ମୁମ୍ବାଇର ୱାଙ୍ଖଡେ ଷ୍ଟାଡିୟମ୍‌ରେ ମଙ୍ଗଳବାର ଭାରତର ମଧ୍ୟକ୍ରମ ରେ ବେଟିଂ କରିବାକୁ ଆସିଥିବା ଋଷବ ପନ୍ତ୍‌ ୪୪ତମ ଓଭରରେ ପ୍ୟାଟ୍ କମିନ୍ସଙ୍କ ବାଉଁସର୍‌ ବଲ୍‌ ତାଙ୍କ ବ୍ୟାଟ୍‌ରେ ବାଜି ହେଲ୍‌ମେଟ୍‌ରେ ଜୋରଦାର ଆଘାତ ଦେଇଥିଲା ଫଳରେ ତାଙ୍କର ମୁଣ୍ଡରେ ଆଘାତ ହୋଇଥିଲା ।

ଏହି କାରଣରୁ ତାଙ୍କ ବଦଳରେ ଲୋକେଶ ରାହୁଲ ଉଇକେଟକିପିଂ କରିଥିଲେ କିନ୍ତୁ ” ଭାରତୀୟ ଦଳର ଅନ୍ୟ ସଦସ୍ୟଙ୍କ ସହ ପନ୍ତ ରାଜକୋଟ ଗସ୍ତ କରିବେ କି ନାହିଁ ତାହା ସ୍ପଷ୍ଟ ହୋଇନାହିଁ । ସାଧାରଣତଃ ଖେଳାଳିଙ୍କ ହେଲମେଟରେ ବଲ ବାଜିଲେ ୨୪ ଘଣ୍ଟା ପର୍ଯ୍ୟନ୍ତ ଡାକ୍ତରଙ୍କ ତଦାରଖରେ ରଖାଯାଏ ବୋଲି ବିସିସିଆଇ ପ୍ରକାଶ କରିଥିଲା ” ।

ଅଷ୍ଟ୍ରେଲିଆ ଓ ଭାରତ ଦିନିକିଆ ସିରିଜ୍‌ର ଦ୍ୱିତୀୟ ମ୍ୟାଚ୍‌ ରାଜକୋଟଠାରେ ଶୁକ୍ରବାର ଖେଳାଯିବ । ତେବେ ସେ ଦ୍ୱିତୀୟ ଦିନିକିଆ ପାଇଁ ଉପଲବ୍ଧ ହେବେ କି ନାହିଁ, ସେ ସମ୍ପର୍କରେ କିଛି ସ୍ପଷ୍ଟ କରାଯାଇନାହିଁ।