ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ର ଅନ୍ତିମ ମ୍ୟାଚ୍ ରବିବାର ଦିନ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଇଥିଲା, ଯାହା ଦୁବାଇ ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଅନୁଷ୍ଠିତ ହୋଇଥିଲା। ଟସ୍ ଜିତିବା ପରେ କିୱି ଅଧିନାୟକ ମିଚେଲ ସାଣ୍ଟନର୍ ପ୍ରଥମେ ବ୍ୟାଟିଂ କରିବାକୁ ବାଛିଥିଲେ, ଯାହା ପରେ ଦଳ ୨୫୧ ରନ୍ ସ୍କୋର କରିବାରେ ସଫଳ ହୋଇଥିଲା। ଏହାର ଜବାବରେ, ଟିମ୍ ଇଣ୍ଡିଆ ୨୫୪ ରନ୍ କରିବା ସହିତ ଏହି ଚମତ୍କାର ବିଜୟ ହାସଲ କରିବାରେ ସଫଳ ହୋଇଛି। ​​ମ୍ୟାଚ୍ ଶେଷ ହେବା ପରେ ଭାରତୀୟ ପ୍ରଶଂସକମାନେ ସୋସିଆଲ ମିଡିଆରେ ଦଳକୁ ଅଭିନନ୍ଦନ ଜଣାଇଛନ୍ତି। ଏଥିସହିତ ଏଥିପାଇଁ ପାକିସ୍ତାନକୁ ଟ୍ରୋଲିଂର ଶିକାର ହେବାକୁ ପଡିଥିବା ମଧ୍ୟ ଦେଖିବାକୁ ମିଳିଛି।

ଦୁବାଇରେ ଖେଳାଯାଇଥିବା ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ର ଅନ୍ତିମ ମ୍ୟାଚରେ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ କଡ଼ା ପ୍ରତିଯୋଗିତା ଦେଖିବାକୁ ମିଳିଥିଲା। ଟସ୍ ଜିତିବା ଏବଂ ପ୍ରଥମେ ବ୍ୟାଟିଂ କରିବାକୁ ଆସିବା ପରେ ୱିଲ୍ ୟଙ୍ଗ ଏବଂ ରାଚିନ୍ ରବିନ୍ଦ୍ରଙ୍କ ଯୋଡି କିୱି ଦଳକୁ ଏକ ଭଲ ଆରମ୍ଭ ଦେଇଥିଲେ। ଉଭୟ ପ୍ରଥମ ୱିକେଟ୍ ପାଇଁ ୫୭ ରନ୍ ଭାଗିଦାରୀ ଗଢିଥିଲେ, ଯାହାକୁ ୱିଲ୍ ୟଙ୍ଗଙ୍କୁ ଆଉଟ୍ କରି ବରୁଣ ଚକ୍ରବର୍ତ୍ତୀ ଭାଙ୍ଗିଥିଲେ। ଏହା ପରେ ରଚିନ୍ ରବିନ୍ଦ୍ର ୩୭ ରନ୍ ସ୍କୋର କରିବା ପରେ ପାଭିଲିୟନକୁ ଫେରିଥିଲେ ଏବଂ କେନ୍ ୱିଲିୟମସନ ମାତ୍ର ୧୧ ରନ୍ ସଂଗ୍ରହ କରିଥିଲେ।  ଚତୁର୍ଥ ନମ୍ବରରେ ବ୍ୟାଟିଂ କରିବାକୁ ଆସିଥିବା ଡାରିଲ ମିଚେଲ ଇନିଂସ ପରିଚାଳନା କରିବା ସହିତ ୬୩ ରନ୍ କରି ଅର୍ଦ୍ଧଶତକ ହାସଲ କରିଥିଲେ। 

