ଏପ୍ରିଲ ୩୦ ତାରିଖରେ ଟି-୨୦ ବିଶ୍ୱକପ ୨୦୨୪ ପାଇଁ ଭାରତୀୟ ୧୫ ଜଣିଆ ଦଳ ଘୋଷଣା କରାଯାଇଛି।  ଉପ-ଅଧିନାୟକ ଦାୟିତ୍ୱ ହାର୍ଦ୍ଦିକ ପାଣ୍ଡ୍ୟାଙ୍କ କାନ୍ଧରେ ଥିବାବେଳେ ଦଳର ଅଧିନାୟକ ରୋହିତ ଶର୍ମା ହିଁ ରହିଛନ୍ତି। ଅନେକ ଯୁବ ଖେଳାଳିଙ୍କୁ ଦଳରେ ସୁଯୋଗ ଦିଆଯାଇଥିବାବେଳେ ଅନେକ ସିନିୟର ଖେଳାଳିଙ୍କୁ ମଧ୍ୟ ଭଲ ସନ୍ତୁଳନ ଦୃଷ୍ଟିରେ ଦଳରେ ରଖାଯାଇଛି। କିଛି ଖେଳାଳି ଏପରି ମଧ୍ୟ ରହିଛନ୍ତି ଯେଉଁମାନେ ଚଳିତ ଆଇପିଏଲରେ ଚମତ୍କାର ପ୍ରଦର୍ଶନ ସତ୍ତ୍ୱେ ଦଳରେ ସ୍ଥାନ ପାଇନାହାଁନ୍ତି। ରୋହିତ ଶର୍ମା ଏବଂ ସିଲେକ୍ଟର ଏହି ତିନି ଖେଳାଳିଙ୍କୁ ଅଣଦେଖା କରିଛନ୍ତି, ଯେଉଁମାନେ ଏପର୍ଯ୍ୟନ୍ତ ଆଇପିଏଲ ୨୦୨୪ ରେ ଚମତ୍କାର ପ୍ରଦର୍ଶନ କରିଛନ୍ତି।

୧. ରିଙ୍କୁ ସିଂ:- ଟି-୨୦ ବିଶ୍ୱକପ ୨୦୨୪ ପାଇଁ ରିଙ୍କୁ ସିଂଙ୍କୁ ସବୁଠାରୁ ବଡ ଫିନିସର ଭାବରେ ବିବେଚନା କରାଯାଉଥିଲା। କିନ୍ତୁ ଯେତେବେଳେ ଦଳ ଘୋଷଣା ହେଲା ସେତେବେଳେ ରିଙ୍କୁଙ୍କୁ ଅଣଦେଖା କରାଯାଇଛି। ତାଙ୍କୁ ଷ୍ଟାଣ୍ଡବାଇ ଭାବରେ ଚୟନ କରାଯାଇଛି। ଟି-୨୦ ଫର୍ମାଟରେ ରିଙ୍କୁ ସିଂ କ୍ରମାଗତ ଭାବେ ଭାରତ ପାଇଁ ରନ୍ ସ୍କୋର କରୁଥିଲେ, କିନ୍ତୁ ତାଙ୍କୁ ଦଳରେ ଅନ୍ତର୍ଭୁକ୍ତ କରାଯାଇନାହିଁ।

ଭାରତ ପାଇଁ ତାଙ୍କର ଶେଷ ପାଞ୍ଚ ଇନିଂସ ଚମତ୍କାର ରହିଛି। ସେ ୬୯*,୯*,୧୬*,୧୪ ଏବଂ ୬୮* ସ୍କୋର କରିଥିଲେ। ଏହା ପରେ ମଧ୍ୟ ତାଙ୍କୁ ଅଣଦେଖା କରାଯାଇଅଛି। ବର୍ତ୍ତମାନ ପର୍ଯ୍ୟନ୍ତ ସେ ଖେଳିଥିବା ୧୫ ଟି-୨୦ ମ୍ୟାଚରେ ସେ ୮୯ ଆଭରେଜରେ ୩୫୬ ରନ୍ ସ୍କୋର କରିଛନ୍ତି, ଯେଉଁଥିରେ ୨ ଅର୍ଦ୍ଧଶତକ ମଧ୍ୟ ଅନ୍ତର୍ଭୁକ୍ତ ରହିଛି।

