତୀୟ ଲମ୍ବା ଛକା ଅଟେ। ମାଲିଙ୍ଗାଙ୍କ ବଲରେ ଏହି ସଟ୍ ମାରି ପ୍ରବୀଣ ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲେ।

Gilly

୩. ଆଡାମ ଗିଲକ୍ରିଷ୍ଟ:- ମହାନ ଅଷ୍ଟ୍ରେଲୀୟ କ୍ରିକେଟର ଆଡାମ ଗିଲକ୍ରିଷ୍ଟ ଆଇପିଏଲରେ ତୃତୀୟ ଲମ୍ବା ଛକା ମାରିବାର ରେକର୍ଡ କରିଛନ୍ତି। ୨୦୧୧ ଆଇପିଏଲରେ, ଗିଲକ୍ରିଷ୍ଟ କିଙ୍ଗସ ଏକାଦଶ ପଞ୍ଜାବ ପାଇଁ ଖେଳୁଥିବାବେଳେ ଦକ୍ଷିଣ ଆଫ୍ରିକାର ଦ୍ରୁତ ବୋଲର ଚାର୍ଲ୍ସ ଲେଙ୍ଗରଭେଲ୍ଟଙ୍କ ବଲରେ ୧୨୨ ମିଟର ଲମ୍ବା ଛକା ମାରିଥିଲେ।

Uthappa

୪.ରବିନ୍ ଉଥାପ୍ପା:- ପୂର୍ବତନ ଭାରତୀୟ ବ୍ୟାଟ୍ସମ୍ୟାନ୍ ରବିନ୍ ଉଥାପ୍ପା ଆଇପିଏଲ୍ ଇତିହାସରେ ଦୀର୍ଘତମ ଛକା ମାରିବା ତାଲିକାରେ ଚତୁର୍ଥ ସ୍ଥାନରେ ରହିଛନ୍ତି। ୨୦୧୦ ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପାଇଁ ଖେଳୁଥିବାବେଳେ ଉଥାପ୍ପା ଡ୍ୱେନ ବ୍ରାଭୋଙ୍କୁ ୧୨୦ ମିଟରର ଲମ୍ବା ଛକା ମାରିଥିଲେ।

Ross

୫.ରସ୍ ଟେଲର:- ନ୍ୟୁଜିଲ୍ୟାଣ୍ଡର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ୍ ରସ୍ ଟେଲର ଆଇପିଏଲ୍ ଇତିହାସରେ ପଞ୍ଚମ ଲମ୍ବା ଛକା ମାରିବାର ରେକର୍ଡ ରଖିଛନ୍ତି। ୨୦୦୮ ଆଇପିଏଲରେ ଆରସିବି ପାଇଁ ଖେଳିବାବେଳେ ସେ ନ୍ୟୁଜିଲ୍ୟାଣ୍ଡର ବୋଲର ଜ୍ୟାକବ୍ ଓରାମଙ୍କ ବଲରେ ୧୧୯ ମିଟରର ଏକ ବଡ଼ ଛକା ମାରିଥିଲେ।