ଭାରତ ଏବଂ ପାକିସ୍ଥାନକୁ ପ୍ରତ୍ୟେକ କ୍ଷେତ୍ରରେ ସର୍ବଦା ପ୍ରତିଦ୍ୱନ୍ଦ୍ୱୀ ଭାବରେ ବିବେଚନା କରାଯାଇଥାଏ। ଭାରତ ବନାମ ପାକିସ୍ଥାନ କ୍ରିକେଟ୍ ମ୍ୟାଚରେ ପଡ଼ିଆରେ ଆମେ ସମାନ କଥା ଦେଖିଥାଉ। କିନ୍ତୁ ଦୁଇ ଦେଶ ମଧ୍ୟରେ ହେବାକୁ ଥିବା ମ୍ୟାଚ୍ ସମ୍ପର୍କରେ ଜଣେ ପାକିସ୍ତାନୀ କ୍ରିକେଟର ଏକ ବଡ଼ ଖୁଲାସା କରିଛନ୍ତି। 

ପାକିସ୍ତାନର ପୂର୍ବତନ କ୍ରିକେଟର ତାଙ୍କ ବିବୃତ୍ତିରେ ଏକ ସମ୍ବେଦନଶୀଳ କଥା କହିଛନ୍ତି। ତାଙ୍କ କହିବା ଅନୁଯାଇ, ଯଦି ପାକିସ୍ତାନୀ ଦଳ ଭାରତ ସହିତ କୌଣସି ମ୍ୟାଚ୍ ହାରିଯାଏ, ତେବେ ସମସ୍ତେ ଅନୁଭବ କରନ୍ତି ଯେ ମ୍ୟାଚ୍ ଫିକ୍ସିଂ ହୋଇଛି ଏବଂ କେହି ବୁଝନ୍ତି ନାହିଁ ଯେ ଆମେ ଏକ ଭଲ ଦଳ ଠାରୁ ହାରିଛୁ। ଏହା ବ୍ୟତୀତ ପାକିସ୍ତାନୀ ଖେଳାଳିଙ୍କ ମ୍ୟାଚ୍ ଫିକ୍ସିଂ ବିଷୟରେ ମଧ୍ୟ ସେ ଅନେକ କଥା କହିଛନ୍ତି। 

କ୍ରିକେଟ୍ ରେ ପାକିସ୍ତାନ ଏବଂ ମ୍ୟାଚ୍ ଫିକ୍ସିଂ ମଧ୍ୟରେ ସମ୍ପର୍କ ବହୁତ ପୁରୁଣା। ମ୍ୟାଚ୍ ଫିକ୍ସିଂରେ ଜଡିତ ହେବା ପରେ ଅନେକ ପାକିସ୍ତାନୀ ଖେଳାଳିଙ୍କ ଉପରେ ଅନ୍ତର୍ଜାତୀୟ କ୍ରିକେଟ୍ ଖେଳିବା ନେଇ ପ୍ରତିବନ୍ଧକ ଲଗାଯାଇଛି। ଏହି ବିଷୟରେ ପାକିସ୍ତାନର ପୂର୍ବତନ କ୍ରିକେଟର ମଦ୍ଦସର ନଜର ଅନେକ କଥା କହିଛନ୍ତି। ସେ କହିଛନ୍ତି ଯେ ସେହି ସମୟରେ ଯେତେବେଳେ ପାକିସ୍ତାନ ଖେଳାଳିଙ୍କୁ ମ୍ୟାଚ୍ ଫିକ୍ସିଂ ଅଭିଯୋଗ କରାଯାଇଥିଲା, ସେତେବେଳେ ଦଳର ପ୍ରତ୍ୟେକ ଖେଳାଳିଙ୍କ ଉପରେ ଚାପ ପଡ଼ିଥିଲା।  ଯେବେ ବି ଆମେ ଗୋଟିଏ ମ୍ୟାଚ୍ ହାରିଥାଉ, ପ୍ରଶଂସକମାନେ ଭାବିଥାନ୍ତି ଯେ ମ୍ୟାଚ୍ ଫିକ୍ସିଂ ହୋଇଛି।

ମ୍ୟାଚ୍ ଫିକ୍ସିଂ ପ୍ରସଙ୍ଗରେ ପାକିସ୍ତାନୀ ଦଳ ଉପରେ ବହୁତ ଚାପ ପଡିଥିଲା।  ଏହି କାରଣରୁ ପାକିସ୍ତାନୀ ଦଳର ପ୍ରଦର୍ଶନ ମଧ୍ୟ ସମୟ ବିତିବା ସହିତ ଖରାପ ହେବାକୁ ଲାଗିଥିଲା।  ମହମ୍ମଦ ଆମୀର, ମହମ୍ମଦ ଆସିଫ, ସଲମାନ ବଟ, ଶର୍ଜିଲ ଖାନ ଏବଂ ଖାଲିଦ ଲତିଫଙ୍କ ପରି ଅନେକ ପାକିସ୍ତାନୀ ଖେଳାଳିଙ୍କ ଉପରେ ମ୍ୟାଚ୍ ଫିକ୍ସିଂ ଅଭିଯୋଗ କରାଯାଇଛି ଏବଂ ସେମାନଙ୍କୁ କ୍ରିକେଟ ଖେଳିବାକୁ ବାରଣ ମଧ୍ୟ କରାଯାଇଛି। 

ପୂର୍ବତନ ପାକିସ୍ତାନୀ କ୍ରିକେଟର ମଦ୍ଦସର୍ ନାଜରଙ୍କ କହିବା ଅନୁଯାୟୀ, ସେତେବେଳେ ଆମେ ଏକ ଭଲ ଦଳ ଠାରୁ ହାରିଛୁ ବୋଲି କେହି ଗ୍ରହଣ କରିବାକୁ ପ୍ରସ୍ତୁତ ନଥିଲେ। ସମସ୍ତେ ଭାବୁଥିଲେ ମ୍ୟାଚ୍ ଫିକ୍ସିଂ ହୋଇଛି। ପୂର୍ବତନ ପାକିସ୍ତାନୀ କ୍ରିକେଟର ମଦ୍ଦସର୍ ବିଶ୍ୱାସ କରନ୍ତି ଯେ ବାରମ୍ବାର ହେଉଥିବା ଫିକ୍ସିଂ ପ୍ରସଙ୍ଗ କ୍ରମାଗତ ଭାବେ ବୃଦ୍ଧି ପାଉଥିବାରୁ ସମଗ୍ର ପାକିସ୍ତାନୀ ଦଳ ଉପରେ ଚାପ ସୃଷ୍ଟି ହେଉଥିଲା। ଏହି କାରଣରୁ ପାକିସ୍ତାନୀ ଦଳର ପ୍ରଦର୍ଶନ ଖରାପ ହେବାକୁ ଲାଗିଥିଲା। ତାଙ୍କ କହିବାନୁଯାଇ, ଜଣେ ମନୋବିଜ୍ଞାନୀ ମଧ୍ୟ ଖେଳାଳିଙ୍କ ଏହି ପ୍ରକାର ଚାପକୁ ଦୂର କରିପାରିବେ ନାହିଁ। ଆଜି ପର୍ଯ୍ୟନ୍ତ ଅନେକ ଦଳ ମନୋବିଜ୍ଞାନୀଙ୍କୁ ନିଯୁକ୍ତି ଦେଇଛନ୍ତି କିନ୍ତୁ ଦଳକୁ ମ୍ୟାଚ୍ ଜିତିବାରେ କେହି ସାହାଯ୍ୟ କରି ନାହାଁନ୍ତି।