ଗ୍ଲେନ ଫିଲିପ୍ସ ଏବଂ ମାଇକେଲ ବ୍ରେସୱେଲଙ୍କ ଡାରିଲ ମିଚେଲଙ୍କୁ ଭଲ ସମର୍ଥନ ଦେଇଥିଲେ। ତାଙ୍କର ଏହି ଦୁଇ ଖେଳାଳିଙ୍କ ସହ ଯଥାକ୍ରମେ ୫୭ ରନ୍ ଏବଂ ୪୬ ରନ୍ ଭାଗିଦାରୀ ହୋଇଥିଲା। ତେବେ ଡାରିଲ ମିଚେଲଙ୍କ ପତନ ପରେ ମାଇକେଲ ବ୍ରେସୱେଲ ଦାୟିତ୍ ଗ୍ରହଣ କରି ୫୩ ରନର ଅପରାଜିତ ଇନିଂସ ଖେଳିଥିଲେ। ୨୫୨ ରନ୍‌ର ଟାର୍ଗେଟକୁ ପିଛା କରିଥିବା ଟିମ୍ ଇଣ୍ଡିଆକୁ ରୋହିତ ଶର୍ମା ଏକ ଭଲ ଆରମ୍ଭ ଦେଇଥିଲେ। ରୋହିତ ଶର୍ମା ୮୩ ବଲର ସମ୍ମୁଖୀନ ହୋଇ ୭୬ ରନର ଯୋଗଦାନ ଦେଇଥିଲେ। ୨୬.୧ ଓଭରରେ ଟମ ଲାଥାମ ରାଚିନ୍ ରବିନ୍ଦ୍ରଙ୍କୁ ଷ୍ଟମ୍ପ କରି ପାଭିଲିୟନର ରାସ୍ତା ଦେଖାଇଥିଲେ।  ଶୁଭମାନ ଗିଲ ଏବଂ ବିରାଟ କୋହଲି ମଧ୍ୟ କିଛି ବିଶେଷ କରିପାରିନଥିଲେ।  ଦୁହେଁ ଯଥାକ୍ରମେ ୩୧ ରନ୍ ଏବଂ ୧ ରନ୍ ସ୍କୋର କରିଥିଲେ। ୧୨୨ ସ୍କୋରରେ ୩ ୱିକେଟ୍ ଖସିଯିବା ପରେ ଶ୍ରେୟସ୍ ଆୟର ଏବଂ ଅକ୍ଷର ପଟେଲଙ୍କ ଯୋଡି ବ୍ୟାଟିଂ କରିବାକୁ ଆସିଥିଲା। ଉଭୟ ୬୧ ରନ୍ ର ସହଭାଗୀତା କରି ଦଳର ସ୍କୋରକୁ ୧୮୦ ରନ ପର୍ଯ୍ୟନ୍ତ ନେଇଥିଲେ।

Another chapter in a legacy written with grit and glory 🙌
Congratulations Team India!#ChampionsTrophy #ChampionsTrophy2025 #TeamIndia

— BSA Motorcycles India (@bsamotorcyclein) March 9, 2025

ତେବେ ମିଚେଲ ସାଣ୍ଟନର୍ ୩୮.୪ ଓଭରରେ ଶ୍ରେୟସ୍ ଆୟର୍ (୪୮) ଙ୍କୁ ଆଉଟ କରି ଭାରତକୁ ଏକ ବଡ ଝଟକା ଦେଇଥିଲେ।  ଶେଷରେ ଶ୍ରେୟସ୍ ଆୟର, ଅକ୍ସର ପଟେଲ, କେ.ଏଲ୍ ରାହୁଲ, ହାର୍ଦ୍ଦିକ ପାଣ୍ଡ୍ୟା ଏବଂ ରବିନ୍ଦ୍ର ଜାଡେଜା ଯଥାକ୍ରମେ ୪୮ ରନ୍, ୨୯ ରନ୍, ୩୪ ରନ୍, ୧୮ ରନ୍ ଏବଂ ୯ ରନ୍ ଯୋଗଦାନ କରି ଭାରତ ନାମରେ ଟାଇଟଲ୍ ଲେଖିଥିଲେ। ୧୨ ବର୍ଷ ପରେ ଟିମ୍ ଇଣ୍ଡିଆ ଚାମ୍ପିଅନ୍ସ ଟ୍ରଫି ଫାଇନାଲ୍ ଜିତିବା ପରେ ଭାରତୀୟ ପ୍ରଶଂସକମାନେ ବହୁତ ଖୁସି ହୋଇଥିବା ଦେଖିବାକୁ ମିଳିଛି।

Was this champions trophy happening in Pakistan??? Final not in pakistan...pak team didnt even reach SF...No pcb official on stage for presentation??? Plus trophy presented by Aaron finch and not by sarfaraz who was pak captain when it was last held...#ChampionsTrophy2025

— Ashanj (@aammanbharat) March 9, 2025

ଅନ୍ୟପକ୍ଷରେ ହୋସ୍ଟିଂ ନେସନ୍ ହେବା ସତ୍ତ୍ୱେ ପୁରସ୍କାର ବିତରଣ ସମାରୋହରେ PCBର କୌଣସି ସଦସ୍ୟ ନଥିବା ସମସ୍ତଙ୍କୁ ଚକିତ କରିଛି। ଗୋଟିଏ ପଟେ ସୋସିଆଲ ମିଡିଆରେ ଭାରତକୁ ପ୍ରଶଂସା ମିଳୁଥିବା ବେଳେ ଅନ୍ୟପକ୍ଷରେ ଚିର ପ୍ରତିଦ୍ବନ୍ଦି ପାକିସ୍ତାନକୁ ଏଥିପାଇଁ ଖୁବ ଟ୍ରୋଲିଂର ଶିକାର ହେଉଥିବା ଦେଖିବାକୁ ମିଳିଲାଣି।