ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ ପାଇଁ କାଉଣ୍ଟଡାଉନ ଆରମ୍ଭ ହୋଇଛି। ମାର୍ଚ୍ଚ ୧୪ ରୁ ଏହାର ୧୮ ତମ ସିଜନ ଆରମ୍ଭ ହୋଇପାରେ। ଏହାପୂର୍ବରୁ, ଜଣେ ଖେଳାଳୀ ତାଙ୍କ ପ୍ରଦର୍ଶନ ସହିତ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି।  ଏହି ଖେଳାଳି ପ୍ରଥମେ ବିକ୍ରି ହୋଇନଥିବା ବେଳେ କିନ୍ତୁ ପରେ ତାଙ୍କୁ ବହୁତ କଷ୍ଟରେ ଏକ ଦଳରେ ସାମିଲ କରାଯାଇଛି। କିନ୍ତୁ, ଆଇପିଏଲ୍ ଆରମ୍ଭ ପୂର୍ବରୁ, ଏହି ଖେଳାଳି ନିଜର ବିସ୍ଫୋରକ ପ୍ରଦର୍ଶନ ସହିତ ଅଧିନାୟକ ହେବାପାଇଁ ମଧ୍ୟ ଦାବି ଉପସ୍ଥାପନ କରିଛନ୍ତି। 

ଭାରତୀୟ ପ୍ରିମିୟର ଲିଗ୍ ୨୦୨୫ର ନିଲାମ ପାଇଁ ଭାରତୀୟ ଦଳର ପୂର୍ବତନ ଅଧିନାୟକ ଅଜିଙ୍କ୍ୟ ରାହାଣେ ମଧ୍ୟ ତାଙ୍କ ନାମ ପଞ୍ଜିକରଣ କରିଥିଲେ। ତାଙ୍କର ମୂଳ ମୂଲ୍ୟ ୧.୫୦ କୋଟି ଟଙ୍କା ଥିଲା। କିନ୍ତୁ, ଏତେ କମ୍ ପରିମାଣରେ ମଧ୍ୟ କୌଣସି ଫ୍ରାଞ୍ଚାଇଜ୍ ପ୍ରଥମ ରାଉଣ୍ଡରେ ତାଙ୍କୁ କିଣିବାକୁ ଆଗ୍ରହ ଦେଖାଇ ନଥିଲେ ଏବଂ ତାଙ୍କ ନାମ ପାସ୍ କରିଥିଲେ। ଯେତେବେଳେ ଦ୍ୱିତୀୟ ରାଉଣ୍ଡରେ ରାହାନେଙ୍କ ନାମ ଆସିଲା, କୌଣସି ଦଳ ବିଡ୍ କରିନଥିଲେ କିନ୍ତୁ କେକେଆର୍ ତାଙ୍କୁ ତାଙ୍କ ମୂଳ ମୂଲ୍ୟରେ କିଣିଥିଲା।

କ୍ରୀଡା ବିଶେଷଜ୍ଞମାନେ ଦଳର ଏହି ନିଷ୍ପତ୍ତିକୁ ଭଲ ବୋଲି ବିଚାର କରୁଛନ୍ତି। ରାହାଣେ ଜଣେ ଭଲ ବ୍ୟାଟ୍ସମ୍ୟାନ୍ ହେବା ସହିତ ଏବେ ଟି-୨୦ରେ ଭଲ ଫର୍ମରେ ମଧ୍ୟ ରହିଛନ୍ତି। ଗତ ସିଜନରେ ସେ ଚେନ୍ନାଇ ସହିତ ଥିବାବେଳେ ଭଲ ରନ ସଂଗ୍ରହ କରିବା ସହିତ ଭଲ ଷ୍ଟ୍ରାଇକ୍ ରେଟ ମଧ୍ୟ ହାସଲ କରିଥିଲେ।

