କ୍ରିକେଟ୍ ଖବର : ଗତ ବର୍ଷର ଆଇପିଏଲରେ ଖରାପ ପ୍ରଦର୍ଶନ କରିଥିବା ଚେନ୍ନାଇ ସୁପର କିଙ୍ଗ୍ସ ଦଳ ଚଳିତ ସିଜନରେ ଭଲ ପ୍ରତ୍ୟାବର୍ତ୍ତନ କରି ପ୍ରଥମେ ପ୍ଲେ ଅଫ୍ ଯୋଗ୍ୟତା ଅର୍ଜନ କରିଛି। ଦଳ ବର୍ତ୍ତମାନ ପଏଣ୍ଟ ଟେବୁଲର ଶୀର୍ଷରେ ରହିଛି। କିନ୍ତୁ ଦଳ ପାଇଁ ଚିନ୍ତାର କାରଣ ରହିଛି ସୁରେଶ ରାଇନାଙ୍କ ପ୍ରଦର୍ଶନ। ସୁରେଶ ରାଇନା ବର୍ତ୍ତମାନ ଖରାପ ଫର୍ମରେ ଚାଲୁଛନ୍ତି। ଯାହାକି ଦଳ ପାଇଁ ଚିନ୍ତାର ବିଷୟ ପାଲଟିଛି।

ଚେନ୍ନାଇ ସୁପର କିଙ୍ଗ୍ସ ପାଇଁ ମଧ୍ୟକ୍ରମ ବ୍ୟାଟ୍ସମ୍ୟାନ୍ ସୁରେଶ ରାଇନା ବର୍ତ୍ତମାନ ରନ୍ ସ୍କୋର କରିବାକୁ ସଂଘର୍ଷ କରୁଛନ୍ତି। ଚଳିତ ସିଜନରେ ତାଙ୍କ ବ୍ୟାଟରୁ ଆଶା ମୁତାବକ ରନ୍ ଆସୁନାହିଁ। ୟୁଏଇରେ ମଧ୍ୟ ରାଇନା ଏକ ବଡ଼ ଇନିଂସ ଖେଳିବାକୁ ସକ୍ଷମ ହୋଇନାହାଁନ୍ତି। ଏହା ପରେ ମଧ୍ୟ ଦଳର ଅଧିନାୟକ ଏମଏସ ଧୋନି କ୍ରମାଗତ ଭାବରେ ତାଙ୍କୁ ଦଳରେ ସାମିଲ କରୁଛନ୍ତି। ଧୋନି, ବର୍ତ୍ତମାନ ମଧ୍ୟ ରାଇନାଙ୍କ ଉପରେ ବିଶ୍ୱାସ ରଖିଛନ୍ତି ଯେ, ସେ କିଛି ବଡ଼ କରିବେ। ତେଣୁ ରାଇନାଙ୍କୁ ଧୋନି ଏକାଦଶରେ ଅନ୍ତର୍ଭୁକ୍ତ କରୁଛନ୍ତି। ତେବେ ଏହା ପଛର ଅନ୍ୟ ଏକ କାରଣ ପୂର୍ବତନ ଓପନର୍ ବିରେନ୍ଦ୍ର ସେହୱାଗ କହିଛନ୍ତି। ସେହୱାଗ ବିଶ୍ୱାସ କରନ୍ତି ଯେ ରାଇନାଙ୍କ ଖରାପ ଫର୍ମ ପରେ ମଧ୍ୟ ଅଧିନାୟକ ଏମଏସ ଧୋନି ତାଙ୍କୁ ଏକାଦଶ ଖେଳିବାରେ ସ୍ଥାନ ଦେବେ।

କ୍ରିକବଜ୍ ସହ କଥାବାର୍ତ୍ତା ବେଳେ ବିରେନ୍ଦ୍ର ସେହୱାଗ କହିଛନ୍ତି ଯେ ରାଇନାଙ୍କ ବ୍ୟାଟିଂ ଅର୍ଡରରେ ଧୋନିଙ୍କର କୌଣସି ସନ୍ଦେହନାହିଁ। ଧୋନି ବହୁତ ଭଲ ଭାବରେ ଜାଣିଛନ୍ତି ଯେ ରାଇନା ଭଲ ପ୍ରଦର୍ଶନ କରୁନାହାଁନ୍ତି, କିନ୍ତୁ ସେ ରାଇନାଙ୍କ ସ୍ଥାନରେ ଅନ୍ୟ କାହାକୁ ନେବାକୁ ଚିନ୍ତା କରିବେ ନାହିଁ। ଧୋନି ଜାଣନ୍ତି ଯେ ତାଙ୍କ ଦଳର ବ୍ୟାଟିଂ କ୍ରମରେ ବହୁତ ଗଭୀରତା ଅଛି ଏବଂ ଯଦି ଶାର୍ଦ୍ଦୁଲ ଠାକୁରଙ୍କ ପର୍ଯ୍ୟନ୍ତ ତାଙ୍କର ବ୍ୟାଟିଂ କ୍ରମ ଠିକ୍ ଅଛି, ତେଣୁ ସେ ଏଥିପାଇଁ ଚିନ୍ତା କରୁନାହାନ୍ତି।

ସେହୱାଗ ଆହୁରି କହିଛନ୍ତି ଯେ ଧୋନି ବର୍ତ୍ତମାନ ରାଇନାଙ୍କୁ ପ୍ରଥମେ ବ୍ୟାଟିଂ କରିବାକୁ ପଠାଉଛନ୍ତି, କିନ୍ତୁ ସେ ଖରାପ ସଟ୍ ଖେଳି ୱିକେଟ୍ ହରାଉଛନ୍ତି। ତେବେ ଏମଏସ ଧୋନି ଚାହୁଁଛନ୍ତି ଯେ ରାଇନା କିଛି ରନ୍ ସ୍କୋର କରି ପୁନର୍ବାର ଫେରି ଆସନ୍ତୁ। ତାହାହେଲେ ଦଳ ଆଗକୁ ବଢିବ।