କ୍ରିକେଟ୍ ଖବର : ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ତଥା କିମ୍ବଦନ୍ତୀ ବ୍ୟାଟ୍ସମ୍ୟାନ୍ ଏବି ଡି ଭିଲିୟର୍ସ ଦୁନିଆର ୫ ଜଣ ବିପଜ୍ଜନକ ବୋଲରଙ୍କୁ ଚୟନ କରିଛନ୍ତି। ଯାହା ଆଗରେ ଏହି ମହାନ ବ୍ୟାଟ୍ସମ୍ୟାନଙ୍କୁ ମଧ୍ୟ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥିଲା।  ଡି ଭିଲିୟର୍ସ ଅଷ୍ଟ୍ରେଲିଆର ୩ ଜଣ ବୋଲରଙ୍କୁ ଏହି ତାଲିକାରେ ରଖିଥିବା ବେଳେ , ପାକିସ୍ତାନ, ଇଂଲଣ୍ଡରୁ ଜଣେ ଲେଖାଏଁ ବୋଲରଙ୍କୁ ଏହି ତାଲିକାରେ ରଖିଛନ୍ତି।  ଆଶ୍ଚର୍ଯ୍ୟର କଥା, ଏହା ଯେ, ଏହି ତାଲିକାରେ କୌଣସି ଭାରତୀୟ ବୋଲରଙ୍କୁ ସେ ସ୍ଥାନ ଦେଇନାହାନ୍ତି।

Cricket.com.au ସହିତ ବାର୍ତ୍ତାଳାପ ସମୟରେ ବିପଦଜ୍ଜନକ ବୋଲରଙ୍କ ତାଲିକାରେ ଏବି ଡି ଭିଲିୟର୍ସ ଅଷ୍ଟ୍ରେଲିଆର କିମ୍ବଦନ୍ତୀ ସ୍ପିନ୍ ବୋଲର ସେଣ୍ଣ ୱାର୍ନଙ୍କ ପ୍ରଥମ ନାମ ନେଇଛନ୍ତି |  ଏହା ପଛର କାରଣ ବର୍ଣ୍ଣନା କରି ସେ କହିଛନ୍ତି, ସେଣ୍ଣ ୱାର୍ନ ଜଣେ ମହାନ ବୋଲର। ତାଙ୍କର ବୋଲିଂ କୌଶଳ ଅତ୍ୟନ୍ତ ଉନ୍ନତ । ସେ ବୋଲିଂ କରୁଥିବା ସମୟରେ ବ୍ୟାଟିଂ କରିବା ଅସମ୍ଭବ।

ଯେତେବେଳେ ମୋର ବୟସ ୨୨ ବର୍ଷ ହୋଇଥିଲା ଏବଂ ବୋଲର ୱାର୍ନ ଏବଂ ୱିକେଟ୍ କିପର ଗିଲକ୍ରିଷ୍ଟ ଥିଲେ ସେତେବେଳେ ମୋତେ ଖେଳିବା ଟିକେ କଷ୍ଟକର ହୋଇପଡିଥିଲା ।  ଏହା ବ୍ୟତୀତ ସେ ଏହି ତାଲିକାରେ ଅଷ୍ଟ୍ରେଲିଆର ଅନ୍ୟ ଦୁଇ ଦ୍ରୁତ ବୋଲର ପ୍ୟାଟ୍ କମିନ୍ସ ଏବଂ ଜୋସ୍ ହାଜଲେଉଡଙ୍କୁ ମଧ୍ୟ ସାମିଲ କରିଛନ୍ତି।

ଏବି ଡି ଭିଲିୟର୍ସଙ୍କ ଦ୍ୱାରା ମନୋନୀତ ହୋଇଥିବା ଦୁନିଆର ୫ ଜଣ ବିପଜ୍ଜନକ ବୋଲର: 

ସେନ ୱାର୍ନ, ମହମ୍ମଦ ଆସିଫ, ପ୍ୟାଟ କମିନ୍ସ, ଜୋଶ ହାଜଲେଉଡ ଓ ଷ୍ଟୁଆର୍ଡ ବ୍ରଡ