ଭାରତୀୟ ଦଳର ପ୍ରମୁଖ ଖେଳାଳି ବିରାଟ କୋହଲି ଏବେ ଲଣ୍ଡନ ରେ ଅଛନ୍ତି ବୋଲି ଜଣା ପଡିଛି କିନ୍ତୁ କୋହଲି କ୍ରିକେଟ୍ ଆକ୍ସନ୍ ଠାରୁ ଦୂରରେ ରହିଲେ ମଧ୍ୟ ତାଙ୍କୁ ନେଇ ଅନେକ ସମୟରେ ସୋସିଆଲ ମିଡିଆରେ ବିଭିନ୍ନ ଖବର ଭାଇରାଲ ହେଉଛି ।

ସେ ବର୍ତ୍ତମାନ ଲଣ୍ଡନରେ ତାଙ୍କ ପରିବାର ସହିତ ସମୟ ବିତାଉଛନ୍ତି, କିନ୍ତୁ ଭାରତରେ କୋହଲିଙ୍କ ଏକ ଭିଡ଼ିଓ କୁ ନେଇ ଉତ୍ତେଜନା ସୃଷ୍ଟି ହୋଇଛି । ଭାଇରାଲ ହେଉଥିବା ଭିଡିଓରେ କୋହଲି କହୁଛନ୍ତି ଯେ ସଚିନ ଭାରତୀୟ କ୍ରିକେଟର ‘ଭଗବାନ’ ଏବଂ ତାଙ୍କ ପରେ ମୁଁ ଅଛି ।

ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ବିରାଟ କୋହଲି ଟିମ୍ ଇଣ୍ଡିଆର ଉଦୀୟମାନ ତାରକା ଶୁବମନ ଗିଲଙ୍କୁ ଦକ୍ଷ ବୋଲି କହିଥିଲେ, କିନ୍ତୁ ଯେତେବେଳେ ନିଜ ସହ ତୁଳନା କରିବା ବିଷୟ ଆସିଲା ସେତେବେଳେ ସେ ସ୍ପଷ୍ଟ ଭାବରେ କହିଥିଲେ ଯେ ଗିଲ ତାଙ୍କ ସହ ମେଳ ଖାଇ ପାରିବେ ନାହିଁ। ଏହି ଭିଡିଓ ଦେଖିବା ପରେ ବିରାଟ କୋହଲିଙ୍କ ବିବୃତ୍ତିକୁ ନେଇ ଲକ୍ଷ ଲକ୍ଷ ପ୍ରଶଂସକ ବିବ୍ରତ ହୋଇଥିଲେ। ତା’ପରେ ସତ୍ୟ ସାମ୍ନାକୁ ଆସିଛି ।

କୋହଲିଙ୍କ ଏହା ଥିଲା ଡିପ୍ ଭେକ୍ ଭିଡିଓ:

ଭାଇରାଲ ହେଉଥିବା ଭିଡିଓ ବିରାଟ କୋହଲିଙ୍କ ଡିପ୍ ଭେକ୍ ଭିଡିଓ ବୋଲି ଜଣା ପଡିଛି ଏବଂ ଏହା  AI ସାହାଯ୍ୟରେ ତିଆରି କରାଯାଇଛି । ଭିଡିଓରେ କୋହଲିଙ୍କ ସ୍ୱରକୁ ଶୁଭମାନ ଗିଲଙ୍କ ବିପକ୍ଷରେ ପ୍ରସ୍ତୁତ କରାଯାଇଛି। ନକଲି ଭିଡିଓରେ ବିରାଟ କୋହଲି କହୁଛନ୍ତି, “ସଚିନ ଭାରତୀୟ କ୍ରିକେଟରେ ଭଗବାନ ଅଛନ୍ତି, ଏବଂ ତା’ପରେ ମୁଁ ଅଛି । ସେହି ସ୍ତରରେ ପହଞ୍ଚିବା ପାଇଁ ଗିଲଙ୍କର ବହୁତ ଦୂର ବାଟ ଅଛି ।"

ବିରାଟ କୋହଲି ପ୍ରଥମ ଥର ନୁହେଁ ଯେ ଡିପ୍ ଫେକ୍ ଭିଡିଓର ଶିକାର ହୋଇଛନ୍ତି। ଏହା ପୂର୍ବରୁ ମଧ୍ୟ AI ସହାୟତାରେ କିଛି ଲୋକେ କୋହଲିଙ୍କ ଏକ ବେଟିଂ ଆପ୍ ପ୍ରଚାର କରୁଥିବା ଏକ ଭିଡିଓ ବିସ୍ତାର କରିଥିଲେ ଏବଂ ତାପରେ ମଧ୍ୟ ଉତ୍ତେଜନା ସୃଷ୍ଟି ହୋଇଥିଲା ।