ରିୟାନ ପରାଗ:- ଆଇପିଏଲ୍ ୨୦୨୪ରେ ବ୍ୟାଟିଂ କରି ରିୟାନ୍ ପାରାଗ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ସେ ବର୍ତ୍ତମାନ ପର୍ଯ୍ୟନ୍ତ ରାଜସ୍ଥାନ ପାଇଁ ଅନେକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଛନ୍ତି। ପାରାଗଙ୍କୁ ମଧ୍ୟ ଭାରତୀୟ ଦଳରେ ସାମିଲ କରାଯିବ ବୋଲି ଆଶା କରାଯାଉଥିଲା। ତାଙ୍କୁ ମଧ୍ୟ ଅଣଦେଖା କରାଯାଇଛି। ପ୍ରଥମ ମ୍ୟାଚ୍‌ରେ ସେ LSG ବିପକ୍ଷରେ ୪୩ ରନ୍‌ର ଇନିଂସରୁ ଆରମ୍ଭ କରିଥିଲେ।

ଏହା ପରେ ସେ ଦିଲ୍ଲୀ ବିପକ୍ଷରେ ୮୪ ରନର ଅପରାଜିତ ଇନିଂସ ଖେଳିଥିବାବେଳେ ମୁମ୍ବାଇ ବିପକ୍ଷରେ ୫୪ ରନ୍ ଏବଂ ଗୁଜୁରାଟ ବିପକ୍ଷରେ ୭୬ ରନ ଅପରାଜିତ ଇନିଂସ ଖେଳି ବିଶ୍ୱକପ ୨୦୨୪ ପାଇଁ ନିଜର ଦାବି ଉପସ୍ଥାପନ କରିଥିଲେ।

କିନ୍ତୁ ରୋହିତ ଶର୍ମା ମଧ୍ୟ ତାଙ୍କୁ ଭାରତୀୟ ଦଳରେ ସାମିଲ କରିବା ଠିକ୍ ମନେ କରିନାହାଁନ୍ତି। ପରାଗ ଚଳିତ ସିଜନରେ ୫୧୦ ରନ୍ ସ୍କୋର କରିଛନ୍ତି ଏଥିସହିତ ସେ ସୟଦ ମୁଶତାକ୍ ଅଲି ଟ୍ରଫି ୨୦୨୩-୨୪ ରେ ସର୍ବାଧିକ ରନ୍ ସ୍କୋରର ରହିଛନ୍ତି।

୩. ସନ୍ଦୀପ ଶର୍ମା:- ଆଇପିଏଲ୍ ୨୦୨୩ ପରଠାରୁ ଡେଥ ଓଭରରେ ବୋଲିଂ ପାଇଁ ସନ୍ଦୀପ ଶର୍ମା ନିଜ ପାଇଁ ନାମ ସୃଷ୍ଟି କରିଛନ୍ତି। ଗତ ଆଇପିଏଲ୍ ସିଜନ ବିଷୟରେ କହିବାକୁ ଗଲେ ସନ୍ଦୀପ ୧୨ ଟି ମ୍ୟାଚ୍ ରେ ୧୦ ଟି ୱିକେଟ୍ ନେଇଥିବାବେଳେ ୮.୬୧ ର ଉତ୍କୃଷ୍ଟ ଇକୋନୋମୀ ହାରରେ ରନ୍ ଦେଇଛନ୍ତି।

ଏହି ସିଜନରେ ମଧ୍ୟ ସେ ନିଜର ଚମତ୍କାର ବୋଲିଂରେ ହଇଚଇ ସୃଷ୍ଟି କରୁଛନ୍ତି। ଏପର୍ଯ୍ୟନ୍ତ ଖେଳାଯାଇଥିବା ୪ ଟି ମ୍ୟାଚରେ ସନ୍ଦୀପ ୮ ଜଣ ବ୍ୟାଟ୍ସମ୍ୟାନଙ୍କୁ ତାଙ୍କର ଶିକାର କରିଛନ୍ତି। ଏହା ବ୍ୟତୀତ ସେ ୭.୧୩ର ଇକୋନୋମି ସହିତ ରନ୍ ଖର୍ଚ୍ଚ କରିଛନ୍ତି। ଶେଷ ଓଭର ଗୁଡିକରେ ବିଶେଷଜ୍ଞ ବୋଲର ଭାବରେ ତାଙ୍କୁ ଚୟନ କରାଯିବ ବୋଲି ଆଶା କରାଯାଉଥିଲା।  କିନ୍ତୁ ଏହା ଘଟିଲା ନାହିଁ। ୨୦୧୫ ରେ ଜିମ୍ବାୱେ ବିପକ୍ଷରେ ଭାରତ ପାଇଁ ସନ୍ଦୀପ ତାଙ୍କର ଶେଷ ମ୍ୟାଚ୍ ଖେଳିଥିଲେ।