ଏବେ ଟିମ୍ ଇଣ୍ଡିଆ ଶ୍ରୀଲଙ୍କା ଗସ୍ତରେ ଅଛି। ଯେଉଁଠାରେ ରୋହିତ ଶର୍ମାଙ୍କ ଅଧିନାୟକତ୍ୱରେ ଦଳ ୩ ମ୍ୟାଚ୍ ବିଶିଷ୍ଟ ଏକଦିବସିୟ ସିରିଜ୍ ଖେଳୁଛି। ଏହି ସିରିଜର ଶେଷ ମ୍ୟାଚ୍ ୭ ଅଗଷ୍ଟରେ ଖେଳାଯିବ। ଯାହା ପରେ ବାଂଲାଦେଶର ଭାରତ ଗସ୍ତ ରହିଥିଲା।  ଯେଉଁଥିରେ ଭାରତ ଏବଂ ବାଂଲାଦେଶ ମଧ୍ୟରେ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳାଯିବ। କିନ୍ତୁ, ଏହି ସିରିଜ୍ ପୂର୍ବରୁ ବାଂଲାଦେଶରୁ ଖରାପ ଖବର ସାମ୍ନାକୁ ଆସୁଛି।

ଭାରତ ଏବଂ ବାଂଲାଦେଶ ମଧ୍ୟରେ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ସେପ୍ଟେମ୍ବରରୁ ଆରମ୍ଭ ହେବ। କିନ୍ତୁ ଏହି ଟେଷ୍ଟ ସିରିଜ୍ ଆରମ୍ଭ ହେବା ପୂର୍ବରୁ ବାଂଲାଦେଶରୁ ଖରାପ ଖବର ସାମ୍ନାକୁ ଆସୁଛି। ବାଂଲାଦେଶର ପରିସ୍ଥିତି ନିୟନ୍ତ୍ରଣ ବାହାରକୁ ଚାଲିଯାଇଛି। ବାଂଲାଦେଶରେ ହିଂସାତ୍ମକ ବିରୋଧ ପ୍ରଦର୍ଶନ ହ୍ରାସ ହେବାର କୌଣସି ସଙ୍କେତ ଦେଖାଯାଉନାହିଁ। ପ୍ରଧାନମନ୍ତ୍ରୀ ଶେଖ ହସିନା ଏହି ସମସ୍ୟାର ସମାଧାନ କରିପାରିନଥିଲେ। ସେ ତାଙ୍କ ପଦରୁ ଇସ୍ତଫା ଦେଇ ବାଂଲାଦେଶ ଛାଡି ଅନ୍ୟ ଦେଶରେ ଆଶ୍ରୟ ନେଇଛନ୍ତି।

ବିକ୍ଷୋଭକାରୀମାନେ ପିଏମ ହାଉସରେ ପ୍ରବେଶ କରି ସେଠାରେ ସେମାନଙ୍କର ବିଜୟ ଉତ୍ସବ ପାଳନ କରିଥିଲେ। ବାଂଲାଦେଶର ଅବସ୍ଥା ଖରାପ ହେବାରେ ଲାଗିଛି। ପରିସ୍ଥିତି ସରକାରଙ୍କ ନିୟନ୍ତ୍ରଣରୁ ବାହାରକୁ ଚାଲି ଯାଇଛି। ଦଙ୍ଗାର ନିଆଁରେ ସାରା ଦେଶ ଜଳୁଛି। ପ୍ରଧାନମନ୍ତ୍ରୀ ଶେଖ ହସିନା ନିଜ ଦେଶ ଛାଡି ଏକ ସୁରକ୍ଷିତ ସ୍ଥାନକୁ ପହଞ୍ଚିବା ପାଇଁ ଅନ୍ୟ ଦେଶକୁ ଚାଲିଯାଇଛନ୍ତି। ବାଂଲାଦେଶରେ ଶେଖ ହସିନାଙ୍କ ଇସ୍ତଫା ପରେ କିଏ ସରକାର ଚଲାଇବେ ସେନେଇ ଏକ ଜୋରଦାର ଆଲୋଚନା ହେଉଛି?  ସେନା ଦେଶ ଚଳାଇବ କି? ଏଭଳି ପରିସ୍ଥିତିରେ ବାଂଲାଦେଶର ଅବସ୍ଥା ସ୍ୱାଭାବିକ ହେବା ପାଇଁ ଅଧିକ ସମୟ ଲାଗିପାରେ।

ଯେଉଁଥିପାଇଁ ବାଂଲାଦେଶ କ୍ରିକେଟ୍ ଦଳକୁ ଭାରତ ଯାତ୍ରା କରିବାକୁ ଅନୁମତି ଦିଆଯାଇ ନପାରେ କିମ୍ବା ସ୍ଥିତିରେ ସୁଧାର ନହେବା ପର୍ଯ୍ୟନ୍ତ ଖେଳାଳିମାନେ ନିଜେ କ୍ରିକେଟ୍ ଠାରୁ ଦୂରରେ ରହିପାରନ୍ତି। ବର୍ତ୍ତମାନ ଭାରତ ଏବଂ ବାଂଲାଦେଶ ମଧ୍ୟରେ ଏହି ଟେଷ୍ଟ ସିରିଜ୍ ହେବ କି ନାହିଁ ତାହା ଅସ୍ପଷ୍ଟ ରହିଛି। ତେଣୁ ଖୁବ ଶୀଘ୍ର ବିସିସିଆଇ ଏବଂ ବିସିବି ସେମାନଙ୍କ ମତ ଦ୍ୱାରା ଏହା ସ୍ପଷ୍ଟ କରିପାରିବେ ବୋଲି ବିଶ୍ୱାସ କରାଯାଏ।