ଆଇପିଏଲ୍ ୨୦୨୫ ପୂର୍ବରୁ, ମଧ୍ୟ ତାଙ୍କ ବ୍ୟାଟରୁ ଭଲ ରନ ବାହାରୁଅଛି। ସୟଦ ମୁସ୍ତାକ ଅଲି ଟ୍ରଫିରେ ରାହାଣେଙ୍କ ବ୍ୟାଟରୁ ଅନେକ ବିସ୍ଫୋରକ ଇନିଂସ ଦେଖିବାକୁ ମିଳିଥିଲା। ଅଜିଙ୍କ୍ୟ ରାହାଣେ ଦୁନିଆର ସର୍ବୋତ୍ତମ ବ୍ୟାଟ୍ସମ୍ୟାନ୍ମାନଙ୍କ ମଧ୍ୟରୁ ଅନ୍ୟତମ। ସେ ହୁଏତ ଅନ୍ତର୍ଜାତୀୟ ଦଳର ଅଂଶ ନାହାଁନ୍ତି। କିନ୍ତୁ ସେ ଅନ୍ୟକାହାଠାରୁ କମ୍ ନୁହଁନ୍ତି। ନିକଟରେ ସୟଦ ମୁସ୍ତାକ ଅଲି ଟ୍ରଫି ଖେଳାଯାଇଥିଲା ଯାହା ମୁମ୍ବାଇ ଦଳ ଜିତିଥିଲା। ଏହି ବିଜୟରେ ରାହାନେଙ୍କର ଏକ ବଡ଼ ଅବଦାନ ରହିଥିଲା। ସେ ଚମତ୍କାର ବ୍ୟାଟିଂ କରି ଟୁର୍ନାମେଣ୍ଟରେ ସର୍ବାଧିକ ରନ୍ ସଂଗ୍ରହ କରିଥିଲେ ଏବଂ ପ୍ଲେୟାର ଅଫ୍ ଦି ସିରିଜ୍ ଭାବରେ ମଧ୍ୟ ମନୋନୀତ ହୋଇଥିଲେ। ସୟଦ ମୁସ୍ତାକ ଅଲି ଟ୍ରଫିରେ ରାହାଣେ ୮ ଇନିଂସରେ ୪୬୯ ରନ୍ ସଂଗ୍ରହ କରିଥିଲେ। ଏହି ଅବଧି ମଧ୍ୟରେ ତାଙ୍କ ବ୍ୟାଟରୁ ସର୍ବାଧିକ ୫ ଟି ଅର୍ଦ୍ଧଶତକ ମଧ୍ୟ ସାମିଲ ରହିଥିଲା।

ଅନ୍ୟପକ୍ଷରେ କୋଲକାତା ନାଇଟ୍ ରାଇଡର୍ସ ଦଳ ଆଇପିଏଲ୍ ୨୦୨୫ ପୂର୍ବରୁ ଅଧିନାୟକ ଶ୍ରେୟସ୍ ଆୟରଙ୍କୁ ରିଟେନ କରିନଥିଲା। ଏଭଳି ପରିସ୍ଥିତିରେ ଫ୍ରାଞ୍ଚାଇଜ୍ ଜଣେ ନୂଆ ଅଧିନାୟକ ଖୋଜୁଛି।  ତାଙ୍କ ଦଳର ସବୁଠାରୁ ଅଭିଜ୍ଞ ଖେଳାଳି ହେଉଛନ୍ତି ଅଜିଙ୍କ୍ୟ ରାହାଣେ ଯିଏ ଭାରତୀୟ ଦଳର ଅଧିନାୟକ ମଧ୍ୟ ରହିଛନ୍ତି। ଯଦି ଗଣମାଧ୍ୟମ ରିପୋର୍ଟ ଗୁଡିକୁ ବିଶ୍ୱାସ କରାଯାଏ, ତେବେ ରାହାନେଙ୍କୁ ଆଇପିଏଲ ୨୦୨୫ ରେ କେକେଅର ର ଅଧିନାୟକ ଭାବରେ ଦେଖିବାକୁ ମିଳିପାରିବ।