ବିଶ୍ୱ ଟେଷ୍ଟ ଚାମ୍ପିଅନସିପ୍ (WTC ଫାଇନାଲ୍) ଇଂଲଣ୍ଡରେ ଜୁନ୍ 7 ରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବ । ଜୁନ୍ 3-4 ରେ ବିବାହ କରିବାକୁ ଯାଉଛନ୍ତି ବୋଲି ରିତୁରାଜ ବୋର୍ଡକୁ ସୂଚନା ଦେଇଛନ୍ତି । ଯେଉଁଥିପାଇଁ ସେ ଏହି ଟେଷ୍ଟର ଅଂଶ ହୋଇପାରିବେ ନାହିଁ । ତାଙ୍କ ସ୍ଥାନରେ ଯଶସ୍ୱୀ ଜସୱାଲ ବିଶ୍ୱ ଟେଷ୍ଟ ଚାମ୍ପିଅନସିପ୍ ପାଇଁ ଷ୍ଟାଣ୍ଡବାଇ ଭାବରେ ଦଳ ପରିଚାଳନା ଦ୍ୱାରା ମନୋନୀତ ହୋଇଥିଲେ। ଯେଉଁଥିପାଇଁ ସେ ଇଂଲଣ୍ଡ ମଧ୍ୟ ଯାଇଛନ୍ତି । ଏହି ସମୟରେ ତାଙ୍କର ଏକ ଫଟୋ ସାମ୍ନାକୁ ଆସିଥିଲା। ଏହା ପରେ ଗିଲ ନୁହେଁ, ଏହି ଖେଳାଳିଙ୍କ ସହ ସେ ଇନିଂସ ଆରମ୍ଭ କରିପାରିବେ ବୋଲି କଳ୍ପନା କରାଯାଉଛି ।

WTC ଫାଇନାଲ୍ ରେ ରୋହିତ ସହ ଜସୱାଲ କରିବେ ଓପନିଂ:

21 ବର୍ଷୀୟ ଯୁବ ବ୍ୟାଟ୍ସମ୍ୟାନ୍ ଜସୱାଲ ବର୍ତ୍ତମାନ WTC ଫାଇନାଲ ପାଇଁ ଇଂଲଣ୍ଡ ଯାଇଛନ୍ତି । WTC ଫାଇନାଲ ପାଇଁ ଭାରତୀୟ ଦଳ ଘୋଷଣା କରିବା ସହିତ ବିସିସିଆଇ ଷ୍ଟାଣ୍ଡ-ବାଇ ଖେଳାଳିଙ୍କ ତାଲିକା ମଧ୍ୟ ପ୍ରକାଶ କରିଛି ।

ଏହି ତାଲିକାରେ ଗାଇକୱାଡଙ୍କ ନାମ ମଧ୍ୟ ଥିଲା । କିନ୍ତୁ ବର୍ତ୍ତମାନ ଖବର ଆସୁଛି ଯେ ବିବାହ କାରଣରୁ ଗାଇକୱାଡ ଏହି ଟେଷ୍ଟ ମ୍ୟାଚର ଅଂଶ ହୋଇପାରିବେ ନାହିଁ । ତାଙ୍କ ସ୍ଥାନରେ ଜସୱାଲଙ୍କୁ ଚୟନ କରାଯାଇଥିଲା ।

ଇଂଲଣ୍ଡ ଯିବାବେଳେ ଜସୱାଲ ଅଧିନାୟକ ରୋହିତ ଶର୍ମାଙ୍କ ବିମାନରେ ସେଲଫି ନେଇଥିଲେ। ଯାହା ପରେ ଏବେ ତାଙ୍କର ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହା ପରେ ଚର୍ଚା ଆରମ୍ଭ ହୋଇଥିଲା ଯେ ସେ ଗିଲ ନୁହେଁ ହିଟମ୍ୟାନଙ୍କ ସହ ଜସୱାଲ ଇନିଂସ ଆରମ୍ଭ କରିପାରିବେ ।

ଚଳିତ ବର୍ଷ ଆଇପିଏଲରେ ଯଶସ୍ୱୀ ଜସୱାଲଙ୍କୁ ଭଲ ଫର୍ମରେ ଦେଖିବାକୁ ମିଳିଛି। ସେ ଆଇପିଏଲ୍ 2023 ରେ 14 ଇନିଂସରେ 625 ରନ୍ ସ୍କୋର କରିଥିଲେ । ଏଥି ସହିତ ସେ ପ୍ରଥମ ଶ୍ରେଣୀ ଟୁର୍ନାମେଣ୍ଟର 5 ଟି ମ୍ୟାଚରେ 404 ରନ୍ ସ୍କୋର କରିଥିଲେ ।