ଜୁନ୍ ୨ ତାରିଖ ଠାରୁ ଟି-୨୦ ବିଶ୍ୱକପ୍ ୨୦୨୪ ଆରମ୍ଭ ହୋଇଛି। ଏଥିସହିତ ବିଶ୍ୱକପ୍‌ର ଉତ୍ସାହ ମଧ୍ୟ ବଢ଼ିବାରେ ଲାଗିଛି।  ଭାରତୀୟ ଦଳ ଆୟର୍ଲାଣ୍ଡକୁ ପରାସ୍ତ କରି ବିଜୟ ସହ ବିଶ୍ୱକପ ଆରମ୍ଭ କରିଥିବାବେଳେ ପାକିସ୍ତାନକୁ ପ୍ରଥମ ମ୍ୟାଚରେ ଆମେରିକା ବିପକ୍ଷରେ ପରାଜୟର ସମ୍ମୁଖୀନ ହେବାକୁ ପଡିଛି।  ପ୍ରଶଂସକଙ୍କ ମଧ୍ୟରେ ସବୁଠାରୁ ବଡ ଉତ୍ସାହ ହେଉଛି ବିଶ୍ୱକପ୍ ୨୦୨୪ ର ବିଜେତା କିଏ ହେବ। ସୋସିଆଲ ମିଡିଆରେ ଏହି ବିଷୟରେ ଏକ ପୋଷ୍ଟ ଭାଇରାଲ ହେଉଛି ଯାହା ଭାରତକୁ ପରବର୍ତ୍ତୀ ଚାମ୍ପିଅନ୍ ବୋଲି କହୁଛି।  ଆସନ୍ତୁ ଜାଣିବା ସମଗ୍ର ବିଷୟ କ’ଣ…

ସୋସିଆଲ ମିଡିଆରେ ଏକ ପୋଷ୍ଟ ଦିନକୁ ଦିନ ଭାଇରାଲ ହେବାରେ ଲାଗିଛି।  ଏହି ପୋଷ୍ଟ ମାଧ୍ୟମରେ ଭାରତୀୟ ଦଳ ଟି-୨୦ ବିଶ୍ୱକପ ୨୦୨୪ ର ବିଜେତା ହେବ ବୋଲି କୁହାଯାଉଛି। ଭାରତର ବିଜୟ ପାକିସ୍ତାନ ସହ ଜଡିତ ରହିଛି।  କୁହାଯାଉଛି ଯେ ୨୦୦୭ ରେ ଖେଳାଯାଇଥିବା ଟି-୨୦ ବିଶ୍ୱକପରେ ପାକିସ୍ତାନ ଟାଇ ପରେ ପ୍ରଥମ ମ୍ୟାଚ୍ ହାରିଥିଲା ​​ଏବଂ ପରେ ଭାରତ ଚାମ୍ପିୟନ ହୋଇଥିଲା।

ଏହି ବିଶ୍ୱକପ୍‌ରେ ମଧ୍ୟ ଆମେରିକା ସହ ଟାଇ ଖେଳିବା ପରେ ପାକିସ୍ତାନ ମ୍ୟାଚ ହାରିଛି।  ତେଣୁ ଭାରତୀୟ ଦଳ ଚାମ୍ପିଅନ୍ ଭାବରେ ଉଭା ହୋଇପାରେ। ଏହାକୁ ଏକ ପ୍ରକାର ସାମନ୍ଜ୍ୟସ ରହିଛି। ଟି-୨୦ ବିଶ୍ୱକପ ୨୦୦୭ ରେ ପାକିସ୍ତାନକୁ ଭାରତ ବିପକ୍ଷ ପ୍ରଥମ ମ୍ୟାଚରେ ଟାଇ ଖେଳିବା ପରେ ପରାଜୟର ସାମ୍ନା କରିବାକୁ ପଡିଥିଲା।  ଉଭୟ ଦଳ ୧୪୧ ରନ୍ ସ୍କୋର କରିଥିଲେ ଏବଂ ମ୍ୟାଚ୍ ଟାଇ ହୋଇଥିଲା। ସେତେବେଳେ କୌଣସି ସୁପର ଓଭର ନିୟମ ନଥିଲା।

ତେଣୁ ଫଳାଫଳ ପାଇଁ ବଲ୍ ଆଉଟ୍ ନିୟମ ବ୍ୟବହୃତ ହୋଇଥିଲା। ଉଭୟ ଦଳର ୫-୫ ଖେଳାଳି ୱିକେଟରୁ ଲକ୍ଷ୍ୟ କରି ବୋଲିଂ କରିଥିଲେ। ମ୍ୟାଚ୍ର ଫଳାଫଳ ଅଧିକ ହିଟ୍ ଉପରେ ଆଧାରିତ ରହିଥିଲା। ତେବେ ପାକିସ୍ତାନର କୌଣସି ଖେଳାଳି ୱିକେଟ୍ ମାରିନଥିଲେ। ଏହି ମ୍ୟାଚକୁ ଭାରତ ୩-୦ରେ ଜିତି ନେଇଥିଲା। ଏହା ପରେ ଉଭୟ ଦଳ ଫାଇନାଲରେ ମୁହାଁମୁହିଁ ହୋଇଥିଲେ ଏବଂ ଭାରତ ଚାମ୍ପିୟନ ହୋଇଥିଲେ।

ଟି-୨୦ ବିଶ୍ୱକପ ୨୦୨୪ ରେ ଭାରତ ଏବଂ ପାକିସ୍ତାନ ମଧ୍ୟରେ ଗ୍ରୁପ୍ ପର୍ଯ୍ୟାୟ ମ୍ୟାଚ୍ ଜୁନ୍ ୯ ରେ ଅନୁଷ୍ଠିତ ହେବ। ଏହି ମ୍ୟାଚ୍ ନ୍ୟୁୟର୍କର ନାସାଉ କ୍ରିକେଟ୍ ଷ୍ଟାଡିୟମରେ ଖେଳାଯିବ। ଏହି ମ୍ୟାଚ୍ ପାଇଁ କ୍ରିକେଟ୍ ପ୍ରଶଂସକମାନେ ବହୁତ ଉତ୍ସାହିତ ଅଛନ୍ତି।  ଆୟର୍ଲାଣ୍ଡ ବିପକ୍ଷରେ ଭାରତ ପ୍ରଥମ ମ୍ୟାଚ୍ ଜିତିଥିବାବେଳେ ଆମେରିକା ବିରୋଧରେ ପାକିସ୍ତାନକୁ ଲଜ୍ଜାଜନକ ପରାଜୟର ସାମ୍ନା କରିବାକୁ ପଡିଛି।